ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ, ଜାତୀୟ ଜଳପଥ- ୬୮ ନିର୍ମାଣକୁ ନେଇ ସନ୍ତୋଷ ବ୍ୟକ୍ତ କରିଛନ୍ତି । ଏହି ନିର୍ମାଣ ଦ୍ୱାରା ଗୋଆର ପାଞ୍ଜିମରୁ ଭାସ୍କୋ ମଧ୍ୟରେ ଦୂରତା ୯ କିଲୋମିଟର ପର୍ଯ୍ୟନ୍ତ କମିବ ଏବଂ ଯାତ୍ରା ସମୟ ମାତ୍ର ୨୦ ମିନିଟ ରହିବ । ପୂର୍ବରୁ ପାଞ୍ଜିମରୁ ଭାସ୍କୋ ଦୂରତା ପ୍ରାୟ ୩୨ କିଲୋମିଟର ଓ ଯାତ୍ରା ସମୟ ପ୍ରାୟ ୪୫ ମିନିଟ ଥିଲା ।
କେନ୍ଦ୍ର ବନ୍ଦର, ଜାହାଜ ଚଳାଚଳ ଏବଂ ଜଳମାର୍ଗ ରାଷ୍ଟ୍ର ମନ୍ତ୍ରୀ ଶ୍ରୀ ଶ୍ରୀପଦ ୱାଇ. ନାଏକଙ୍କ ଟ୍ୱିଟ ଶୃଙ୍ଖଳ ପ୍ରତିକ୍ରିୟାରେ ପ୍ରଧାନମନ୍ତ୍ରୀ କହିଛନ୍ତି ଗୋଆର ପାଞ୍ଜିମରୁ ଭାସ୍କୋ ସଂଯୋଗୀକରଣ ଲୋକଙ୍କୁ ସହାୟତା କରିବା ସହ ପର୍ଯ୍ୟଟନକୁ ପ୍ରୋତ୍ସାହିତ କରିବ ।
ପ୍ରଧାନମନ୍ତ୍ରୀ ଟ୍ୱିଟ କରିଛନ୍ତି;
“ପାଞ୍ଜିମରୁ ଭାସ୍କୋ ମଧ୍ୟରେ ଏହି କନେକ୍ଟିଭିଟି ଦ୍ୱାରା ଲୋକଙ୍କୁ ସାହାଯ୍ୟ ମିଳିବା ସହ ପର୍ଯ୍ୟଟନକୁ ପ୍ରୋତ୍ସାହନ ମିଳିବ ।”
पंजिम से वास्को के बीच इस कनेक्टिविटी से लोगों को राहत मिलने के साथ-साथ पर्यटन को भी बढ़ावा मिलेगा। https://t.co/poBGPk2cN8
— Narendra Modi (@narendramodi) March 5, 2023
