Mera Saansad
Search Search
Tamil language

நூலாசிரியர், கவிஞர், இன்னும் ஏராளமாக… அரசியலுக்கு அப்பாலும் வாழ்க்கை

Published By : Admin | March 25, 2014 | 11:16 IST

உணர்வுபூர்வமான எழுத்தாளர், கவிஞர், கலாச்சார நேயர். நரேந்திர மோடியைப் பற்றிச் வேறுவழிகளில் சித்தரிக்க இதைப் போன்ற வேறு சிலவும் உள்ளன. வேலையிலேயே ஆழ்ந்திருக்க வேண்டியிருந்தாலும், பெரும்பாலான நேரங்களில் மூச்சுத்திணறும்படியான வேலைகள் இருந்தபோதிலும், யோகா, எழுத்து, சமூக ஊடகங்களில் மக்களுடன் கலந்துரையாடுவது என தான் ஆழ்ந்து ரசிப்பவற்றில் ஈடுபடுவதற்கு நரேந்திர மோடி சிறிதளவு நேரத்தை ஒதுக்கவே செய்கிறார். பேரணிகளுக்கு இடையேயும் அங்கு தனக்கு ஏற்பட்ட அனுபவங்களைப் பற்றி டிவிட்டரில் பகிர்ந்து கொள்வதையும் நீங்கள் பார்க்கலாம். இளம் வயதிலிருந்தே அவர் எழுதிக் கொண்டிருக்கிறார். 24 மணி நேரமும் உடனடிச் செய்திகளை வெளியிட்டு வரும் இந்தக் காலத்தில் பெரும்பாலும் கண்ணுக்குத் தென்படாமல் போய்விடும் நரேந்திர மோடி குறித்த விஷயத்தை நோக்கி இந்தப் பகுதி உங்களை அழைத்துச் செல்கிறது

“யோகா மனிதகுலத்திற்கு இந்தியா வழங்கிய கொடை. இதன் மூலம் உலகம் முழுவதையுமே நம்மால் நெருங்கிவிட முடியும். யோகா என்பது நோய்களிலிருந்து மட்டுமல்ல; ஆசைகளிலிருந்தும் விடுதலை செய்வதாகும்”
அவருக்கு மிகவும் நெருக்கமான விஷயமான யோகாவைப் பற்றி நரேந்திர மோடி வழங்கிய மிகச் சிறந்த உரைகளில் ஒன்று
 
அவரது பேச்சைப் போலவே அவரது நூல்களும் வலுவானவையாக, உள்ளுணர்வைத் தூண்டுவதாக, தகவல்களை தெரிவிப்பதாகவே இருக்கின்றன. நரேந்திர மோடியின் ஒவ்வொரு நூலுமே தகவல், செறிவான கருத்துக்கள், வாழ்வில் அவர் கடந்து வந்த சம்பவங்களைப் பற்றிய விவரிப்புகள் ஆகியவற்றை உள்ளடக்கியதாகத் திகழ்கின்றன
அவசரநிலையின் இருண்ட நாட்களில் குஜராத் பற்றிய காட்சியைப் பாருங்கள். சமூக சமத்துவம் குறித்த அவரது கருத்தைப் படியுங்கள். எதிர்கால சந்ததியினருக்கு பசுமையான உலகத்தை விட்டுச் செல்வது எவ்வளவு முக்கியமானது என அவர் நினைப்பது ஏன் என்பதைப் பற்றியும் தெரிந்து கொள்ளுங்கள்…
 
“எனது 36 வயதில் ஜகத்ஜனனி தாயுடன் நான் நடத்திய உரையாடல்களின் தொகுப்பே சாக்க்ஷிபாவ் நூலாகும். அது வாசகருடன் என்னை தொடர்புபடுத்துகிறது. பத்திரிக்கைகளின் மூலமாக மட்டுமல்ல; எனது வார்த்தைகளின் மூலமாகவும் வாசகர்கள் என்னைத் தெரிந்து கொள்ளவும் உதவுகிறது”
உங்களுக்குத் தெரியுமா? நரேந்திர மோடி நாட்குறிப்பு எழுதும் பழக்கமுள்ளவர். என்றாலும் ஒவ்வொரு 6-8 மாத காலத்திலும் எழுதிய பக்கங்களை எரித்து விடும் பழக்கமும் அவருக்குண்டு. ஒருநாள் அவ்வாறு பக்கங்களை எரித்துக் கொண்டிருக்கும்போது ஒரு ஆர்.எஸ்.எஸ். பிரச்சாரகர் அதைப் பார்த்துவிட்டு அவ்வாறு செய்ய வேண்டாம் என்று கேட்டுக் கொண்டார். அந்தப் பக்கங்கள்தான் 36 வயதான நரேந்திர மோடியின் எண்ணங்களின் தொகுப்பாக, சாக்க்ஷிபாவ் என்ற வடிவத்தில் வெளியாயின
 
“உரைநடையின் மூலம் விளக்கமுடியாதவற்றை பெரும்பாலும் கவிதைகளின் மூலமாக வெளிப்படுத்தி விடலாம்…”
நரேந்திர மோடியின் கவிதைகளில் சிலவற்றை இங்கே பார்க்கிறீர்கள். குஜராத்தி மொழியில் எழுதப்பட்ட இந்தக் கவிதைகள் இயற்கை எனும் அன்னை, தேசபக்தி ஆகிய கருத்துகளை தெரிவிப்பதாக அமைந்தவை
 
“கலை, இசை, இலக்கியம் ஆகியவை அரசை நம்பியிருக்கக் கூடாது. அவற்றிற்கு எவ்வித கட்டுப்பாடுகளும் இருக்கலாகாது. அரசு இத்தகைய திறமைகளை அங்கீகரித்து, அதை வளர்க்க வேண்டும்”
வெகுஜன கலாச்சாரம் பற்றிய நரேந்திர மோடியின் நம்பிக்கை குறித்து தெரிவிப்பதாக இவை அமைகின்றன. அவசர நிலைக்கு எதிரான போராட்டத்தில் தீவிரமாக செயல்பட்ட அவருக்கு கருத்துச் சுதந்திரம் என்பது நம்பிக்கையின் வடிவமாகவே உள்ளது. அதை அவர் எழுத்திலும் நடைமுறையிலும் பின்பற்றி வருகிறார். பிரபலமான கலைஞர்களுடன் அவர் கலந்துரையாடுவதை நீங்கள் ரசிக்கலாம்
இலையுதிர் காலத்தின் மடியிலிருந்தே வசந்தம் பிறக்கிறது!

திரு. நரேந்திர மோடி எழுதிய அழகான கவிதையை பார்த்திவ் கோஹில் பாடுகிறார்
 
நவராத்திரியின் வண்ணங்களையும் செயலூக்கத்தையும் அழகான கவிதையின் மூலம் பாராட்டுகிறார்
நவராத்திரி விழாவைப் பற்றி திரு. நரேந்திர மோடி எழுதிய கவிதை
Login or Register to add your comment
Explore More
78-வது சுதந்திர தின விழாவையொட்டி செங்கோட்டை கொத்தளத்தில் இருந்து பிரதமர் திரு நரேந்திர மோடி நிகழ்த்திய உரையின் தமிழாக்கம்

பிரபலமான பேச்சுகள்

78-வது சுதந்திர தின விழாவையொட்டி செங்கோட்டை கொத்தளத்தில் இருந்து பிரதமர் திரு நரேந்திர மோடி நிகழ்த்திய உரையின் தமிழாக்கம்
View All
Ayushman driving big gains in cancer treatment: Lancet

Media Coverage

Ayushman driving big gains in cancer treatment: Lancet
View All
NM on the go

Nm on the go

Always be the first to hear from the PM. Get the App Now!
Download App
...
பிரதமர் மோடியின் இதயத்தைத் தொடும் கடிதம்
December 03, 2024

திவ்யாங் (ஊனமுற்றோர்) கலைஞர் தியா கோசாய்க்கு, படைப்பாற்றலின் ஒரு தருணம் வாழ்க்கையை மாற்றும் அனுபவமாக மாறியது. அக்டோபர் 29 அன்று பிரதமர் மோடியின் வதோதரா ரோட்ஷோவின் போது, அவர் பிரதமர் மோடி மற்றும் ஸ்பெயின் அரசாங்கத்தின் தலைவரான மாண்புமிகு திரு. பெட்ரோ சான்செஸ் ஆகியோரின் ஓவியங்களை வழங்கினார். இரு தலைவர்களும் அவரது இதயப்பூர்வமான பரிசை தனிப்பட்ட முறையில் ஏற்றுக்கொண்டு, அவரை மகிழ்ச்சியில் ஆழ்த்தினார்கள்.

பல வாரங்களுக்குப் பிறகு, நவம்பர் 6 ஆம் தேதி, தியா தனது கலைப்படைப்பைப் பாராட்டி, ஸ்பெயின் ஜனாதிபதி மாண்புமிகு திரு. சான்செஸ் கூட அதை எப்படிப் பாராட்டினார் என்பதைப் பகிர்ந்து கொண்ட கடிதத்தைப் பிரதமர் மோடியிடம் இருந்து பெற்றார். "விக்சித் பாரத்" (வளர்ந்த பாரதம்) அமைப்பதில் இளைஞர்களின் பங்கில் நம்பிக்கையை வெளிப்படுத்தி, அர்ப்பணிப்புடன் நுண்கலைகளைத் தொடர பிரதமர் மோடி அவரை ஊக்குவித்தார். அவர் தனது தனிப்பட்ட தொடர்பை வெளிப்படுத்தி, அவரது குடும்பத்தினருக்கு அன்பான தீபாவளி மற்றும் புத்தாண்டு வாழ்த்துக்களையும் தெரிவித்தார்.

மகிழ்ச்சியில் திளைத்த தியா, அந்தக் கடிதத்தை தனது பெற்றோரிடம் காட்டினார், அவர்கள் குடும்பத்திற்கு இவ்வளவு பெரிய கௌரவத்தைக் கொண்டு வந்ததற்காக மகிழ்ச்சியடைந்தனர். "எங்கள் நாட்டின் சிறிய பகுதியாக இருப்பதில் பெருமிதம் கொள்கிறேன். மோடி ஜி, உங்கள் அன்பையும் ஆசிர்வாதத்தையும் எனக்கு வழங்கியதற்கு நன்றி," என்று கூறிய தியா, பிரதமரின் கடிதம் வாழ்க்கையில் தைரியமான செயல்களைச் செய்ய தன்னை ஆழமாகத் தூண்டியது, மற்றவர்களுக்கும் அவ்வாறு செய்ய அதிகாரம் அளிக்கும் என்று தெரிவித்தார்.

திவ்யாங்களுக்கு (ஊனமுற்றோர்) அதிகாரம் அளிப்பதிலும் அவர்களின் பங்களிப்பை அங்கீகரிப்பதிலும் பிரதமர் மோடியின் இந்தச் செய்கை அவரது உறுதிப்பாட்டை பிரதிபலிக்கிறது. சுகம்யா பாரத் அபியான் (இந்தியாவில் அணுகல்தன்மையை மேம்படுத்துவதற்கான பிரச்சாரம்) போன்ற பல முயற்சிகள் முதல் தியா போன்ற தனிப்பட்ட தொடர்புகள் வரை, அவர் தொடர்ந்து ஊக்கமளித்து மேம்படுத்துகிறார். இந்த ஒவ்வொரு முயற்சியும் பிரகாசமான எதிர்காலத்தை வடிவமைப்பதில் முக்கியமானது என்பதை நிரூபிக்கிறது.