உலகின் முக்கிய தலைவர்களுள் ஒருவராக தன்னை குறிப்பிட்டதற்கு தாதா வாஸ்வானி பிரதமருக்கு நன்றி தெரிவித்துக் கொண்டுள்ளார். ஜன் தன் திட்டம், மேக் இன் இந்தியா, தூய்மை இந்தியா போன்ற திட்டங்களுக்கு நல்ல பலன் கிடைத்துள்ளது என அவர் மேலும் கூறினார். இந்த மூன்று ஆண்டுகளில் இந்தியாவில் பெருமளவில் மாற்றம் ஏற்பட்டுள்ளது என்றார் அவர். நாட்டின் முன்னேற்றத்திற்கு, அரசியல் அல்ல, சரியான சமயத்தில் கொடுக்கப்படும் சரியான கல்வி தான் உதவிடும் என்றார் அவர். அனைத்து இந்தியர்களும் பெருமை படும் வகையிலான இந்தியாவை உருவாக்க நாம் அனைவரும்
பாடுபட வேண்டும் என கேட்டுக் கொண்டார்.
”இந்தியாவின் பிரதமராக நாம் திரு. நரேந்திர மோடியை போன்ற தலைவரை பெற்றிருப்பது நமது அதிர்ஷ்டம். கடந்த மூன்றாண்டுகளில் இந்தியா பல பாதைகளை கடந்து வந்துள்ளது. உங்களது முயற்சிகளான ஜன் தன் திட்டம், தூய்மை இந்தியா திட்டம், மேக் இன் இந்தியா திட்டம் ஆகியவை இந்தியாவில் மாற்றங்களை ஏற்படுத்தி வருகிறது. இந்திய மக்களின் சார்ப்பில் நான் பிரதமருக்கு வாழ்த்துக்களை தெரிவித்துக் கொள்கிறேன்”, என தாதா வாஸ்வானி கூறினார்."
