ଦଶମ ଆନ୍ତର୍ଜାତିକ ଯୋଗ ଦିବସ ଅବସରରେ ବିଶ୍ୱବ୍ୟାପୀ ବଭିିନ୍ନ ବ୍ୟକ୍ତି ବିଶେଷ, ସମ୍ପ୍ରଦାୟ ଏବଂ ସଙ୍ଗଠନ ବଡ଼ ଧରଣର ଯୋଗାଭ୍ୟାସ ପାଇଁ ସାମଗ୍ରିକ ଭାବେ ଆଗେଇ ଆସିଥିବାରୁ ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ପ୍ରଶଂସା କରିଛନ୍ତି ।
ପ୍ରଧାନମନ୍ତ୍ରୀ ଏକ୍ସରେ ପୋଷ୍ଟ କରିଛନ୍ତି:
“ଦଶମ ଆନ୍ତର୍ଜାତିକ ଯୋଗ ବିଶ୍ୱବ୍ୟାପୀ ବ୍ୟାପକ ଭାବେ ଆୟୋଜିତ ହୋଇଛି । ଏହି ଅବସରରେ ଏକକାଳୀନ ଯୋଗାଭ୍ୟାସ କରିବାକୁ ବିଭିନ୍ନ ବ୍ୟକ୍ତି ବିଶେଷ, ସମ୍ପ୍ରଦାୟ ଏବଂ ସଙ୍ଗଠନ ଆଗେଇ ଆସିଥିବାରୁ ଧନ୍ୟବାଦ । ଏହା ସ୍ପଷ୍ଟ ହୋଇଛି ଯେ, ଯୋଗ ଭିନ୍ନ ଭିନ୍ନ ସଂସ୍କୃତି ଓ ପୃଷ୍ଠଭୂମିର ଲୋକଙ୍କୁ ଏକାଠି କରିବା ଏବଂ ଏକଜୁଟ କରିବାର ଏକ ଶକ୍ତି ପାଲଟିଛି । ଯୋଗାଭ୍ୟାସରେ ଯୁବପିଢ଼ି ପ୍ରବଳ ଉତ୍ସାହ ଓ ଉତ୍ସର୍ଗୀକୃତ ମନୋଭାବରେ ସାମିଲ ହେବା ଦେଖି ଖୁସି ଲାଗୁଛି ।
ଯୋଗକୁ ଲୋକପ୍ରିୟ କରାଇବାରେ ଯେଉଁମାନେ ଉଦ୍ୟମ କରି ଆସିଛନ୍ତି ସେମାନଙ୍କ ନିକଟରେ କୃତଜ୍ଞ । ଆଗାମୀ ଦିନରେ ଏହା ଏକତା ଓ ସଦଭାବ ପ୍ରତିଷ୍ଠା କରିବ । ଯୋଗ ପ୍ରଶିକ୍ଷକଙ୍କ ସଂଖ୍ୟା ବୃଦ୍ଧି ହେବା ଏବଂ ସେମାନଙ୍କ ବିଶେଷଜ୍ଞତା ଓ ଉତ୍ସାହ ଅନ୍ୟମାନଙ୍କୁ ଯୋଗ ପ୍ରତି ପ୍ରୋତ୍ସାହିତ କରୁଥିବା ଦେଖି ଖୁସି ଲାଗୁଛି ।
ଆଗାମୀ ଦିନରେ ଯୋଗ ସମଗ୍ର ବିଶ୍ୱକୁ ଏକତାର ସୂତ୍ରରେ ବାନ୍ଧି ରଖିବ ବୋଲି ଆଶା” ।
The 10th International Yoga Day has been held at a great scale across the world thanks to the collective efforts of individuals, communities and organisations who came together and practiced Yoga. It is clear that Yoga has become a unifying force, bringing together people across…
— Narendra Modi (@narendramodi) June 21, 2024
