Quoteସଙ୍ଗୀତ ହେଉଛି ଏକ ମାଧ୍ୟମ ଯାହା ଆମକୁ ଆମର ସାଂସାରିକ କର୍ତ୍ତବ୍ୟ ବିଷୟରେ ଅବଗତ କରାଏ ଏବଂ ଏହା ମଧ୍ୟ ସାଂସାରିକ ଆଶକ୍ତିକୁ ଅତିକ୍ରମ କରିବାରେ ସାହାଯ୍ୟ କରେ”
Quote“ଯୋଗ ଦିବସର ଅଭିଜ୍ଞତା ସୂଚାଇ ଦେଇଛି ଯେ ଭାରତୀୟ ଐତିହ୍ୟରୁ ବିଶ୍ୱ ଉପକୃତ ହୋଇଛି ଏବଂ ଭାରତୀୟ ସଙ୍ଗୀତର ମଧ୍ୟ ମାନବ ମନରେ ଗଭୀରତା ସୃଷ୍ଟି କରିବାର କ୍ଷମତା ରହିଛି”
Quote“ଦୁନିଆର ପ୍ରତ୍ୟେକ ବ୍ୟକ୍ତି ଭାରତୀୟ ସଙ୍ଗୀତ ବିଷୟରେ ଜାଣିବା, ଶିଖିବା ଏବଂ ଲାଭ ପାଇବା ପାଇଁ ହକଦାର । ଏହାର ଯତ୍ନ ନେବା ଆମର ଦାୟିତ୍ୱ”
Quote“ଆଜିର ଯୁଗରେ ଯେତେବେଳେ ଜ୍ଞାନକୌଶଳର ପ୍ରଭାବ ସବୁଆଡେ ବ୍ୟାପୁଛି, ସଙ୍ଗୀତ କ୍ଷେତ୍ରରେ ମଧ୍ୟ ଜ୍ଞାନକୌଶଳ ଏବଂ ପ୍ରଯୁକ୍ତିବିଦ୍ୟା ବିପ୍ଳବ ହେବା ଉଚିତ୍‍”
Quote“ଆଜି ଆମେ ଆମର କଳା ଏବଂ ସଂସ୍କୃତିର କେନ୍ଦ୍ରଗୁଡିକୁ କାଶୀ ପରି ପୁନଃ ର୍ନିମାଣ କରୁଛୁ”

ନମସ୍କାର!

ଏହି ବିଶେଷ କାର୍ଯ୍ୟକ୍ରମରେ ଉପସ୍ଥିତ ଦୁର୍ଗା ଜସରାଜ ଜୀ, ସାରଙ୍ଗ ଦେବ ପଣ୍ଡିତ ଜୀ, ପଣ୍ଡିତ ଜସରାଜ କଲଚରାଲ ଫାଉଣ୍ଡେସନର ସହ-ସଂସ୍ଥାପକ ନିରଜ ଜେଟଲୀ ଜୀ, ବିଶ୍ୱର ସମସ୍ତ ସଂଗୀତଜ୍ଞ ଏବଂ କଳାକାର ଗଣ, ମହିଳା ଏବଂ ସମ୍ମାନିତ ଅତିଥିମାନେ!

ଆମର ଏଠାରେ ସଂଗୀତ, ସୁର ଏବଂ ସ୍ୱରକୁ ଅମର ବୋଲି ବିବେଚନା କରାଯାଏ । କୁହାଯାଏ ଯେ ସ୍ୱରର ଶକ୍ତି ମଧ୍ୟ ଅମର ହୋଇଥାଏ, ଏହାର ପ୍ରଭାବ ମଧ୍ୟ ଅମର ହୋଇଥାଏ । ଏପରି ପରିସ୍ଥିତିରେ ଯେଉଁ ମହାନ ଆତ୍ମା ଯିଏ ସଂଗୀତକୁ ବଞ୍ଚାଇଛନ୍ତି, ସଂଗୀତ ହିଁ ଯାହାର ଅସ୍ତିତ୍ୱର ପ୍ରତ୍ୟେକ କଣିକାରେ ଗୁଞ୍ଜରିତ ହେଉଛି, ସେହି ଶରୀର ଛାଡ଼ିବା ପରେ ମଧ୍ୟ ବ୍ରହ୍ମାଣ୍ଡର ଶକ୍ତି ଏବଂ ଚେତନାରେ ଅମର ହୋଇ ରହିଥାଏ ।

ଆଜି ଏହି କାର୍ଯ୍ୟକ୍ରମରେ ସଂଗୀତଜ୍ଞମାନେ, କଳାକାରମାନଙ୍କ ଦ୍ୱାରା ଯେଉଁ ପ୍ରସ୍ତୁତିଗୁଡ଼ିକ ପ୍ରଦର୍ଶନ କରୁଛନ୍ତି, ଯେପରି ଭାବେ ପଣ୍ଡତ ଜସରାଜ ଜୀଙ୍କ ସ୍ୱର, ତାଙ୍କର ସଂଗୀତ ଆଜି ଆମମାନଙ୍କ ମଧ୍ୟରେ ପ୍ରତିଧ୍ୱନିତ ହେଉଛି, ସଂଗୀତର ଏହି ଚେତନାରେ, ଏହା ଅନୁଭବ ହୋଇଥାଏ ଯେମିତି ପଣ୍ଡିତ ଜସରାଜ ଜୀ ଆମମାନଙ୍କ ମଧ୍ୟରେ ଉପସ୍ଥିତ ଅଛନ୍ତି । ସାକ୍ଷାତ ନିଜର ଉପସ୍ଥାପନା ଦେଉଛନ୍ତି ।

ମୁଁ ଖୁସି ଯେ ଆପଣମାନେ ସମସ୍ତେ ତାଙ୍କ ଶାସ୍ତ୍ରୀୟ ପରମ୍ପରାକୁ ଆଗକୁ ବଢ଼ାଉଛନ୍ତି, ତାଙ୍କର ଏହି ପରମ୍ପରାକୁ ଆଗାମୀ ପିଢ଼ି ପାଇଁ ଭବିଷ୍ୟତ ଏବଂ ଶତାବ୍ଦୀ ଶତାବ୍ଦୀ ପାଇଁ ସଂରକ୍ଷଣ କରୁଛନ୍ତି । ଆଜି ପଣ୍ଡତ ଜସରାଜ ଜୀଙ୍କ ଜନ୍ମଜୟନ୍ତୀର ପୂଣ୍ୟ ଅବସର ମଧ୍ୟ ଅଟେ । ଏହି ଦିନ ପଣ୍ଡିତ ଜସରାଜ କଲ୍ଚରାଲ ଫାଉଣ୍ଡେସନର ପ୍ରତିଷ୍ଠା ପାଇଁ ଏହି ଅଭିନବ କାର୍ଯ୍ୟ ପାଇଁ ମୁଁ ଆପଣ ସମସ୍ତଙ୍କୁ ଅଭିନନ୍ଦନ ଜଣାଉଛି । ବିଶେଷ ଭାବରେ ମୁଁ ଦୁର୍ଗା ଜସରାଜ ଜୀ ଏବଂ ପଣ୍ଡିତ ସାରଙ୍ଗ ଗୁରଜୀଙ୍କୁ ମୁଁ ଶୁଭେଚ୍ଛା ଜଣାଉଛି । ନିଜେ ନିଜର ପିତାଙ୍କର ପ୍ରେରଣାକୁ ତାଙ୍କର ତପସ୍ୟାକୁ ସମଗ୍ର ବିଶ୍ୱକୁ ଉତ୍ସର୍ଗ କରିବାକୁ ପଦକ୍ଷେପ ନେଇଛନ୍ତି । ମୋତେ ଅନେକ ଥର ପଣ୍ଡିତ ଜସରାଜ ଜୀଙ୍କୁ ଶୁଣିବାର, ତାଙ୍କୁ ସାକ୍ଷାତ କରିବାର ସୌଭାଗ୍ୟ ମିଳିଛି ।

|

ସାଥୀମାନେ,

ସଂଗୀତ ଏକ ଅତ୍ୟନ୍ତ ରହସ୍ୟମୟ ବିଷୟ ଅଟେ । ଏ ସମ୍ପର୍କରେ ବହୁତ ଜ୍ଞାନ ନାହିଁ, କିନ୍ତୁ ଆମର ସାଧୁମାନେ ସ୍ୱର ଏବଂ ନାଦକୁ ନେଇ ଯେତିକି ବିସ୍ତୃତ ଜ୍ଞାନ ଦେଇଛନ୍ତି, ଏହା ନିଜେ ହିଁ ଆଶ୍ଚର୍ଯ୍ୟଜନକ ଅଟେ । ଆମର ସଂସ୍କୃତ ଗ୍ରନ୍ଥରୁ ଲେଖାଯାଇଛି ।

ନାଦ ରୁପ: ସ୍ମୃତୋ ବ୍ରହ୍ମା, ନାଦ ରୁପୋ ଜନାର୍ଦ୍ଦନ: ।

ନାଦ ରୁପ: ପାରା ଶକ୍ତି:, ନାଦ ରୁପୋ ମହେଶ୍ୱର: । ।

ଅର୍ଥାତ୍ ବ୍ରହ୍ମାଣ୍ଡକୁ ଜନ୍ମଦେଇଥିବା, ପାଳନ କରୁଥିବା, ପରିଚାଳନା କରୁଥିବା ଏବଂ ସମନ୍ୱୟ କରୁଥିବା ତପୀମାନେ, ନାଦ ରୁପ ଅଟନ୍ତି । ନାଦକୁ, ସଂଗୀତକୁ, ଶକ୍ତିର ଏହି ପ୍ରବାହରେ ଦେଖିବାର, ବୁଝିବାର ଏହି ଶକ୍ତି ହିଁ ଭାରତୀୟ ଶାସ୍ତ୍ରୀୟ ସଂଗୀତକୁ ଅସାଧାରଣ କରିଥାଏ । ସଂଗୀତ ହେଉଛି ଏପରି ଏକ ମାଧ୍ୟମ ଯାହା ଆମକୁ ସାଂସାସିକ କର୍ତ୍ତବ୍ୟ ବିଷୟରେ ଅବଗତ କରାଇଥାଏ ଏବଂ ଆମକୁ ସାଂସାରିକ ମୋହରୁ ମଧ୍ୟ ମୁକ୍ତ କରିଥାଏ । ସଂଗୀତର ବିଶେଷତ୍ୱ ହେଉଛି ଯଦିଓ ଆପଣ ଏହାକୁ ସ୍ପର୍ଶ କରିପାରିବେ ନାହିଁ କିନ୍ତୁ ଏହା ଅନନ୍ତକାଳ ପର୍ଯ୍ୟନ୍ତ ଗୁଞ୍ଜରିତ ହୋଇଥାଏ ।

ମୋତେ କୁହାଯାଇଛି ଯେ ପଣ୍ଡିତ ଜସରାଜ କଲ୍ଚରାଲ ଫାଉଣ୍ଡେସନର ପ୍ରାଥମିକ ଉଦେଶ୍ୟ ହେଉଛି ଭାରତର ଜାତୀୟ ଐତିହ୍ୟ, କଳା ଏବଂ ସଂସ୍କୃତିର ସୁରକ୍ଷା, ବିକାଶକୁ ପ୍ରୋତ୍ସାହନ କରିବା । ମୁଁ ଜାଣି ଏହା ଖୁସି ହେଲି ଯେ, ଏହି ଫାଉଣ୍ଡେସନ ଉଦୀୟମାନ କଳାକାରମାନଙ୍କୁ ସହଯୋଗ କରିବ, କଳାକାରମାନଙ୍କୁ ଆର୍ଥିକ ଦୃଷ୍ଟିରୁ ସକ୍ଷମ କରିବାକୁ ଚେଷ୍ଟା କରିବ । ଆପଣମାନେ ମଧ୍ୟ ଏହି ଫାଉଣ୍ଡେସନ ମାଧ୍ୟମରେ ସଂଗୀତ କ୍ଷେତ୍ରରେ ଶିକ୍ଷା ଏବଂ ଅନୁସନ୍ଧାନର କାର୍ଯ୍ୟକୁ ଆଗକୁ ନେବାକୁ ଚିନ୍ତା କରୁଛନ୍ତି ।

ମୁଁ ମାନୁଛି ଯେ, ପଣ୍ଡିତ ଜସରାଜ ଜୀଙ୍କ ଭଳି ଏକ ମହାନ ବ୍ୟକ୍ତିତ୍ୱଙ୍କ ପାଇଁ ଯେଉଁ କାର୍ଯ୍ୟ ଯୋଜନା ଅଛି, ଆପଣ ଯେଉଁ ରୋଡମ୍ୟାପ୍ ପ୍ରସ୍ତୁତ କରୁଛନ୍ତି, ଏହା ଏକ ବହୁତ ବଡ଼ ଶ୍ରଦ୍ଧାଞ୍ଜଳି । ଏବଂ ମୁଁ ଏହା ମଧ୍ୟ କହିବି ଯେ ବର୍ତ୍ତମାନ ଶିଷ୍ୟମାନଙ୍କ ପାଇଁ ଏହା ଗୁରୁ ଦକ୍ଷିଣା ଦେବାର ସମୟ ଆସିଛି ।

ସାଥୀମାନେ,

ଆଜି ଆମେ ଏମିତି ଏକ ସମୟରେ ମିଶିପାରିଛୁ, ଯେତେବେଳେ ଟେକ୍ନୋଲୋଜୀ ସଂଗୀତ ଜଗତରେ ବହୁଳ ଭାବେ ପ୍ରବେଶ କରିସାରିଛି । ଏହି କଲ୍ଚରାଲ ଫାଉଣ୍ଡେସନ ଦୁଇଟି ଜିନିଷ ଉପରେ ଧ୍ୟାନ ଦେବାକୁ ମୁଁ ଆଗ୍ରହ ପ୍ରକାଶ କରୁଛି। ଆମେ ଜଗତୀକରଣ ବିଷୟରେ ଶୁଣୁଛୁ । କିନ୍ତୁ ଜଗତୀକରଣର ଯେଉଁ ସଂଜ୍ଞା ରହିଛି, ଏବେ ସେହିସବୁ ଜିନିଷ ବୁଲି ବୁଲି ଅର୍ଥ କେନ୍ଦ୍ରିତ ହୋଇଯାଇଥାଏ, କେବଳ ଅର୍ଥନୀତିର ଦିଗକୁ ହିଁ ସ୍ପର୍ଶ କରିଥାଏ । ଆଜିର ଜଗତୀକରଣ ଯୁଗରେ ଭାରତୀୟ ସଂଗୀତ ମଧ୍ୟ ନିଜର ବିଶ୍ୱସ୍ତରୀୟ ପରିଚୟ ସୃଷ୍ଟି କରିବା ଉଚିତ, ବିଶ୍ୱବ୍ୟାପୀ ଏହାର ପ୍ରଭାବ ସୃଷ୍ଟି କରିବା ଆମ ସମସ୍ତଙ୍କର ଦାୟିତ୍ୱ ଅଟେ ।

ଭାରତୀୟ ସଂଗୀତ ମଣିଷ ମନର ଗଭୀରତାକୁ ଆନେ୍ଦାଳିତ କରିବାର ସାମର୍ଥ୍ୟ ରଖିଥାଏ । ଏହା ସହିତ ପ୍ରକୃତି ଏବଂ ପରମାତ୍ମାଙ୍କର ୱାନ-ନେସର ଅନୁଭବକୁ ମଧ୍ୟ ଗୁରୁତ୍ୱ ଦେଇଥାଏ । ଅନ୍ତର୍ଜାତୀୟ ଯୋଗ ଦିବସ ବର୍ତ୍ତମାନ ସମଗ୍ର ବିଶ୍ୱରେ ଏକ ପ୍ରକାରରେ ଅସ୍ତିତ୍ୱର ଅନୁଭବ ଦେଇଛି । ଏବଂ ସେଥିରେ ଗୋଟିଏ ଜିନିଷ ଅନୁଭବ ହୋଇଥାଏ ଯେ ଭାରତର ଐତିହ୍ୟରୁ ସମଗ୍ର ମାନବ ଜାତି ବିଶ୍ୱରେ ଉପକୃତ ହୋଇଛନ୍ତି । ପ୍ରତ୍ୟେକ ମଣିଷ ଭାରତୀୟ ସଂଗୀତରୁ ଜାଣିବା, ବୁଝିବା, ଶିଖିବା ଏବଂ ଲାଭ ପାଇବାକୁ ଯୋଗ୍ୟ ଅଟନ୍ତି । ଏହି ପବିତ୍ର କାର୍ଯ୍ୟକୁ ପୂର୍ଣ୍ଣ କରିବା ଆମର ଦାୟିତ୍ୱ ଅଟେ ।

ମୋର ଦ୍ୱିତୀୟ ପରାମର୍ଶ ହେଉଛି ଯେ ଯେତେବେଳେ ଟେକ୍ନୋଲୋଜୀର ପ୍ରଭାବ ଜୀବନର ପ୍ରତ୍ୟେକ କ୍ଷେତ୍ରରେ ରହିଛି ସେତେବେଳେ ସଂଗୀତ, ଟେକ୍ନୋଲୋଜୀ ଏବଂ ଆଇଟି କ୍ଷେତ୍ରରେ ମଧ୍ୟ ବିପ୍ଳବ ହେବା ଉଚିତ । ଭାରତରେ ଏମିତି ଷ୍ଟାର୍ଟଅପ ସୃଷ୍ଟି ହେଉ ଯାହା ସମ୍ପୂର୍ଣ୍ଣ ଭାବେ ଭାରତୀୟ ସଂଗୀତ ପ୍ରତି ଉତ୍ସର୍ଗୀକୃତ ହେଉ, ଭାରତୀୟ ବାଦ୍ୟଯନ୍ତ୍ର ଉପରେ ଆଧାର ହେଉ, ଭାରତୀୟ ସଂଗୀତର ଯେଉଁ ପବିତ୍ର ଧାରା ରହିଛି ଗଙ୍ଗା ଭଳି ପବିତ୍ର ସ୍ରୋତ ହେଉ, ସେଗୁଡ଼ିକୁ ଆଧୁନିକ ଟେକ୍ନୋଲୋଜୀରେ କିପରି ସୁସଜ୍ଜିତ କରାଯିବ ଏହା ଉପରେ ବହୁତ କିଛି କରିବାର ଆବଶ୍ୟକତା ରହିଛି । ଯେଉଁଥିରେ ଆମର ଗୁରୁ-ଶିଷ୍ୟ ପରମ୍ପରା ରହିଛି ତାହା ଅକ୍ଷୁଣ୍ଣ ରହିବା ଉଚିତ । କିନ୍ତୁ ଟେକ୍ନୋଲୋଜୀ ମାଧ୍ୟମରେ ଏକ ବିଶ୍ୱସ୍ତରୀୟ ଶକ୍ତି ହାସଲ ହେବା ଆବଶ୍ୟକ, value addition ହେବା ଦରକାର ।

ସାଥୀମାନେ,

ଭାରତର ଜ୍ଞାନ, ଭାରତର ଦର୍ଶନ, ଭାରତର ଚିନ୍ତାଧାରା, ଆମର ବିଚାର, ଆମର ନୈତିକତା, ଆମ ସଂସ୍କୃତି, ଆମର ସଂଗୀତ ଏହାର ମୂଳରେ ସବୁ ଜିନିଷ ମାନବିକତାର ସେବା ମାଧ୍ୟମରେ ଆମ ସମସ୍ତଙ୍କ ଜୀବନରେ ଚେତନା ଭରିଥାଏ। ସମଗ୍ର ଜଗତର କଲ୍ୟାଣ ପାଇଁ ଇଛା ସହଜରେ ତାଙ୍କ ଠାରେ ଦେଖାଯାଇଥାଏ । ସେଥିପାଇଁ, ଆମେ ଭାରତକୁ ଭାରତର ପରମ୍ପରାଗୁଡ଼ିକୁ ପରିଚିତ କରିବା ପାଇଁ ଯେତେ ଆଗକୁ ବଢ଼ାଇବା ଆମେ ମାନବିକତାର ସେବାକୁ ସେତିକି ଅଧିକ ପ୍ରଶସ୍ତ କରିବା । ଆଜି ଏହା ହେଉଛି ଭାରତର ଉଦେଶ୍ୟ, ଏହା ହେଉଛି ଆଜି ଭାରତର ମନ୍ତ୍ର ।

ଆଜି ଆମେ କାଶୀ ପରି ଆମର କଳା ଏବଂ ସଂସ୍କୃତି କେନ୍ଦ୍ରଗୁଡ଼ିକର ନବୀକରଣ କରୁଛୁ । ପରିବେଶ ସୁରକ୍ଷା ଏବଂ ପ୍ରକୃତି ପ୍ରତି ଭଲପାଇବାକୁ ନେଇ ଆଜି ଯେଉଁ ଆସ୍ଥା ରହିଛି, ଆଜି ଭାରତ ବିଶ୍ୱକୁ ସୁରକ୍ଷିତ ଭବିଷ୍ୟତର ପଥ ଦେଖାଉଛି । ଐତିହ୍ୟ ବିକାଶ ମଧ୍ୟ ଏହି ମନ୍ତ୍ରରେ ଚାଲୁଥିବା ଭାରତର ଏହି ଯାତ୍ରାରେ ‘ସବକା ପ୍ରୟାସ’ ସାମିଲ ହେବା ଉଚିତ ।

ମୋତେ ବିଶ୍ୱାସ ଅଛି, ପଣ୍ଡିତ ଜସରାଜ କଲ୍ଚରାଲ ଫାଉଣ୍ଡେସନ ବର୍ତ୍ତମାନ ଆପଣ ସମସ୍ତଙ୍କୁ ସକ୍ରିୟ ଯୋଗଦାନ ସହିତ ସଫଳତାର ନୂତନ ଶିଖର ହାସଲ କରିବ । ଏହି ଫାଉଣ୍ଡେସନ ସଂଗୀତ ସେବା, ସାଧନା ଏବଂ ଦେଶ ପ୍ରତି ଆମ ସଂକଳ୍ପରୁ ସିଦ୍ଧିର ଏକ ଗୁରୁତ୍ୱପୂର୍ଣ୍ଣ ମାଧ୍ୟମ ହେବ ।

ଏହି ବିଶ୍ୱାସ ସହିତ, ଆପଣ ସମସ୍ତଙ୍କୁ ବହୁତ ବହୁତ ଧନ୍ୟବାଦ ଏବଂ ଏହି ନୂତନ ପ୍ରୟାସ ପାଇଁ ମୋର ଅନେକ ଅନେକ ଶୁଭକାମନା!

ଧନ୍ୟବାଦ!

  • MLA Devyani Pharande February 17, 2024

    nice
  • BABALU BJP January 15, 2024

    नमो
  • Suresh k Nayi February 13, 2022

    દેશના પ્રથમ મહિલા રાજ્યપાલ, સ્વાતંત્ર્ય સેનાની તેમજ મહાન કવયિત્રી અને ભારત કોકિલાથી પ્રસિદ્ધ સ્વ. શ્રી સરોજિની નાયડૂજીની જયંતી પર શત શત નમન
  • BJP S MUTHUVELPANDI MA LLB VICE PRESIDENT ARUPPUKKOTTAI UNION February 11, 2022

    ஐந்நூற்று பதினைந்து நமோ நமோ
  • Amit Chaudhary February 05, 2022

    Jay Hind
  • Suresh k Nayi February 05, 2022

    📱 લઘુ ઉધોગોને મળી રહી છે ઉડાન 📱 http://narendramodi.in/donation પર જઈ GL3A67-F રેફરલ કોડનો ઉપયોગ કરી માઈક્રો ડોનેશન દ્વારા યોગદાન આપો
  • शिवकुमार गुप्ता February 03, 2022

    नमो नमो
  • शिवकुमार गुप्ता February 03, 2022

    नमो नमो.
  • शिवकुमार गुप्ता February 03, 2022

    नमो नमो नमो नमो..
  • शिवकुमार गुप्ता February 03, 2022

    नमो नमो नमो नमो...
Explore More
ପ୍ରତ୍ୟେକ ଭାରତୀୟଙ୍କ ରକ୍ତ ତାତିଛି  : 'ମନ କୀ ବାତ' ରେ ପ୍ରଧାନମନ୍ତ୍ରୀ ମୋଦୀ

ଲୋକପ୍ରିୟ ଅଭିଭାଷଣ

ପ୍ରତ୍ୟେକ ଭାରତୀୟଙ୍କ ରକ୍ତ ତାତିଛି : 'ମନ କୀ ବାତ' ରେ ପ୍ରଧାନମନ୍ତ୍ରୀ ମୋଦୀ
'Operation Sindoor on, if they fire, we fire': India's big message to Pakistan

Media Coverage

'Operation Sindoor on, if they fire, we fire': India's big message to Pakistan
NM on the go

Nm on the go

Always be the first to hear from the PM. Get the App Now!
...
PM Modi's address to the nation
May 12, 2025
QuoteToday, every terrorist knows the consequences of wiping Sindoor from the foreheads of our sisters and daughters: PM
QuoteOperation Sindoor is an unwavering pledge for justice: PM
QuoteTerrorists dared to wipe the Sindoor from the foreheads of our sisters; that's why India destroyed the very headquarters of terror: PM
QuotePakistan had prepared to strike at our borders,but India hit them right at their core: PM
QuoteOperation Sindoor has redefined the fight against terror, setting a new benchmark, a new normal: PM
QuoteThis is not an era of war, but it is not an era of terrorism either: PM
QuoteZero tolerance against terrorism is the guarantee of a better world: PM
QuoteAny talks with Pakistan will focus on terrorism and PoK: PM

ପ୍ରିୟ ଦେଶବାସୀ,

ନମସ୍କାର

ଆମେ ସମସ୍ତେ ଗତ କିଛିଦିନ ହେବ ଦେଶର ଶକ୍ତି ଏବଂ ସଂଯମ ଉଭୟକୁ ଦେଖିଛୁ। ସର୍ବପ୍ରଥମେ, ମୁଁ ପ୍ରତ୍ୟେକ ଭାରତୀୟଙ୍କ ତରଫରୁ ଭାରତର ପରାକ୍ରମୀ ସେନାବାହିନୀ, ସଶସ୍ତ୍ର ବଳ, ଆମର ଗୁଇନ୍ଦା ସଂସ୍ଥା, ଆମର ବୈଜ୍ଞାନିକମାନଙ୍କୁ ପ୍ରଣାମ କରୁଛି। ‘ଅପରେସନ୍ ସିନ୍ଦୁର’ର ଲକ୍ଷ୍ୟ ହାସଲ କରିବା ପାଇଁ ଆମର ସାହସୀ ସୈନିକମାନେ ଅପାର ବୀରତ୍ୱ ପ୍ରଦର୍ଶନ କରିଥିଲେ। ମୁଁ ସେମାନଙ୍କର ବୀରତ୍ୱ, ସାହସ ଏବଂ ପରାକ୍ରମକୁ ଆଜି ଆମ ଦେଶର ପ୍ରତ୍ୟେକ ମା’, ଦେଶର ପ୍ରତ୍ୟେକ ଭଉଣୀ ଏବଂ ଦେଶର ପ୍ରତ୍ୟେକ ଝିଅଙ୍କୁ ସମର୍ପିତ କରୁଛି । ମୁଁ ଏହି ପରାକ୍ରମକୁ ସମର୍ପଣ କରୁଛି ।

ସାଥୀଗଣ,

ଏପ୍ରିଲ ୨୨ ତାରିଖରେ ପହଲଗାମରେ ଆତଙ୍କବାଦୀମାନେ ଯେଉଁ ବର୍ବରତା ପ୍ରଦର୍ଶନ କରିଥିଲେ, ତାହା ଦେଶ ତଥା ବିଶ୍ୱକୁ ବ୍ୟଥିତ କରିଦେଇଥିଲା। ଛୁଟି ପାଳନ କରୁଥିବା ନିର୍ଦ୍ଦୋଷ ନାଗରିକମାନଙ୍କୁ, ସେମାନଙ୍କ ପରିବାର ସମ୍ମୁଖରେ, ସେମାନଙ୍କ ପିଲାମାନଙ୍କ ସମ୍ମୁଖରେ, ସେମାନଙ୍କ ଧର୍ମ ପଚାରି ନିର୍ମମ ହତ୍ୟା, ଆତଙ୍କବାଦର ଏକ ଅତ୍ୟନ୍ତ ବିଭତ୍ସ ଚେହେରା ଥିଲା, କ୍ରୁରତା ଥଲା। ଏହା ମଧ୍ୟ ଦେଶର ସୌହାର୍ଦ୍ଦ୍ୟକୁ ଭାଙ୍ଗିବାର ଏକ ନିନ୍ଦନୀୟ ପ୍ରୟାସ ଥିଲା। ବ୍ୟକ୍ତିଗତ ଭାବେ ମୋ ପାଇଁ ଏହି ଯନ୍ତ୍ରଣା ଅତ୍ୟନ୍ତ ଅସହ୍ୟ ଥିଲା। ଏହି ଆତଙ୍କବାଦୀ ଆକ୍ରମଣ ପରେ ସମଗ୍ର ଦେଶ, ପ୍ରତ୍ୟେକ ନାଗରିକ, ପ୍ରତ୍ୟେକ ସମାଜ, ପ୍ରତ୍ୟେକ ବର୍ଗ, ପ୍ରତ୍ୟେକ ରାଜନୈତିକ ଦଳ, ଏକ ସ୍ୱରରେ ଆତଙ୍କବାଦ ବିରୋଧରେ ଦୃଢ଼ କାର୍ଯ୍ୟାନୁଷ୍ଠାନ ପାଇଁ ଛିଡ଼ା ହୋଇଥିଲେ। ଆତଙ୍କବାଦୀମାନଙ୍କୁ ଦମନ କରିବା ପାଇଁ ଆମେ ଭାରତୀୟ ସେନାକୁ ସ୍ୱାଧୀନତା ଦେଇଥିଲୁ। ଆଉ ଆଜି ପ୍ରତ୍ୟେକ ଆତଙ୍କବାଦୀ, ପ୍ରତ୍ୟେକ ଆତଙ୍କୀ ସଙ୍ଗଠନ ଭଲ ଭାବେ ଜାଣିପାରିଛନ୍ତି ଯେ ଆମ ଭଉଣୀ ଓ ଝିଅମାନଙ୍କ ମଥାରୁ ସିନ୍ଦୁର ପୋଛିବାର ପରିଣାମ କ’ଣ ହୋଇପାରେ।

ସାଥୀଗଣ,

‘ଅପରେସନ୍‌ ସିନ୍ଦୁର’ କେବଳ ଗୋଟିଏ ନାମ ନୁହେଁ, ଏହା ଦେଶର କୋଟି କୋଟି ଲୋକଙ୍କ ଭାବନାର ପ୍ରତିଫଳନ। ‘ଅପରେସନ୍‌ ସିନ୍ଦୁର’ ନ୍ୟାୟର ଅଖଣ୍ଡ ପ୍ରତିଜ୍ଞା ଅଟେ। ୬ ମଇ ବିଳମ୍ବିତ ରାତ୍ରୀରେ, ୭ ମଇ ସକାଳେ ସାରା ଦୁନିଆ ଏହି ପ୍ରତିଜ୍ଞାକୁ ପରିଣାମରେ ବଦଳୁଥିବା ଦେଖିଛି । ଭାରତର ସେନାବାହିନୀ ପାକିସ୍ତାନରେ ଥିବା ଆତଙ୍କୀ ଆଡ୍ଡା ଉପରେ, ସେମାନଙ୍କ ଟ୍ରେନିଂ ସେଣ୍ଟର୍‌ ଉପରେ ସଠିକ୍‌ ପ୍ରହାର କରିଥିଲା। ଆତଙ୍କବାଦୀମାନେ ସ୍ୱପ୍ନରେ ସୁଦ୍ଧା ଭାବିପାରିନଥିଲେ ଯେ ଭାରତ ଏତେ ବଡ଼ ନିଷ୍ପତ୍ତି ନେଇପାରିବ। କିନ୍ତୁ ଯେତେବେଳେ ଦେଶ ଏକଜୁଟ ହୋଇଥାଏ, ରାଷ୍ଟ୍ର ପ୍ରଥମ ଭାବନାରେ ପରିପୂର୍ଣ୍ଣ ହୋଇଥାଏ, ରାଷ୍ଟ୍ର ସର୍ବୋପରି ହୋଇଥାଏ, ସେତେବେଳେ ଦୁଃସାହିକ ନିଷ୍ପତ୍ତି ଗ୍ରହଣ କରାଯାଏ, ପରିଣାମ ସମସ୍ତଙ୍କୁ ପ୍ରଦର୍ଶିତ କରାଯାଏ।

ଯେତେବେଳେ ପାକିସ୍ତାନରେ ଥିବା ଆତଙ୍କବାଦୀଙ୍କ ଆଡ୍ଡା ଉପରେ ଭାରତ କ୍ଷେପଣାସ୍ତ୍ର ମାଡ଼ କଲା, ଭାରତର ଡ୍ରୋନ ମାଡ଼ ହେଲା, ସେତେବେଳେ କେବଳ ଆତଙ୍କବାଦୀ ସଙ୍ଗଠନଗୁଡ଼ିକର ଅଟ୍ଟାଳିକା ନୁହେଁ, ବରଂ ସେମାନଙ୍କର ମନୋବଳ ମଧ୍ୟ ଭାଙ୍ଗି ଚୁରମାର୍‌ ହୋଇଥିଲା। ବାହାବଲପୁର ଏବଂ ମୁରୀଦକେ ଭଳି ଆତଙ୍କବାଦୀ କେନ୍ଦ୍ରଗୁଡ଼ିକ ଏକ ପ୍ରକାରରେ ବିଶ୍ୱ ଆତଙ୍କବାଦର ବିଶ୍ୱବିଦ୍ୟାଳୟ ହୋଇ ରହିଆସିଥିଲା। ବିଶ୍ୱର ଯେକୌଣସି ସ୍ଥାନରେ ବଡ଼ ଆତଙ୍କବାଦୀ ଆକ୍ରମଣ ହେଉ, ତାହା ୯/୧୧ ହେଉ, ଲଣ୍ଡନ ଟ୍ୟୁବ୍ ବୋମା ବିସ୍ଫୋରଣ ହେଉ, କିମ୍ବା ଦଶନ୍ଧି ଦଶନ୍ଧି ଧରି ଭାରତରେ ହୋଇଥିବା ବଡ଼ ଆତଙ୍କବାଦୀ ଆକ୍ରମଣ ହେଉ, କେଉଁଠି ନା କେଉଁଠି ଏହି ଆତଙ୍କବାଦର ଆଡ୍ଡା ସହିତ ଜଡିତ ହୋଇଛି। ଆତଙ୍କବାଦୀମାନେ ଆମ ଭଉଣୀମାନଙ୍କ ସିନ୍ଦୁରକୁ ଉଜାଡ଼ି ଦେଇଥିଲେ, ତେଣୁ ଭାରତ ଆତଙ୍କବାଦର ଏହି ମୁଖ୍ୟାଳୟଗୁଡ଼ିକୁ ଧ୍ୱଂସ କରିଦେଇଥିଲା। ଭାରତ ଦ୍ୱାରା ହୋଇଥିବା ଏହି ଆକ୍ରମଣରେ ୧୦୦ରୁ ଅଧିକ କୁଖ୍ୟାତ ଆତଙ୍କବାଦୀ ନିହତ ହୋଇଛନ୍ତି। ଗତ ଅଢେଇରୁ ତିନି ଦଶନ୍ଧି ଧରି ପାକିସ୍ତାନରେ ଖୋଲାଖୋଲି ଭାବେ ବୁଲୁଥିବା, ଭାରତ ବିରୋଧରେ ଷଡ଼ଯନ୍ତ୍ର କରୁଥିବା, ଅନେକ ପ୍ରମୁଖ ଆତଙ୍କବାଦୀଙ୍କୁ ଭାରତ ଗୋଟିଏ ଆଘାତରେ ନିପାତ କରିଦେଇଛି ।

ବନ୍ଧୁଗଣ,

ଭାରତର ଏହି କାର୍ଯ୍ୟ ଦ୍ୱାରା ପାକିସ୍ତାନ ଗଭୀର ଭାବେ ନିରାଶ, ହତାଶ ଏବଂ କ୍ରୋଧିତ ହୋଇଥିଲା, ଏବଂ ଏହି ହତାଶାରେ ସେ ଆଉ ଏକ ଦୁଃସାହସ କରିଥିଲା। ଆତଙ୍କବାଦ ଉପରେ ଭାରତର କାର୍ଯ୍ୟାନୁଷ୍ଠାନକୁ ସମର୍ଥନ କରିବା ପରିବର୍ତ୍ତେ ପାକିସ୍ତାନ ଭାରତ ଉପରେ ହିଁ ଆକ୍ରମଣ କରିବା ଆରମ୍ଭ କରିଥିଲା। ପାକିସ୍ତାନ ଆମର ବିଦ୍ୟାଳୟ, କଲେଜ, ଗୁରୁଦ୍ୱାର, ମନ୍ଦିର, ସାଧାରଣ ନାଗରିକଙ୍କ ଘରକୁ ଟାର୍ଗେଟ କରିଛି, ପାକିସ୍ତାନ ଆମର ସାମରିକ ପ୍ରତିଷ୍ଠାନକୁ ଟାର୍ଗେଟ କରିଛି, କିନ୍ତୁ ଏଥିରେ ମଧ୍ୟ ପାକିସ୍ତାନର ମୁଖା ଖୋଲି ଯାଇଛି।

ପାକିସ୍ତାନର ଡ୍ରୋନ୍ ଏବଂ ପାକିସ୍ତାନର କ୍ଷେପଣାସ୍ତ୍ର ଭାରତ ସାମ୍ନାରେ ଧୂଳିସାତ ହୋଇଥିଲା ତାହା ସାରା ଦୁନିଆ ଦେଖିଛି । ଭାରତର ଶକ୍ତିଶାଳୀ ବାୟୁ ପ୍ରତିରକ୍ଷା ବ୍ୟବସ୍ଥା ସେଗୁଡ଼ିକୁ ଆକାଶରେ ଧ୍ୱଂସ କରିଦେଇଥିଲା। ପାକିସ୍ତାନର ପ୍ରସ୍ତୁତି ଥିଲା ସୀମାରେ ଆକ୍ରମଣ କରିବା, କିନ୍ତୁ ଭାରତ ପାକିସ୍ତାନକୁ ଛାତିରେ ଆଘାତ କରିଥିଲା। ଭାରତର ଡ୍ରୋନ୍, ଭାରତର କ୍ଷେପଣାସ୍ତ୍ରଗୁଡ଼ିକ ପୂର୍ଣ୍ଣ ସଠିକତାର ସହ ଆଘାତ କରିଥିଲା। ପାକିସ୍ତାନ ବାୟୁସେନାର ସେହି ବିମାନ ଘାଟି କ୍ଷତିଗ୍ରସ୍ତ ହୋଇଥିଲା, ଯାହାକୁ ନେଇ ପାକିସ୍ତାନ ଗର୍ବ କରୁଥିଲା। ଭାରତ ପ୍ରଥମ ତିନି ଦିନ ମଧ୍ୟରେ ପାକିସ୍ତାନରେ ଏପରି ଧ୍ୱଂସଲୀଳ କରିଥିଲା, ଯାହା ପାକିସ୍ତାନ କେବେ କଳ୍ପନା ମଧ୍ୟ କରିପାରିନଥିଲା।

ସେଥିପାଇଁ ଭାରତର ଆକ୍ରମଣାତ୍ମକ କାର୍ଯ୍ୟାନୁଷ୍ଠାନ ପରେ, ପାକିସ୍ତାନ ପଳାୟନ ମାର୍ଗ ଖୋଜିବା ଆରମ୍ଭ କରିଥିଲା। ପାକିସ୍ତାନ ସାରା ବିଶ୍ୱରେ ଉତ୍ତେଜନା ହ୍ରାସ ପାଇଁ ନିବେଦନ କରିଥିଲା। ଆଉ ଏତେ ମାତ୍ରାରେ ଆଘାତ ସହିବା ପରେ ପାକିସ୍ତାନ ସେନା ବାଧ୍ୟ ହୋଇ ମଇ ୧୦ ତାରିଖ ଅପରାହ୍ଣରେ, ଆମର ଡିଜିଏମଓଙ୍କୁ ଯୋଗାଯୋଗ କରିଥିଲା। ସେତେବେଳକୁ, ଆମେ ଆତଙ୍କବାଦର ଭିତ୍ତିଭୂମିକୁ ବ୍ୟାପକ ଭାବେ ଧ୍ୱଂସ କରିଦେଇଥିଲୁ, ଆତଙ୍କବାଦୀମାନଙ୍କୁ ନିପାତ କରାଯାଇଥିଲା, ପାକିସ୍ତାନର ଛାତିରେ ଥିବା ଆତଙ୍କବାଦୀ ଘାଟିଗୁଡ଼ିକ ଧ୍ୱଂସ ହୋଇଯାଇଥିଲା, ତେଣୁ ଯେତେବେଳେ ପାକିସ୍ତାନ ନିବେଦନ କଲା, ସେତେବେଳେ ପାକିସ୍ତାନ କହିଲା ଯେ ତା’ ତରଫରୁ ଆଉ କୌଣସି ଆତଙ୍କବାଦୀ କାର୍ଯ୍ୟକଳାପ ଏବଂ ସାମରିକ ଦୁଃସାହସ ହେବ ନାହିଁ। ତେଣୁ ଭାରତ ମଧ୍ୟ ଏହା ଉପରେ ବିଚାର କରିଥିଲା। ଆହୁରି, ମୁଁ ଦୋହରାଇବାକୁ ଚାହେଁ, ଆମେ ପାକିସ୍ତାନର ଆତଙ୍କବାଦୀ ଏବଂ ସାମରିକ ଘାଟିଗୁଡ଼ିକ ବିରୋଧରେ ଆମର ପ୍ରତିଶୋଧମୂଳକ କାର୍ଯ୍ୟାନୁଷ୍ଠାନକୁ ସ୍ଥଗିତ ରଖିଛୁ। ଆଗାମୀ ଦିନରେ, ଆମେ ପାକିସ୍ତାନର ପ୍ରତ୍ୟେକ ପଦକ୍ଷେପକୁ ତା’ର ଆଭିମୁଖ୍ୟ ଦ୍ୱାରା ବିଚାର କରିବୁ।

ବନ୍ଧୁଗଣ,

ଭାରତର ତିନି ସେନା, ଆମର ବାୟୁସେନା, ଆମର ସେନା, ଆମର ନୌସେନା, ଆମର ସୀମା ସୁରକ୍ଷା ବଳ-ବିଏସଏଫ, ଭାରତର ଅର୍ଦ୍ଧସାମରିକ ବାହିନୀ, ସବୁବେଳେ ସତର୍କ ରହିଛନ୍ତି। ସର୍ଜିକାଲ୍ ଷ୍ଟ୍ରାଇକ୍ ଏବଂ ଏୟାର ଷ୍ଟ୍ରାଇକ୍ ପରେ ଏବେ ‘ଅପରେସନ ସିନ୍ଦୁର’ ହେଉଛି ଆତଙ୍କବାଦ ବିରୋଧରେ ଭାରତର ନୀତି। ଆତଙ୍କବାଦ ବିରୋଧରେ ଲଢ଼େଇରେ ଅପରେସନ୍ ସିନ୍ଦୁର ଏକ ନୂତନ ଲକ୍ଷ୍ମଣରେଖା ଟାଣିଛି, ଏକ ନୂତନ ମାନଦଣ୍ଡ, ଏକ ନୂତନ ବାସ୍ତବିକତା ପ୍ରତିଷ୍ଠା କରିଛି।

ପ୍ରଥମତଃ, ଯଦି ଭାରତ ଉପରେ କୌଣସି ଆତଙ୍କବାଦୀ ଆକ୍ରମଣ ହୁଏ, ତା’ହେଲେ ଉପଯୁକ୍ତ ଜବାବ ଦିଆଯିବ। ଆମେ ନିଜ ଶୈଳୀରେ, ନିଜ ସର୍ତ୍ତରେ ଜବାବ ଦେବା ଜାରି ରଖିବୁ। ଯେଉଁଠାରୁ ଆତଙ୍କବାଦର ଉତ୍ପତ୍ତି ହୋଇଛି, ସେହି ପ୍ରତ୍ୟେକ ସ୍ଥାନକୁ ଯାଇ କଠୋର କାର୍ଯ୍ୟାନୁଷ୍ଠାନ ଗ୍ରହଣ କରାଯିବ। ଦ୍ୱିତୀୟତଃ, ଭାରତ କୌଣସି ପରମାଣୁ ଯୁଦ୍ଧ ବ୍ଲାକମେଲକୁ ବରଦାସ୍ତ କରିବ ନାହିଁ। ପରମାଣୁ ବ୍ଲାକମେଲର ଛଦ୍ମବେଶରେ ବିକଶିତ ହେଉଥିବା ଆତଙ୍କବାଦୀ ଘାଟିଗୁଡ଼ିକ ଉପରେ ଭାରତ ସଠିକ୍ ଏବଂ ନିର୍ଣ୍ଣାୟକ ଭାବରେ ଆକ୍ରମଣ କରିବ।

ତୃତୀୟତଃ, ଆମେ ଆତଙ୍କବାଦକୁ ପ୍ରୋତ୍ସାହନ ଦେଉଥିବା ସରକାର ଏବଂ ଆତଙ୍କବାଦୀ ସଂଗଠନର ମୁଖିଆମାନଙ୍କୁ ଅଲଗା କରି ଦେଖିବୁ ନାହିଁ। ଅପରେସନ ସିନ୍ଦୁର ସମୟରେ, ବିଶ୍ୱ ପୁଣିଥରେ ପାକିସ୍ତାନର କୁତ୍ସିତ ବାସ୍ତବତା ଦେଖିଲା ଯେତେବେଳେ ପାକିସ୍ତାନ ସେନାର ବରିଷ୍ଠ ଅଧିକାରୀମାନେ ନିହତ ଆତଙ୍କବାଦୀମାନଙ୍କୁ ଅନ୍ତିମ ବିଦାୟ ଦେବାକୁ ବାହାରିଥିଲେ। ଏହା ରାଷ୍ଟ୍ର-ପ୍ରାୟୋଜିତ ଆତଙ୍କବାଦର ଏକ ବଡ଼ ପ୍ରମାଣ। ଭାରତ ଏବଂ ଆମର ନାଗରିକମାନଙ୍କୁ ଯେକୌଣସି ବିପଦରୁ ରକ୍ଷା କରିବା ପାଇଁ ଆମେ ନିର୍ଣ୍ଣାୟକ ପଦକ୍ଷେପ ନେବା ଜାରି ରଖିବୁ।

ବନ୍ଧୁଗଣ,

ଆମେ ପ୍ରତ୍ୟେକ ଥର ଯୁଦ୍ଧକ୍ଷେତ୍ରରେ ପାକିସ୍ତାନକୁ ଧୂଳି ଚଟେଇଛୁ। ଆଉ ଏଥର ଅପରେସନ୍ ସିନ୍ଦୁର ଏକ ନୂଆ ଦିଗ ଯୋଡ଼ିଛି। ଆମେ ମରୁଭୂମି ଏବଂ ପର୍ବତଗୁଡ଼ିକରେ ନିଜର ସାମର୍ଥ୍ୟର ଚମତ୍କାର ପ୍ରଦର୍ଶନ କରିଛୁ, ଏବଂ ଠିକ୍‌ ଏହି ସମୟରେ, ନୂତନ ଯୁଗର ଯୁଦ୍ଧରେ ନିଜର ଶ୍ରେଷ୍ଠତାକୁ ପ୍ରମାଣିତ କରିଛୁ। ଏହି ଅପରେସନ୍ ସମୟରେ, ଆମର ମେଡ ଇନ୍ ଇଣ୍ଡିଆ ଅସ୍ତ୍ରଶସ୍ତ୍ରର କ୍ଷମତା ପ୍ରମାଣିତ ହୋଇଥିଲା। ଆଜି ବିଶ୍ୱ ଦେଖୁଛି, ଏକବିଂଶ ଶତାବ୍ଦୀର ଯୁଦ୍ଧରେ ଭାରତରେ ନିର୍ମିତ ପ୍ରତିରକ୍ଷା ଉପକରଣର ସମୟ ଆସିଛି।

ବନ୍ଧୁଗଣ, ପ୍ରତ୍ୟେକ ପ୍ରକାରର ଆତଙ୍କବାଦ ବିରୋଧରେ ଏକଜୁଟ ରହିବା ହେଉଛି ଆମର ସବୁଠାରୁ ବଡ଼ ଶକ୍ତି। ନିଶ୍ଚିତ ଭାବେ ଏହା ଯୁଦ୍ଧର ଯୁଗ ନୁହେଁ, କିନ୍ତୁ ଏହା ମଧ୍ୟ ଆତଙ୍କବାଦର ଯୁଗ ନୁହେଁ। ଆତଙ୍କବାଦ ବିରୋଧରେ ଶୂନ୍ୟ ସହନଶୀଳତା ହେଉଛି ଏକ ଉନ୍ନତ ବିଶ୍ୱର ଗ୍ୟାରେଣ୍ଟି।

ବନ୍ଧୁଗଣ,

ଯେଭଳି ଭାବେ ପାକିସ୍ତାନ ସେନା ଏବଂ ପାକିସ୍ତାନ ସରକାର ଆତଙ୍କବାଦକୁ ପୋଷଣ ଦେଉଛନ୍ତି, ଦିନେ ନା ଦିନେ ଏହା ପାକିସ୍ତାନକୁ ଶେଷ କରିଦେବ। ଯଦି ପାକିସ୍ତାନ ବଞ୍ଚିବାକୁ ଚାହେଁ, ତା’ହେଲେ ତାର ଆତଙ୍କବାଦୀ ଭିତ୍ତିଭୂମିକୁ ଧ୍ୱଂସ କରିବାକୁ ପଡ଼ିବ। ଶାନ୍ତି ପାଇଁ ଅନ୍ୟ କୌଣସି ରାସ୍ତା ନାହିଁ। ଭାରତର ସ୍ଥିତି ଅତ୍ୟନ୍ତ ସ୍ପଷ୍ଟ: ଆତଙ୍କବାଦ ଏବଂ ଆଲୋଚନା, ଏକାଠି କରାଯାଇପାରିବ ନାହିଁ, ଆତଙ୍କବାଦ ଏବଂ ବ୍ୟବସାୟ ଏକାଠି ଯାଇପାରିବ ନାହିଁ। ଏହା ବ୍ୟତୀତ, ପାଣି ଏବଂ ରକ୍ତ ଏକାଠି ପ୍ରବାହିତ ହୋଇପାରିବ ନାହିଁ। ମୁଁ ଆଜି ବିଶ୍ୱ ସମୁଦାୟକୁ ମଧ୍ୟ କହିବି, ଆମର ଘୋଷିତ ନୀତି ହେଉଛି, ଯଦି ପାକିସ୍ତାନ ସହିତ ଆଲୋଚନା ହୁଏ, ତେବେ ତାହା ଆତଙ୍କବାଦ ଉପରେ ହେବ, ଯଦି ପାକିସ୍ତାନ ସହିତ ଆଲୋଚନା ହୁଏ, ତେବେ ପାକିସ୍ତାନ ଅଧିକୃତ କାଶ୍ମୀର, ପିଓକେ ଉପରେ ଆଧାରିତ ହେବ।

ପ୍ରିୟ ଦେଶବାସୀ,

ଆଜି ବୁଦ୍ଦ ପୂର୍ଣ୍ଣିମା। ଭଗବାନ ବୁଦ୍ଧ ଆମକୁ ଶାନ୍ତିର ମାର୍ଗ ଦେଖାଇଛନ୍ତି। ଶାନ୍ତିର ମାର୍ଗ ମଧ୍ୟ ଶକ୍ତିର ମାର୍ଗ ହୋଇଯାଇଥାଏ। ମାନବତା, ଶାନ୍ତି ଏବଂ ସମୃଦ୍ଧି ଦିଗରେ ଆଗକୁ ବଢ଼ୁ, ପ୍ରତ୍ୟେକ ଭାରତୀୟ ଶାନ୍ତିରେ ରୁହନ୍ତୁ, ବିକଶିତ ଭାରତର ସ୍ୱପ୍ନକୁ ପୂରଣ କରନ୍ତୁ, ସେଥିପାଇଁ ଭାରତ ଶକ୍ତିଶାଳୀ ହେବ ଅତ୍ୟନ୍ତ ଜରୁରୀ। ଆବଶ୍ୟକତା ପଡ଼ିଲେ ଏହି ଶକ୍ତିର ଉପଯୋଗ କରିବା ମଧ୍ୟ ଜରୁରୀ। ଆଉ ବିଗତ କିଛି ଦିନ ମଧ୍ୟରେ ଭାରତ ଏହା କରି ଦେଖାଇଛି ।

ମୁଁ ପୁଣିଥରେ ଭାରତୀୟ ସେନା ଏବଂ ସଶସ୍ତ୍ର ବଳକୁ ଅଭିବାଦନ ଜଣାଉଛି। ଆମେ ଭାରତବାସୀଙ୍କ ସାହସକୁ ପ୍ରଣାମ କରୁଛି। ଭାରତବାସୀଙ୍କ ଏକତାର ଶପଥ, ସଂକଳ୍ପକୁ ମୁଁ ପ୍ରଣାମ କରୁଛି।

ବହୁତ - ବହୁତ ଧନ୍ୟବାଦ।

ଭାରତ ମାତା କୀ ଜୟ!!!

ଭାରତ ମାତା କୀ ଜୟ!!!

ଭାରତ ମାତା କୀ ଜୟ!!!