அகமதாபாதில் பிரதமர் மோடி, அதிபர் டிரம்ப் ஆகியோர் இரண்டு மாபெரும் சாலையோர கலைநிகழ்ச்சிகளில் பங்கேற்கின்றனர். முதலாவது கலைநிகழ்ச்சி அகமதாபாத் விமான நிலையத்திலிருந்து சபர்மதி ஆசிரமம் வரைக்கும் நடைபெறுகிறது. ஆசிரமத்தில் இரு தலைவர்களும் மகாத்மா காந்திக்கு அஞ்சலி செலுத்துகிறார்கள். இரண்டாவது சாலையோர கலை நிகழ்ச்சி சபர்மதி ஆசிரமத்திலிருந்து தொடங்கி மொடேரா கிரிக்கெட் அரங்கில் நிறைவு பெறுகிறது. இந்த அரங்கில் ‘நமஸ்தே டிரம்ப்’ நிகழ்ச்சிக்கு ஏற்பாடு செய்யப்பட்டுள்ளது. பிரதமர் மோடி, அதிபர் டிரம்ப் ஆகியோரை வரவேற்க தெருக்களின் ஓரங்களில் பெருந்திரளான மக்கள் கூட்டம் அலைமோதியது.
