The journey of Viksit Bharat is set to be one of unprecedented transformation and exponential growth in the mobility sector: PM
Ease of travel is a top priority for India today: PMThe strength of the Make in India initiative fuels the growth prospects of the country's auto industry: PMSeven Cs of India's mobility solution-Common, Connected, Convenient, Congestion-free, Charged, Clean, Cutting-edge: PMToday, India is focusing on the development of Green Technology, EVs, Hydrogen Fuel and Biofuels: PMIndia stands as an outstanding destination for every investor looking to shape their future in the mobility sector: PMକେନ୍ଦ୍ର କ୍ୟାବିନେଟରେ ମୋର ସହଯୋଗୀ ଶ୍ରୀ ନୀତିନ ଗଡକରୀ ଜୀ, ଜିତନ ରାମ ମାଝୀ ଜୀ, ମନୋହର ଲାଲ ଜୀ, ଏଚଡି କୁମାରସ୍ୱାମୀଜୀ, ପୀୟୂଷ ଗୋୟଲଜୀ, ହରଦୀପ ସିଂ ପୁରୀଜୀ, ଦେଶ ବିଦେଶରୁ ଆସିଥିବା ଅଟୋ ଇଣ୍ଡଷ୍ଟ୍ରିର ସମସ୍ତ ବିଶିଷ୍ଟ ବ୍ୟକ୍ତି, ଅନ୍ୟ ଅତିଥିଗଣ, ମହିଳା ଏବଂ ଭଦ୍ରଲୋକମାନେ!
ଗତଥର ଯେତେବେଳେ ମୁଁ ଆପଣମାନଙ୍କ ମଧ୍ୟକୁ ଆସିଥିଲି, ସେତେବେଳେ ଲୋକସଭା ନିର୍ବାଚନ ଆଉ ଦୂରରେ ନଥିଲା। ସେହି ସମୟରେ ମୁଁ ଆପଣମାନଙ୍କ ବିଶ୍ୱାସ ଯୋଗୁଁ କହିଥିଲି ଯେ ପରବର୍ତ୍ତୀ ସମୟରେ ମଧ୍ୟ ମୁଁ ନିଶ୍ଚିତ ଭାବେ ଇଣ୍ଡିଆ ମୋବିଲିଟି ଏକ୍ସପୋକୁ ଆସିବି । ଦେଶ ତୃତୀୟ ଥର ପାଇଁ ଆମକୁ ଆଶୀର୍ବାଦ ଦେଇଛି, ଆପଣମାନେ ପୁଣି ଥରେ ମୋତେ ଏଠାକୁ ଡାକିଛନ୍ତି, ମୁଁ ଆପଣ ସମସ୍ତଙ୍କୁ କୃତଜ୍ଞତା ଜଣାଉଛି ।
ସାଥୀମାନେ
ମୁଁ ଖୁସି ଯେ ଚଳିତ ବର୍ଷ, ଇଣ୍ଡିଆ ମୋବିଲିଟି ଏକ୍ସପୋର ପରିସର ଯଥେଷ୍ଟ ବୃଦ୍ଧି ପାଇଛି । ଗତବର୍ଷ ୮୦୦ରୁ ଅଧିକ ପ୍ରଦର୍ଶକ ଅଂଶଗ୍ରହଣ କରିଥିଲେ, ଦେଢ଼ ଲକ୍ଷରୁ ଅଧିକ ଲୋକ ଆସିଥିଲେ, ଏଥର ଭାରତ ମଣ୍ଡପମ୍, ଦ୍ୱାରକାସ୍ଥିତ ଯଶୋଭୂମି ଏବଂ ଗ୍ରେଟର ନୋଏଡାର ଇଣ୍ଡିଆ ଏକ୍ସପୋ ସେଣ୍ଟର ବ୍ୟତୀତ ଏକ୍ସପୋ ଚାଲିଛି। ଆଗାମୀ ୫-୬ ଦିନ ମଧ୍ୟରେ ବହୁ ସଂଖ୍ୟକ ଲୋକ ଏଠାକୁ ଆସିବେ। ଏଠାରେ ଅନେକ ନୂଆ କାର୍ ମଧ୍ୟ ଲଞ୍ଚ ହେବାକୁ ଯାଉଛି। ଏହା ଦର୍ଶାଉଛି ଯେ ଭାରତରେ ଗତିଶୀଳତାର ଭବିଷ୍ୟତ କୁ ନେଇ କେତେ ସକାରାତ୍ମକ ଭାବନା । ଏଠାରେ କିଛି ପ୍ରଦର୍ଶନୀ ବୁଲିବାର ସୁଯୋଗ ମଧ୍ୟ ପାଇଛି। ଭାରତର ଅଟୋମୋବାଇଲ ଶିଳ୍ପ ଚମତ୍କାର ଅଟେ ଏବଂ ଭବିଷ୍ୟତ ପାଇଁ ମଧ୍ୟ ପ୍ରସ୍ତୁତ। ମୁଁ ଆପଣ ସମସ୍ତଙ୍କୁ ବହୁତ ବହୁତ ଶୁଭକାମନା ଜଣାଉଛି ।
ସାଥୀମାନେ
ଭାରତର ଅଟୋ ସେକ୍ଟରର ଏତେ ବଡ ଆୟୋଜନରେ, ଆଜି ମୁଁ ରତନ ଟାଟା ଜୀ ଏବଂ ଓସାମୁ ସୁଜୁକିଜୀଙ୍କୁ ମଧ୍ୟ ମନେ ପକାଇବି । ଭାରତର ଅଟୋ ସେକ୍ଟରର ଅଭିବୃଦ୍ଧି କ୍ଷେତ୍ରରେ ମଧ୍ୟବିତ୍ତଙ୍କ ସ୍ୱପ୍ନକୁ ସାକାର କରିବାରେ ଏହି ଦୁଇ ମହାନ ବ୍ୟକ୍ତିତ୍ୱଙ୍କ ବହୁତ ଅବଦାନ ରହିଛି । ମୋର ବିଶ୍ୱାସ ଯେ ରତନ ଟାଟା ଜୀ ଏବଂ ଓସାମୁ ସୁଜୁକିଜୀଙ୍କ ପରମ୍ପରା ଭାରତର ସମଗ୍ର ଗତିଶୀଳତା କ୍ଷେତ୍ରକୁ ପ୍ରେରଣା ଯୋଗାଇବ ।
ସାଥୀମାନେ
ଆଜିର ଭାରତ ଆକାଂକ୍ଷାରେ ପରିପୂର୍ଣ୍ଣ, ଯୁବ ଶକ୍ତିରେ ପରିପୂର୍ଣ୍ଣ । ଭାରତର ଅଟୋମୋବାଇଲ ଶିଳ୍ପରେ ଆମେ ଏହି ଆକାଂକ୍ଷା ଦେଖାଯାଉଛି । ଗତ ବର୍ଷକ ମଧ୍ୟରେ ଭାରତର ଅଟୋ ଶିଳ୍ପ ପ୍ରାୟ ୧୨ ପ୍ରତିଶତ ବୃଦ୍ଧି ପାଇଛି। 'ମେକ୍ ଇନ୍ ଇଣ୍ଡିଆ, ମେକ୍ ଫର୍ ଦି ୱାର୍ଲ୍ଡ' ମନ୍ତ୍ର ଅନୁସରଣ କରି ରପ୍ତାନି ମଧ୍ୟ ବୃଦ୍ଧି ପାଉଛି। ପ୍ରତିବର୍ଷ ଭାରତରେ ଯେତିକି କାର୍ ବିକ୍ରି ହୁଏ, ବିଶ୍ୱର ଅନେକ ଦେଶରେ ସେତିକି ଜନସଂଖ୍ୟା ନାହିଁ। ବର୍ଷକୁ ପ୍ରାୟ ୨.୫ କୋଟି ଗାଡ଼ି ବିକ୍ରି କରିବା ଦର୍ଶାଉଛି ଯେ ଭାରତରେ ଚାହିଦା କ୍ରମାଗତ ଭାବେ ବୃଦ୍ଧି ପାଉଛି। ଗତିଶୀଳତାର ଭବିଷ୍ୟତ କୁ ନେଇ ଭାରତକୁ କାହିଁକି ଏତେ ଆଶାର ସହ ଦେଖାଯାଉଛି ।
ସାଥୀମାନେ
ଭାରତ ଆଜି ବିଶ୍ୱର ପଞ୍ଚମ ବୃହତ୍ତମ ଅର୍ଥନୀତି । ଏବଂ ଯାତ୍ରୀବାହୀ ଯାନ ବଜାର ଦୃଷ୍ଟିରୁ ଆମେ ବିଶ୍ୱର ୩ ନମ୍ବର ସ୍ଥାନରେ ଅଛୁ । ଆପଣ କଳ୍ପନା କରନ୍ତୁ ଯେ ଯେତେବେଳେ ଭାରତ ବିଶ୍ୱର ଶ୍ରେଷ୍ଠ ତିନୋଟି ଅର୍ଥନୀତିରେ ସାମିଲ ହେବ ସେତେବେଳେ ଆମର ଅଟୋ ବଜାର କେଉଁଠି ରହିବ? ଏକ ବିକଶିତ ଭାରତର ଯାତ୍ରା ଗତିଶୀଳତା କ୍ଷେତ୍ରର ଅଭୂତପୂର୍ବ ପରିବର୍ତ୍ତନର ଯାତ୍ରା, ବହୁଗୁଣିତ ସମ୍ପ୍ରସାରଣର ଯାତ୍ରା ହେବାକୁ ଯାଉଛି । ଭାରତରେ ଗତିଶୀଳତାର ଭବିଷ୍ୟତ କୁ ପ୍ରୋତ୍ସାହିତ କରୁଥିବା ଅନେକ କାରଣ ଅଛି | ଉଦାହରଣ ସ୍ୱରୂପ, ଭାରତର ସର୍ବବୃହତ ଯୁବ ଜନସଂଖ୍ୟା, ମଧ୍ୟବିତ୍ତଙ୍କ କ୍ରମାଗତ ବୃଦ୍ଧି ପାଉଥିବା ପରିସର, ଦ୍ରୁତ ସହରୀକରଣ, ଭାରତରେ ନିର୍ମାଣ କରାଯାଉଥିବା ଆଧୁନିକ ଭିତ୍ତିଭୂମି, ମେକ୍ ଇନ୍ ଇଣ୍ଡିଆର ସୁଲଭ ଯାନ, ଏହି ସବୁ କାରଣ ଗୁଡିକ ଭାରତରେ ଅଟୋ କ୍ଷେତ୍ରର ଅଭିବୃଦ୍ଧିକୁ ଆଗକୁ ବଢ଼ାଇବ ଏବଂ ନୂତନ ଶକ୍ତି ପ୍ରଦାନ କରିବ।
ସାଥୀମାନେ
ଅଟୋ ଶିଳ୍ପର ବିକାଶ ପାଇଁ ଆବଶ୍ୟକତା ଏବଂ ଆକାଂକ୍ଷା ଉଭୟ ଅତ୍ୟନ୍ତ ଗୁରୁତ୍ୱପୂର୍ଣ୍ଣ | ଏବଂ ସୌଭାଗ୍ୟବଶତଃ, ଦୁହେଁ ଆଜି ଭାରତରେ ଜୀବନ୍ତ ଅଛନ୍ତି । ଆଗାମୀ ଅନେକ ଦଶନ୍ଧି ଧରି ଭାରତ ବିଶ୍ୱର ସବୁଠାରୁ ଯୁବଗୋଷ୍ଠୀ ଦେଶ ହେବାକୁ ଯାଉଛି । ଏହି ଯୁବକ, ଆପଣଙ୍କର ସବୁଠାରୁ ବଡ ଗ୍ରାହକ ଅଟନ୍ତି । ଏତେ ବଡ଼ ଯୁବକ କିପରି ଏତେ ବଡ଼ ଚାହିଦା ସୃଷ୍ଟି କରିବେ ତାହା ଆପଣ ଭଲ ଭାବରେ କଳ୍ପନା କରିପାରିବେ । ଆଉ ଏତେ ବଡ ଯୁବବର୍ଗ, କେତେ ବଡ ଆବଶ୍ୟକତା ସୃଷ୍ଟି କରିବା, ଏହାର ଅନୁମାନ ଆପଣ ଭଲ-ଭାବରେ ଅନୁମାନ କରି ପାରୁଥିବେ, ଆପଣଙ୍କର ଆଉ ଏକ ବଡ ଗ୍ରାହକ ଭାରତରେ ମଧ୍ୟବିତ୍ତ ଶ୍ରେଣୀରେ ଅଟନ୍ତି। ଗତ ୧୦ ବର୍ଷ ମଧ୍ୟରେ ୨୫ କୋଟି ଭାରତୀୟ ଦାରିଦ୍ର୍ୟମୁକ୍ତ ହୋଇଛନ୍ତି। ଏହି ନବ ମଧ୍ୟବିତ୍ତ ବର୍ଗକୁ ଏହାର ପ୍ରଥମ ଗାଡ଼ି ମିଳୁଛି। ଆଗକୁ ବଢ଼ିବା ସହ ଗାଡ଼ିର ଉନ୍ନତିକରଣ ମଧ୍ୟ କରିବେ। ଏବଂ ଅଟୋ ସେକ୍ଟରକୁ ଏହାର ଫାଇଦା ମିଳିବା ନିଶ୍ଚିତ ।
ସାଥୀମାନେ
ଭାରତରେ କାର୍ ନ କିଣିବାର ଅନ୍ୟତମ କାରଣ ହେଲା ଭଲ ରାସ୍ତା, ପ୍ରଶସ୍ତ ରାସ୍ତାର ଅଭାବ। ଏବେ ଏହି ସ୍ଥିତି ମଧ୍ୟ ବଦଳିବାରେ ଲାଗିଛି। ସହଜ ଯାତ୍ରା ଆଜି ଭାରତ ପାଇଁ ଏକ ବଡ଼ ପ୍ରାଥମିକତା । ଗତବର୍ଷ ବଜେଟରେ ଭିତ୍ତିଭୂମି ନିର୍ମାଣ ପାଇଁ ୧୧ ଲକ୍ଷ କୋଟିରୁ ଅଧିକ ଟଙ୍କା ବ୍ୟୟ ବରାଦ କରାଯାଇଥିଲା। ଆଜି ଭାରତରେ ମଲ୍ଟିଲେନ୍ ରାଜପଥ ଓ ଏକ୍ସପ୍ରେସ୍ ୱେର ନେଟୱାର୍କ ବିଛାଯାଉଛି। ପିଏମ ଗତିଶକ୍ତି ଜାତୀୟ ମାଷ୍ଟର ପ୍ଲାନରୁ ମଲ୍ଟିମୋଡାଲ ସଂଯୋଗ ତ୍ୱରାନ୍ୱିତ ହେଉଛି । ଏହା ଦ୍ୱାରା ଲଜିଷ୍ଟିକ୍ ଖର୍ଚ୍ଚ ହ୍ରାସ ପାଉଛି। ନ୍ୟାସନାଲ ଲଜିଷ୍ଟିକ୍ ପଲିସି ଯୋଗୁଁ ଭାରତ ବିଶ୍ୱର ସବୁଠାରୁ ପ୍ରତିଦ୍ୱନ୍ଦ୍ୱିତାପୂର୍ଣ୍ଣ ଲଜିଷ୍ଟିକ୍ ଖର୍ଚ୍ଚ ଥିବା ଦେଶ ହେବାକୁ ଯାଉଛି । ଏହି ସବୁ ପ୍ରୟାସ ଯୋଗୁଁ ଅଟୋ ଇଣ୍ଡଷ୍ଟ୍ରି ପାଇଁ ଅନେକ ନୂଆ ସମ୍ଭାବନାର ଦ୍ୱାର ଖୋଲିଛି। ଦେଶରେ ଗାଡ଼ିର ଚାହିଦା ବୃଦ୍ଧି ପଛରେ ଏହା ମଧ୍ୟ ଏକ ପ୍ରମୁଖ କାରଣ ହୋଇଛି।
ସାଥୀମାନେ
ଆଜି ଉତ୍ତମ ଭିତ୍ତିଭୂମି ସହିତ ନୂତନ ଜ୍ଞାନକୌଶଳକୁ ମଧ୍ୟ ସାମିଲ କରାଯାଉଛି। ଫାଷ୍ଟଟ୍ୟାଗରୁ ଭାରତରେ ଡ୍ରାଇଭିଂ ଅଭିଜ୍ଞତାକୁ ଅଧିକ ସହଜ କରିଛି । ନ୍ୟାସନାଲ କମନ୍ ମୋବିଲିଟି କାର୍ଡ ଭାରତରେ ଅବାଧ ଯାତ୍ରା ର ପ୍ରୟାସକୁ ଆହୁରି ସୁଦୃଢ଼ କରୁଛି । ବର୍ତ୍ତମାନ ଆମେ ସ୍ମାର୍ଟ ମୋବିଲିଟି ଆଡକୁ ଅଗ୍ରସର ହେଉଛୁ । ସଂଯୋଜିତ ଯାନ, ସ୍ୱୟଂଚାଳିତ ଡ୍ରାଇଭିଂ ଦିଗରେ ମଧ୍ୟ ଭାରତ ଦ୍ରୁତ ଗତିରେ କାର୍ଯ୍ୟ କରୁଛି ।
ସାଥୀମାନେ
ଭାରତରେ ଅଟୋ ଶିଳ୍ପର ବିକାଶ ସମ୍ଭାବନାରେ ମେକ୍ ଇନ୍ ଇଣ୍ଡିଆର ଶକ୍ତି ମଧ୍ୟ ଏକ ବଡ଼ ଭୂମିକା ଗ୍ରହଣ କରିଥାଏ । ପିଏଲଆଇ ଯୋଜନାରୁ ମେକ୍ ଇନ୍ ଇଣ୍ଡିଆ ଅଭିଯାନ ନୂଆ ଗତି ହାସଲ କରିଛି। ପିଏଲଆଇ ଯୋଜନା ୨.୨୫ ଲକ୍ଷ କୋଟି ରୁ ଅଧିକ ଟଙ୍କା ବିକ୍ରିରେ ସାହାଯ୍ୟ କରିଛି । ଏହି ଯୋଜନା ଦ୍ୱାରା ଏହି କ୍ଷେତ୍ରରେ ଦେଢ଼ ଲକ୍ଷରୁ ଅଧିକ ପ୍ରତ୍ୟକ୍ଷ ନିଯୁକ୍ତି ସୃଷ୍ଟି ହୋଇଛି। ଆପଣ ଜାଣନ୍ତି, ଆପଣ କେବଳ ଆପଣଙ୍କ କ୍ଷେତ୍ରରେ ନିଯୁକ୍ତି ସୃଷ୍ଟି କରୁନାହାନ୍ତି, ବରଂ ଅନ୍ୟ କ୍ଷେତ୍ରରେ ମଧ୍ୟ ଏହାର ଗୁଣାତ୍ମକ ପ୍ରଭାବ ରହିଛି । ବହୁ ସଂଖ୍ୟକ ଅଟୋ ପାର୍ଟସ୍ ଆମର ଏମ୍ ଏସ୍ ଏମ୍ ଇ କ୍ଷେତ୍ରକୁ ନେଇ ଗଠିତ। ଅଟୋ ସେକ୍ଟର ର ଅଭିବୃଦ୍ଧି ହେଲେ ଏମଏସଏମଇ ଲଜିଷ୍ଟିକ୍ସ, ଟୁର୍ ଏବଂ ଟ୍ରାନ୍ସପୋର୍ଟ ଭଳି ଏହି ସବୁ କ୍ଷେତ୍ରରେ ଆପେ ଆପେ ନୂଆ ନିଯୁକ୍ତି ବଢ଼ିବା ଆରମ୍ଭ ହୋଇଯାଏ ।
ସାଥୀମାନେ
ଅଟୋ ସେକ୍ଟରକୁ ଭାରତ ସରକାର ସବୁ ସ୍ତରରେ ସହଯୋଗ କରୁଛନ୍ତି। ଗତ ଦଶନ୍ଧି ମଧ୍ୟରେ ଏହି ଶିଳ୍ପରେ ଏଫଡିଆଇ, ଟେକ୍ନୋଲୋଜି ହସ୍ତାନ୍ତର ଏବଂ ବିଶ୍ୱସ୍ତରୀୟ ଭାଗିଦାରୀର ନୂତନ ମାର୍ଗ ସୃଷ୍ଟି ହୋଇଛି । ଗତ ୪ ବର୍ଷ ରେ ଏହି କ୍ଷେତ୍ରରେ ୩୬ ବିଲିୟନ ଡଲାରରୁ ଅଧିକ ପ୍ରତ୍ୟକ୍ଷ ବିଦେଶୀ ପୁଞ୍ଜିନିବେଶ ଆସିଛି । ଆଗାମୀ ଦିନରେ, ଏହା ବହୁଗୁଣିତ ହେବାକୁ ଯାଉଛି। ଅଟୋ ଉତ୍ପାଦନ ସହ ଜଡିତ ସମଗ୍ର ଇକୋସିଷ୍ଟମକୁ ଭାରତରେ ହିଁ ବିକଶିତ କରିବାକୁ ଆମର ପ୍ରୟାସ ।
ସାଥୀମାନେ
ମୋର ମନେ ଅଛି, ମୁଁ ଗତିଶୀଳତା ସମ୍ବନ୍ଧୀୟ ଏକ କାର୍ଯ୍ୟକ୍ରମରେ ସେଭେନ୍-ସିର ଦୃଷ୍ଟିକୋଣ ବିଷୟରେ ଆଲୋଚନା କରିଥିଲି । ଆମର ଗତିଶୀଳତା ସମାଧାନ ଏପରି ହେବା ଉଚିତ ଯେ ସେଗୁଡିକ ସାଧାରଣ । ହେଉ, ସଂଯୋଜିତ ହେଉ, ସୁବିଧାଜନକ ହେଉ । ସବୁଜ ଗତିଶୀଳତା ଉପରେ ଆମର ଧ୍ୟାନ ରହିଛି । ଆଜି ଆମେ ଏପରି ଏକ ଗତିଶୀଳତା ବ୍ୟବସ୍ଥା ନିର୍ମାଣ କରିବାରେ ନିୟୋଜିତ ଅଛୁ ଯାହା ଉଭୟ ଅର୍ଥନୀତି ଏବଂ ପରିବେଶକୁ ସମର୍ଥନ କରେ | ଏକ ବ୍ୟବସ୍ଥା ଯାହା ଆମର ଜୀବାଶ୍ମ ଇନ୍ଧନ ଆମଦାନୀ ବିଲ୍ କୁ ହ୍ରାସ କରିଥାଏ । ତେଣୁ ଆଜି ଆମେ ସବୁଜ ଜ୍ଞାନକୌଶଳ, ଇଭି, ହାଇଡ୍ରୋଜେନ ଇନ୍ଧନ, ଜୈବ ଇନ୍ଧନ, ଏଭଳି ଜ୍ଞାନକୌଶଳର ବିକାଶ ଉପରେ ଅଧିକ ଧ୍ୟାନ ଦେଉଛୁ । ଏହି ଲକ୍ଷ୍ୟ ନେଇ ନ୍ୟାସନାଲ ଇଲେକ୍ଟ୍ରିକ୍ ମୋବିଲିଟି ମିଶନ ଏବଂ ଗ୍ରୀନ ହାଇଡ୍ରୋଜେନ ମିଶନ ଭଳି ଅଭିଯାନ ଆରମ୍ଭ କରାଯାଇଛି ।
ସାଥୀମାନେ
ଗତ କିଛି ବର୍ଷ ହେବ ଭାରତରେ ଇଲେକ୍ଟ୍ରିକ୍ ମୋବିଲିଟି ଦ୍ରୁତ ଗତିରେ ବୃଦ୍ଧି ପାଉଛି। ଗତ ଏକ ଦଶନ୍ଧି ମଧ୍ୟରେ ଇଲେକ୍ଟ୍ରିକ୍ ଯାନ ବିକ୍ରି ୬୪୦ ଗୁଣା ଅର୍ଥାତ୍ ୬୪୦ ଗୁଣ । ୧୦ ବର୍ଷ ତଳେ ବର୍ଷକୁ ମାତ୍ର ୨୬୦୦ ଇଲେକ୍ଟ୍ରିକ୍ ଗାଡ଼ି ବିକ୍ରି ହେଉଥିବା ବେଳେ ୨୦୨୪ରେ ୧୬ ଲକ୍ଷ ୮୦ ହଜାରରୁ ଅଧିକ ଗାଡ଼ି ବିକ୍ରି ହୋଇଛି। ଅର୍ଥାତ୍ ୧୦ ବର୍ଷ ତଳେ ସାରା ବର୍ଷ ଯେତିକି ଇଲେକ୍ଟ୍ରିକ୍ ଗାଡ଼ି ବିକ୍ରି ହେଉଥିଲା, ଆଜି ମାତ୍ର ଗୋଟିଏ ଦିନରେ ଦୁଇଗୁଣା ଇଲେକ୍ଟ୍ରିକ୍ ଗାଡ଼ି ବିକ୍ରି ହେଉଛି। ଆକଳନ କରାଯାଇଛି ଯେ ଏହି ଦଶନ୍ଧି ଶେଷ ସୁଦ୍ଧା ଭାରତରେ ଇଲେକ୍ଟ୍ରିକ୍ ଯାନ ସଂଖ୍ୟା ୮ ଗୁଣ ପର୍ଯ୍ୟନ୍ତ ବୃଦ୍ଧି ପାଇପାରେ । ଏହା ଦର୍ଶାଏ ଯେ ଏହି ସେଗମେଣ୍ଟରେ ଆପଣଙ୍କ ପାଇଁ କେତେ ସମ୍ଭାବନା ବଢ଼ୁଛି ।
ସାଥୀମାନେ
ଦେଶରେ ଇଲେକ୍ଟ୍ରିକ୍ ମୋବିଲିଟିର ସମ୍ପ୍ରସାରଣ ପାଇଁ ସରକାର କ୍ରମାଗତ ନୀତିଗତ ନିଷ୍ପତ୍ତି ନେଉଛନ୍ତି ଏବଂ ଶିଳ୍ପକୁ ସମର୍ଥନ କରୁଛନ୍ତି। ଫେମ୍ -୨ ଯୋଜନା ୫ ବର୍ଷ ତଳେ ଆରମ୍ଭ ହୋଇଥିଲା। ଏହା ଅଧୀନରେ ୮ ହଜାର କୋଟିରୁ ଅଧିକ ଟଙ୍କାର ପ୍ରୋତ୍ସାହନ ରାଶି ପ୍ରଦାନ କରାଯାଇଛି। ଏହି ରାଶିରେ ଇଲେକ୍ଟ୍ରିକ୍ ଯାନ କିଣିବାରେ ସବସିଡି ଦିଆଯାଇଥିଲା, ଚାର୍ଜିଂ ଭିତ୍ତିଭୂମି ନିର୍ମାଣ କରାଯାଇଥିଲା। ଏଥିରେ ୧୬ ଲକ୍ଷରୁ ଅଧିକ ଇଭି ଥିବା ବେଳେ ସେଥିମଧ୍ୟରୁ ୫ ହଜାରରୁ ଅଧିକ ଇଲେକ୍ଟ୍ରିକ୍ ବସ୍ ରହିଛି। ଦିଲ୍ଲୀରେ ମଧ୍ୟ ଭାରତ ସରକାରଙ୍କ ଦ୍ୱାରା ଦିଆଯାଇଥିବା ୧୨୦୦ରୁ ଅଧିକ ଇଲେକ୍ଟ୍ରିକ୍ ବସ୍ ଚଳାଚଳ କରୁଛି। ତୃତୀୟ ପାଳିରେ ଆମେ ପିଏମ୍ ଇ-ଆମ୍ବୂଲାନ୍ସ ସ୍କିମ୍ ଆଣିଛୁ। ଏହା ଅଧୀନରେ ଦୁଇ ଚକିଆ, ତିନି ଚକିଆ ଯାନ, ଇ-ଆମ୍ବୁଲାନ୍ସ, ଇ-ଟ୍ରକ୍ ଭଳି ପ୍ରାୟ ୨୮ ଲକ୍ଷ ଇଭି କିଣିବା ପାଇଁ ସହାୟତା ପ୍ରଦାନ କରାଯିବ। ପ୍ରାୟ ୧୪ ହଜାର ଇଲେକ୍ଟ୍ରିକ୍ ବସ୍ ମଧ୍ୟ କିଣାଯିବ। ସାରା ଦେଶରେ ବିଭିନ୍ନ ଗାଡି ପାଇଁ ୭୦ ହଜାରରୁ ଅଧିକ ଫାଷ୍ଟ ଚାର୍ଜର ଲଗାଯିବ । ତୃତୀୟ ପାଳିରେ ପିଏମ୍ ଇ-ବସ୍ ସେବା ମଧ୍ୟ ଆରମ୍ଭ ହୋଇଛି। ଏହା ଅଧୀନରେ ଦେଶର ଛୋଟ ଛୋଟ ସହରରେ ପ୍ରାୟ ୩୮ ହଜାର ଇ-ବସ୍ ଚଳାଇବା ପାଇଁ କେନ୍ଦ୍ର ସରକାର ସହାୟତା ଯୋଗାଇ ଦେବେ। ଇଭି ଉତ୍ପାଦନ ପାଇଁ ସରକାର ଲଗାତାର ଶିଳ୍ପକୁ ସମର୍ଥନ କରୁଛନ୍ତି। ଇଭି କାର୍ ଉତ୍ପାଦନରେ ଭାରତ ଆସିବାକୁ ଚାହୁଁଥିବା ବୈଶ୍ୱିକ ନିବେଶକଙ୍କ ପାଇଁ ମଧ୍ୟ ସୁଯୋଗ ସୃଷ୍ଟି କରାଯାଇଛି। ଭାରତରେ ଗୁଣାତ୍ମକ ଇଭି ଉତ୍ପାଦନ ଇକୋସିଷ୍ଟମର ସମ୍ପ୍ରସାରଣରେ, ମୂଲ୍ୟ ଶୃଙ୍ଖଳା ସୃଷ୍ଟି କ୍ଷେତ୍ରର ସାହାଯ୍ୟ କରିବ ।
ସାଥିମାନେ,
ଗ୍ଲୋବାଲ ୱାର୍ମିଂ ଏବଂ ଜଳବାୟୁ ଆହ୍ୱାନର ମୁକାବିଲା କରିବାକୁ ହେଲେ ଆମକୁ କ୍ରମାଗତ ଭାବେ ସୌର ଶକ୍ତି ଏବଂ ବିକଳ୍ପ ଇନ୍ଧନକୁ ପ୍ରୋତ୍ସାହିତ କରିବାକୁ ପଡିବ । ଜି-୨୦ ର ଅଧ୍ୟକ୍ଷତା କାଳରେ ଭାରତ ସବୁଜ ଭବିଷ୍ୟତ ଉପରେ ଗୁରୁତ୍ୱ ଦେଇଛି । ଆଜି ଭାରତରେ ଇଭି ସହିତ ସୌର ଶକ୍ତି ଉପରେ ମଧ୍ୟ ବହୁତ ବଡ ସ୍ତରରେ କାମ ଚାଲିଛି । ପିଏମ ସୂର୍ଯ୍ୟଘର ମୁକ୍ତ ବିଜୁଳି ଯୋଜନା ରେ ଛାତ ଉପରେ ସୌରର ଏକ ବଡ ମିଶନ ଚାଲିଛି । ଏଭଳି ସ୍ଥିତିରେ ଏହି କ୍ଷେତ୍ରରେ ବ୍ୟାଟେରୀ ଓ ଷ୍ଟୋରେଜ୍ ସିଷ୍ଟମର ଚାହିଦା କ୍ରମାଗତ ଭାବେ ବୃଦ୍ଧି ପାଇବାକୁ ଯାଉଛି। ଆଡଭାନ୍ସ କେମିଷ୍ଟ୍ରି ସେଲ୍ ବ୍ୟାଟେରୀ ଷ୍ଟୋରେଜ୍ କୁ ପ୍ରୋତ୍ସାହିତ କରିବା ପାଇଁ ସରକାର ୧୮ହଜାର କୋଟି ଟଙ୍କାର ପିଏଲ୍ଆଇ ଯୋଜନା ଆରମ୍ଭ କରିଛନ୍ତି। ଅର୍ଥାତ୍ ଏହି କ୍ଷେତ୍ରରେ ବଡ଼ ପୁଞ୍ଜିନିବେଶ କରିବା ପାଇଁ ଏହା ଆପଣଙ୍କ ପାଇଁ ଉପଯୁକ୍ତ ସମୟ। ଶକ୍ତି ସଂରକ୍ଷଣ କ୍ଷେତ୍ରରେ ଷ୍ଟାର୍ଟଅପ୍ ରେ ଯୋଗ ଦେବା ପାଇଁ ମୁଁ ଦେଶର ଅଧିକରୁ ଅଧିକ ଯୁବକଙ୍କୁ ଆମନ୍ତ୍ରଣ କରିବି । ଭାରତରେ ଥିବା ସାମଗ୍ରୀରୁ ବ୍ୟାଟେରୀ ଏବଂ ଷ୍ଟୋରେଜ୍ ସିଷ୍ଟମ୍ ତିଆରି କରିପାରୁଥିବା ଉଦ୍ଭାବନ ଉପରେ ଆମକୁ କାମ କରିବାକୁ ପଡ଼ିବ। ଏହାକୁ ନେଇ ଦେଶରେ ଅନେକ କାମ ଚାଲିଛି, କିନ୍ତୁ ଏହାକୁ ମିଶନ ମୋଡରେ ଆଗକୁ ବଢ଼ାଇବା ଜରୁରୀ ।
ସାଥୀମାନେ
କେନ୍ଦ୍ର ସରକାରଙ୍କ ଉଦ୍ଦେଶ୍ୟ ଓ ପ୍ରତିବଦ୍ଧତା ଅତ୍ୟନ୍ତ ସ୍ପଷ୍ଟ। ନୂଆ ନୀତି ପ୍ରଣୟନ ହେଉ ଅବା ସଂସ୍କାର, ଆମର ପ୍ରୟାସ ଜାରି ରହିଛି। ଏବେ ସେମାନଙ୍କୁ ଆଗକୁ ନେବାକୁ ହେବ, ଏହାର ଲାଭ ଉଠାଇବାକୁ ପଡ଼ିବ। ଏବେ ଗାଡି ସ୍କ୍ରାପିଂ ପଲିସି ଭଳି । ମୁଁ ଆପଣସମସ୍ତଙ୍କୁ ଅନୁରୋଧ କରୁଛି ଯେ ସେମାନେ ଏହି ନୀତିର ସୁଯୋଗ ନିଅନ୍ତୁ । ଆପଣ ନିଜ କମ୍ପାନୀରେ ନିଜର ଏକ ପ୍ରୋତ୍ସାହନ ଯୋଜନା ମଧ୍ୟ ଆଣିପାରିବେ । ଏହାଦ୍ୱାରା ଅଧିକରୁ ଅଧିକ ଲୋକ ନିଜ ପୁରୁଣା ଗାଡିକୁ ସ୍କ୍ରାପ୍ କରିବାକୁ ଆଗେଇ ଆସିବେ । ଏହି ପ୍ରେରଣା ଅତ୍ୟନ୍ତ ଗୁରୁତ୍ୱପୂର୍ଣ୍ଣ | ଏହା ମଧ୍ୟ ଦେଶର ପରିବେଶ ପାଇଁ ଆପଣଙ୍କ ତରଫରୁ ଏକ ମହାନ ସେବା ହେବ ।
ସାଥୀମାନେ
ଅଟୋମୋଟିଭ୍ ଶିଳ୍ପ ଇନୋଭେସନ୍ ଦ୍ୱାରା ପରିଚାଳିତ, ଟେକ୍ନୋଲୋଜି ଦ୍ୱାରା ପରିଚାଳିତ । ଉଦ୍ଭାବନ ହେଉ, ବୈଷୟିକ ଜ୍ଞାନକୌଶଳ, ଦକ୍ଷତା କିମ୍ବା ଚାହିଦା ହେଉ, ଆଗାମୀ ସମୟ ପୂର୍ବ ଏସିଆର ଓ ଭାରତର। ଗତିଶୀଳତା ଦୃଷ୍ଟିରୁ ଏହାର ଭବିଷ୍ୟତକୁ ଦୃଷ୍ଟିରେ ରଖି ପ୍ରତ୍ୟେକ କ୍ଷେତ୍ର ପାଇଁ, ଭାରତ ଏକ ମହାନ ନିବେଶକଙ୍କ ପାଇଁ ଏକ ଉତ୍ତମ ଗନ୍ତବ୍ୟସ୍ଥଳ । ମୁଁ ଆପଣମାନଙ୍କୁ ପୁଣି ଥରେ ଆଶ୍ୱାସନା ଦେଉଛି, ସରକାର ସବୁ ପ୍ରକାରରେ ଆପଣଙ୍କ ସହିତ ଅଛନ୍ତି । ମେକ୍ ଇନ୍ ଇଣ୍ଡିଆ, ମେକ୍ ଫର୍ ଦି ୱାର୍ଲ୍ଡ ର ମନ୍ତ୍ର ନେଇ ଆପଣ ଆଗକୁ ବଢନ୍ତୁ । ଆପଣ ସମସ୍ତଙ୍କୁ ପୁଣି ଥରେ ବହୁତ-ବହୁତ ଶୁଭକାମନା ।
ଧନ୍ୟବାଦ!
