ଉତ୍ତର ପ୍ରଦେଶର ରାଜ୍ୟପାଳ ଶ୍ରୀମାନ ରାମ ନାଏକ ମହୋଦୟ, ଏଠାକାର ଶକ୍ତିଶାଳୀ, ତେଜସ୍ୱୀ, ପରିଶ୍ରମୀ, ଯଶସ୍ଵୀ ମୁଖ୍ୟମନ୍ତ୍ରୀ ଶ୍ରୀମାନ ଯୋଗୀ ଆଦିତ୍ୟନାଥ ମହୋଦୟ, କେନ୍ଦ୍ର ମନ୍ତ୍ରୀ ପରିଷଦରେ ମୋର ବନ୍ଧୁ ଶ୍ରୀମାନ ମନୋଜ ସିହ୍ନା ମହୋଦୟ, ସଂସଦରେ ମୋର ବନ୍ଧୁ ଏବଂ ମୋର ଅନେକ ପୁରୁଣା ଦିନର ବନ୍ଧୁ ଏବଂ ପ୍ରଦେଶ ଭାରତୀୟ ଜନତା ପାର୍ଟୀ ର ଅଧ୍ୟକ୍ଷ ଶ୍ରୀମାନ ମହେନ୍ଦ୍ର ନାଥ ପାଣ୍ଡେ ମହୋଦୟ, ଜାପାନ ଦୂତାବାସର Charge-de-Affairs ଶ୍ରୀ ହିରିକା ଅସାରୀ ମହୋଦୟ ଏବଂ ବନାରସର ମୋର ଭାଇ ଓ ଭଉଣୀମାନେ ।
ମୁଁ ସର୍ବ ପ୍ରଥମେ ଆମ ଦେଶର ଗୌରବ ବଢାଇଥିବା ଜଣେ ଝିଅର ଗୌରବଗାଥା ଶୁଣାଇବାକୁ ଚାହୁଁଛି । ଆପଣମାନେ ଦେଖିଥିବେ ଯେ ଆସାମ ନବଗାଓଁ ଜିଲା ସ୍ଥିତ ଡିନଗାମ ର ଏକ ଛୋଟ ଝିଅ ହିମା ଦାସ ତାଙ୍କର ଉଚ୍ଚକୋଟୀର କ୍ରୀଡା ପ୍ରଦର୍ଶନ କରି ସମସ୍ତଙ୍କୁ ଗୌରବାନ୍ୱିତ କରିଛନ୍ତି । ଏବଂ ଯେଉଁମାନେ ଟେଲିଭିଜନରେ ଦେଖିଥିବେ … ମୁଁ ଆଜି ସ୍ୱତନ୍ତ୍ର ଭାବେ ଏକ ଟ୍ଵିଟ କରିଥିଲି । ସେହି ଷ୍ଟାଡିୟମରେ ଯେଉଁମାନେ ଭାଷ୍ୟକାର ଥିଲେ, ସେମାନଙ୍କ ପାଇଁ ମଧ୍ୟ ଏହା ଆଶ୍ଚର୍ଯ୍ୟଜନକ ଥିଲା ଯେ ବିଶ୍ୱ ଚାମ୍ପିୟନକମାନଙ୍କୁ ପଛରେ ପକାଇ ଭାରତର ଜଣେ ଝିଅ ପ୍ରତି ସେକେଣ୍ଡରେ ଆଗକୁ ଆଗକୁ ଅଗ୍ରସର ହୋଇପାରୁଛି ଏବଂ ସେ ଭାଷ୍ୟକାର ଯେଉଁଭଳି ଭାବେ ଉତ୍ସାହିତ ହୋଇ ନିଜର ଭାଷ୍ୟ ପ୍ରଦର୍ଶନ କରୁଥିଲେ, ଯେ କୌଣସି ଭାରତୀୟଙ୍କ ଛାତି ଗୌରବରେ ଭରପୂର ହୋଇଯାଉଥିଲା । ଏବଂ ପରେ ଆପଣମାନେ ଦେଖିଥିବେ ଯେ ହିମା ଦାସ ବହୁତ ବଡ କାମ କରିପାରିଥିଲେ, ଭାରତର ନାଁ ଉଜ୍ଜ୍ୱଳ କରିପାରିଥିଲେ ଏବଂ ସେ ବିଜୟ ଲାଭ କରିଛନ୍ତି ବୋଲି ଯେତେବେଳେ ନିଷ୍ପତ୍ତି ହୋଇଥିଲା ସେତେବେଳେ ସେ ତାଙ୍କ ହାତ ଉଠାଇ ତ୍ରିରଙ୍ଗାର ପ୍ରତୀକ୍ଷା କରି ଦୌଡିବାକୁ ଲାଗିଥିଲେ ଏବଂ ତ୍ରିରଙ୍ଗା ପତାକା ପାଇଁ ଅପେକ୍ଷା କରିଥିଲେ । ଏବଂ ସେ ତାଙ୍କ ମନରେ ଦୃଢତା ଥିଲା ଯେ ସେ ନିଶ୍ଚିତ ବିଜୟ ଲାଭ କରିବେ । ବିଜୟର ସହିତ ସେ ତ୍ରିରଙ୍ଗା ପତାକା ହଲାଇବା ସହିତ ତାଙ୍କ ପ୍ରଦେଶ ଆସାମର ଗାମୁଛା ଗଳାରେ ପକାଇବାକୁ ଭୂଲି ନଥିଲେ । ଏବଂ ଯେତେବେଳେ ତାଙ୍କୁ ମେଡାଲ ମିଳିଲା, ଯେତେବେଳେ ସେ ଛିଡା ହୋଇଥିଲେ, ହିନ୍ଦୁସ୍ତାନର ତ୍ରିରଙ୍ଗା ପତାକା ଫର ଫର ହୋଇ ଉଡୁଥିଲା ଏବଂ ଜନ-ଗଣ-ମନ ଆରମ୍ଭ ହୋଇଥିଲା ଆପଣମାନେ ଦେଖିଥିବେ 18 ବର୍ଷୀୟ ହିମା ଦାସଙ୍କ ଆଖିରୁ ଗଙ୍ଗା-ଯମୁନା ଲୁହ ହୋଇ ବୋହିଯାଉଥିଲେ । ସେ ମା’ ଭାରତୀଙ୍କୁ ସମର୍ପିତ ଥିଲେ । ଏହି ଦୃଶ୍ୟ 125 କୋଟି ହିନ୍ଦୁସ୍ତାନୀଙ୍କୁ ଏକ ନୂତନ ପ୍ରେରଣା ଏବଂ ଉଦ୍ଦୀପନା ପ୍ରଦାନ କରୁଥିଲା । ଛୋଟିଆ ଗାଁ ର ଧାନ ଚାଷୀ ପରିବାରର ଝିଅ 18 ମାସ ପୂର୍ବରୁ ଜିଲାରେ ଖେଳୁଥିଲା, କେବେ ରାଜ୍ୟରେ ମଧ୍ୟ ଖେଳିନ ଥିଲା, ସେ ଆଜି 18 ମାସ ମଧ୍ୟରେ ଦୁନିଆରେ ହିନ୍ଦୁସ୍ତାନର ନାଁ ଉଜ୍ଜ୍ୱଳ କରିପାରିଛି । ମୁଁ ହିମା ଦାସଙ୍କ ଅନେକ ଅନେକ ଶୁଭେଚ୍ଛା ଜଣାଉଛି, ଅଶେଷ ଶୁଭକାମନା ଦେଉଛି । ଏବଂ ଆପଣମାନଙ୍କୁ ମଧ୍ୟ କହୁଛି ଯେ ତାଳି ଦେଇ ହିମା ଦାସଙ୍କୁ ଗୌରବାନ୍ୱିତ କରନ୍ତୁ । ଗୌରବଗାନ କରନ୍ତୁ ଆମର ଏହି ଝିଅ ପାଇଁ, ଆସାମର ଏହି ଝିଅ ପୂରା ଦେଶର ନାଁ ଉଜ୍ଜ୍ୱଳ କରିଛି । ଅନେକ ଅନେକ ଶୁଭକାମନା ।
ଭାଇ ଓ ଭଉଣୀମାନେ, ବାବା ଭୋଳାନାଥଙ୍କ ପ୍ରିୟ ଶ୍ରାବଣ ମାସ ଆରମ୍ଭ ହେବାକୁ ଯାଉଛି । କିଛି ଦିନରେ କାଶୀରେ ଦେଶ ଏବଂ ଦୁନିଆରୁ ଶିବ ଭକ୍ତମାନଙ୍କର ମେଳା ଆୟୋଜିତ ହେବାକୁ ଯାଉଛି । ଏହି ଉତ୍ସବର ପ୍ରସ୍ତୁତି ଜୋରଦାର ଭାବେ ଚାଲିଛି । ଭାଇ ଓ ଭଉଣୀମାନେ ଆଜି ଯେତେବେଳେ ଆମେ ଉତ୍ସବର ପ୍ରସ୍ତୁତି କରିବାରେ ନିୟୋଜିତ ସେତେବେଳେ ସର୍ବପ୍ରଥମେ ମୁଁ ସେହି ପରିବାରମାନଙ୍କ କଷ୍ଟ ଆପଣମାନଙ୍କ ସହ ବାଣ୍ଟିବାକୁ ଚାହୁଁଛି, ଯେଉଁମାନେ ବିଗତ ଦିନର ଦୁର୍ଘଟଣାରେ ନିଜ ଲୋକମାନଙ୍କୁ ହରେଇଛନ୍ତି । ବନାରସରେ ଯେଉଁ ଦୁର୍ଘଟଣା ହୋଇଥିଲା, ବହୁ ଅମୂଲ୍ୟ ଜୀବନ ନଷ୍ଟ ହୋଇଥିଲା ତାହା ଅତ୍ୟନ୍ତ ଦୁଃଖଦାୟକ । ସମସ୍ତ ପ୍ରଭାବିତ ପରିବାରଜନଙ୍କ ପ୍ରତି ମୋର ସଂପୂର୍ଣ୍ଣ ସମବେଦନା ରହିଛି । ଅନ୍ୟମାନଙ୍କ କଷ୍ଟ ବାଣ୍ଟିବା, ସହଯୋଗ କରିବା ଏବଂ ସୌହାର୍ଦ୍ଦ୍ୟର ଭାବନା ହିଁ କାଶୀର ସ୍ୱତନ୍ତ୍ର ପରିଚୟ । ଭୋଳା ବାବାଙ୍କ ଭୋଳାପଣ ସମସ୍ତଙ୍କ ଦୁଃଖ-କଷ୍ଟକୁ ନିଜ ଭିତରେ ସମାହିତ କରିପାରୁଥିବା ମା’ ଗଙ୍ଗାଙ୍କ ସ୍ୱଭାବ ହିଁ ବନାରସର ପରିଚୟ । ଦେଶ ଏବଂ ଦୁନିଆରେ ବନାରସୀମାନେ ଯେଉଁଠାରେ ମଧ୍ୟ ରହିବେ, ସେମାନେ ଏହି ସଂସ୍କାରଗୁଡିକ କେବେ ମଧ୍ୟ ଭୂଲନ୍ତି ନାହିଁ । ବନ୍ଧୁଗଣ ଶହ ଶହ ବର୍ଷରୁ ବନାରସ ଏହିଭଳି ରହିଛି, ପରମ୍ପରା ସହ ଓତଃପ୍ରୋତ ଭାବେ ଜଡିତ ହୋଇ ରହିଛି । ଏହାର ପୌରାଣିକ ପରିଚୟକୁ ନୂତନ ଶିଖରରେ ପହଂଚାଇବାକୁ, କାଶୀକୁ ଏକବିଂଶ ଶତାବ୍ଦୀର ଆବଶ୍ୟକତା ଅନୁଯାୟୀ ବିକଶିତ କରିବାର ପ୍ରଚେଷ୍ଟା ବିଗତ ଚାରି ବର୍ଷରୁ ନିରନ୍ତର ଜାରୀ ରହିଛି । ନିଉ ଇଣ୍ଡିଆ ପାଇଁ ଏକ ନୂତନ ବନାରସର ନିର୍ମାଣ କରାଯାଉଛି, ଯାହାର ଆତ୍ମା ପୂରୁଣା ହୋଇଯାଇଛି, କିନ୍ତୁ କାୟାକଳ୍ପ ନୂତନ ହେବ । ଯାହାର କୋଣ ଅନୁକୋଣରେ ସଂସ୍କୃତି ଏବଂ ସଂସ୍କାର ହେବ, କିନ୍ତୁ ବ୍ୟବସ୍ଥାଗୁଡିକ ସ୍ମାର୍ଟ ବ୍ୟବସ୍ଥାରେ ଭରପୂର ହେବ । ପରିବର୍ତ୍ତିତ ବନାରସର ଏହି ଛବି ଏବେ ଚାରିଆଡେ ପରିଲକ୍ଷିତ ହେଉଛି ।
ଆଜି ଗଣମାଧ୍ୟମରେ, ସାମାଜିକ ଗଣମାଧ୍ୟମରେ କାଶୀ ର ସଡକ, ଗଳି, କନ୍ଦି, ଘାଟ ଏବଂ ପୁଷ୍କରିଣୀର ଛବି ଯିଏ ବି ଦେଖୁଛନ୍ତି ତାଙ୍କର ମନ ପ୍ରଫୁଲ୍ଲିତ ହୋଇଯାଉଛି । ମୁଣ୍ଡ ଉପରେ ଝୁଲୁଥିବା ବିଦ୍ୟୁତ ତାର ଏବେ ଦେଖିବାକୁ ମିଳୁନାହିଁ । ସଡକଗୁଡିକରେ ବିଦ୍ୟୁତ ସଂଯୋଗ କରାଯାଇ ଆଲୋକିତ କରାଯାଇଛି । ରଙ୍ଗ ବିରଙ୍ଗୀ ଆଲୋକ ମଧ୍ୟରେ ସେଚକ (ସ୍ପ୍ରିଙ୍କଲର) ର ଦୃଶ୍ୟ ଅତ୍ୟନ୍ତ ମନଲୋଭା । ବନ୍ଧୁଗଣ ବିଗତ ଚାରି ବର୍ଷ ମଧ୍ୟରେ ବନାରସରେ ଦଶ ହଜାର କୋଟି ଟଙ୍କାର ପୁଂଜି ନିବେଶ ହୋଇଛି ଏବଂ ଏହା ଲଗାତାର ଜାରି ରହିବ । 2014 ପରେ ଆମ ସମ୍ମୁଖରେ ଅନେକ ଆହ୍ୱାନ ପ୍ରତୀତ ହୋଇଛି । ପୂର୍ବ ସରକାରଙ୍କଠାରୁ କାଶୀର ବିକାଶ ପାଇଁ ଆବଶ୍ୟକତା ଅନୁସାରେ ସହଯୋଗ ମଧ୍ୟ ମିଳିନଥିଲା, ସହଯୋଗ କଥା ଛାଡନ୍ତୁ ସ୍ଥାଣୁ ଥିଲା, କିନ୍ତୁ ଆପଣମାନେ ଯେବେଠାରୁ ଭାରୀ ସଂଖ୍ୟାରେ ଭୋଟ ଦେଇ ବହୁମତ ହାସିଲ କରି ବିଜେପି ସରକାରକୁ ସମର୍ଥନ ଦେଇଛନ୍ତି, ସେତେବେଳେ ସଂପୂର୍ଣ୍ଣ ଉତ୍ତରପ୍ରଦେଶରେ କାଶୀର ବିକାଶ ଦୃତ ଗତିରେ ଚାଲିଛି । ଏହି ବିକାଶ ବ୍ୟବସ୍ଥାକୁ ଜାରୀ ରଖି ଏବେ ଏବେ ମୁଁ ପାଖାପାଖି ଏକ ହଜାର କୋଟି ଟଙ୍କାର ପ୍ରକଳ୍ପଗୁଡିକର ଲୋକର୍ପଣ ଏବଂ ଭିତ୍ତିପ୍ରସ୍ତର ସ୍ଥାପନ କରିଛି । କେନ୍ଦ୍ର ଏବଂ ରାଜ୍ୟ ସରକାରଙ୍କ 30ରୁ ଅଧିକ ପ୍ରକଳ୍ପ ଏଠାକାର ସଡକ, ପରିବହନ, ଜଳ ଯୋଗାଣ, ସ୍ୱୀରେଜ, ରୋଷେଇ ଇନ୍ଧନ, ସ୍ୱଚ୍ଛତା ଏବଂ ଏହି ସହରର ସୌନ୍ଦର୍ଯ୍ୟକରଣ ସହିତ ସଂଶ୍ଲିଷ୍ଟ । ଏହା ବ୍ୟତୀତ ଆୟକର ଟ୍ରିବ୍ୟୁନାଲର ସର୍କିଟ ବେଞ୍ଚ ଏବଂ କେନ୍ଦ୍ର ସରକାରୀ କର୍ମଚାରୀମାନଙ୍କ ପାଇଁ CGHS କଲ୍ୟାଣ କେନ୍ଦ୍ର ସୁବିଧା ଯୋଗୁ ଏଠାକାର ଜନସାଧାରଣଙ୍କ ଜୀବନଶୈଳୀ ସୁଖଦ ହେବାକୁ ଯାଉଛି ।
ଭାଇ ଓ ଭଉଣୀମାନେ, ବନାରସରେ ଯେଉଁ ପରିବର୍ତ୍ତନ ହେଉଛି, ତାହା ଦ୍ୱାରା ଆଖପାଖ ଗ୍ରାମାଂଚଳର ଲୋକମାନେ ଉପକୃତ ହୋଇପାରୁଛନ୍ତି । ଏହିସବୁ ଗ୍ରାମାଂଚଳରେ ପାନୀୟ ଜଳ ସଂକ୍ରାନ୍ତ ଅନେକ ଯୋଜନାର ମଧ୍ୟ ଆଜି ଲୋକାର୍ପଣ କରାଯାଇଛି । ଏଠାରେ ଯେଉଁ କୃଷକ ଭାଇ ଓ ଭଉଣୀମାନେ ଏକତ୍ରିତ ହୋଇଛନ୍ତି, ମୁଁ ଆପଣମାନଙ୍କୁ ସ୍ୱତନ୍ତ୍ର ଅଭିନନ୍ଦନ କରିବାକୁ ଚାହୁଁଛି । ଏହି ସଭାସ୍ଥଳ ପାଖରେ କ୍ଷୟଶୀଳ ସାମଗ୍ରୀ ବୋଝେଇ (Perishable Cargo) କେନ୍ଦ୍ର ରହିଛି, ଯାହାର ଏବେ ନିର୍ମାଣ ସଂପୂର୍ଣ୍ଣ ହୋଇଛି । ଏହା ମୋର ସୌଭାଗ୍ୟ ଥିଲା ଯେ ଏହାର ଭିତ୍ତିପ୍ରସ୍ତର ସ୍ଥାପନ କରିବା ପାଇଁ ମୋତେ ସୁଯୋଗ ମିଳିଥିଲା ଏବଂ ଆଜି ଲୋକର୍ପିତ କରିବାର ମଧ୍ୟ ସୁଯୋଗ ମିଳିଲା । ବନ୍ଧୁଗଣ କାର୍ଗୋ କେନ୍ଦ୍ର ଏଠାକାର କୃଷକମାନଙ୍କ ପାଇଁ ବରଦାନ ସଦୃଶ ହେବାକୁ ଯାଉଛି । ଆଳୁ, ମଟର, ଟମାଟ ଭଳି ପରିବାଗୁଡିକ ଯାହା ଅତି କମ ସମୟ ମଧ୍ୟରେ ନଷ୍ଟ ହୋଇଯାଉଥିଲା, ସେସବୁକୁ ସଂରକ୍ଷଣର ସଠିକ ବ୍ୟବସ୍ଥା ଏଠାରେ କରାଯାଇଛି । ଏବେ ଆପଣମାନଙ୍କୁ ଫଳ- ପନିପରିବା ପଚି ସଢି ଯିବାର କ୍ଷତି ସହିବାକୁ ପଡିବ ନାହିଁ । ରେଳ ଷ୍ଟେସନ ମଧ୍ୟ ବେଶୀ ଦୂରରେ ନୁହେଁ । ଏହାଦ୍ୱାରା ପନିପରିବା ଏବଂ ଫଳମୂଳ ଅନ୍ୟ ସହରକୁ ପଠାଇବା ପାଇଁ ସହଜସାଧ୍ୟ ହୋଇପାରିଛି ।
ଭାଇ ଓ ଭଉଣୀମାନେ, ପରିବହନରୁ ପରିବର୍ତ୍ତନର ଧାରାରେ ସରକାର ଦୃତ ଗତିରେ ଅଗ୍ରସର ହେଉଛନ୍ତି । ବିଶେଷରୂପେ ଦେଶର ଏହି ପୂର୍ବ କ୍ଷେତ୍ର ଉପରେ ଆମର ସବୁଠାରୁ ଅଧିକ ଗୁରୁତ୍ୱ ରହିଛି । କିଛି ସମୟ ପୂର୍ବରୁ ଆଜମଗଡରେ ଦେଶର ସବୁଠାରୁ ଦୀର୍ଘତମ ଏକ୍ସପ୍ରେସ ସଡକ ର ଭିତ୍ତିପ୍ରସ୍ତର ସ୍ଥାପନ ମଧ୍ୟ ଏହି ଲକ୍ଷ୍ୟର ଏକ ଅଂଶବିଶେଷ ।
ବନ୍ଧୁଗଣ, କାଶୀ ନଗର ସର୍ବଦା ମୋକ୍ଷଦାୟିନୀ ଭାବେ ପରିଚିତ ଏବଂ ପୂଣ୍ୟ ଅର୍ଜନ କରିବାକୁ ଏଠାକୁ ଆସୁଥିବା ଜନସଂଖ୍ୟା ମଧ୍ୟ କିଛି କମ ନୁହେଁ । କିନ୍ତୁ ଏବେ ଜୀବନରେ ଆସୁଥିବା ସଙ୍କଟକୁ ମେଡିକାଲ ସାଇନ୍ସ ଜରିଆରେ ହ୍ରାସ କରିବାର କେନ୍ଦ୍ରରେ ମଧ୍ୟ ଏହା ପରିବର୍ତ୍ତିତ ହେଉଛି । ଆପଣଙ୍କ ସହଯୋଗ ଦ୍ୱାରା ବନାରସ ପୂର୍ବ ଭାରତର ଏକ ପ୍ରମୁଖ ଚିକିତ୍ସା କେନ୍ଦ୍ରସ୍ଥଳୀ ଭାବେ ପରିଗଣିତ ହେବାକୁ ଯାଉଛି । ଶିକ୍ଷା କ୍ଷେତ୍ରରେ ଜଣାଶୁଣା ଆମ ବନାରସ ହିନ୍ଦୁ ବିଶ୍ୱବିଦ୍ୟାଳୟ ଆଜି ଚିକିତ୍ସା କ୍ଷେତ୍ରରେ ମଧ୍ୟ ନିଜର ଏକ ପରିଚୟ ସୃଷ୍ଟି କରିପାରିଛି । ଆପଣମାନଙ୍କୁ ଜାଣି ଖୁସି ଲାଗିବ ଯେ ଏବେ ବନାରସ ହିନ୍ଦୁ ବିଶ୍ୱବିଦ୍ୟାଳୟ ଏମ୍ସ ସହିତ ଏକ ବିଶ୍ୱସ୍ତରୀୟ ସ୍ୱାସ୍ଥ୍ୟ ପ୍ରତିଷ୍ଠାନ ପ୍ରତିଷ୍ଠା କରିବା ପାଇଁ ଚୁକ୍ତି କରିଛି । ଏହାର ପରିଣାମ ଅତିଶୀଘ୍ର ଆପଣମାନଙ୍କୁ ଉପଲବ୍ଧି ହେବ । ଏଭଳି ସ୍ଥିତିରେ ବନାରସରେ ବସବାସ କରୁଥିବା ଜନସାଧାରଣଙ୍କ ସହିତ ଏଠାକୁ ଯିବାଆସିବା କରୁଥିବା ଲୋକମାନଙ୍କ ପାଇଁ ମଧ୍ୟ ସଂଯୋଗୀକରଣ ଗୁରୁତ୍ୱପୂର୍ଣ୍ଣ । ଏଥିପାଇଁ ସଡକ ହେଉ କିମ୍ବା ରେଳପଥ ଅନେକ ନୂତନ ସୁବିଧା ଆଜି କାଶୀରେ ଉପଲବ୍ଧ । ଏହି ଦିଗରେ ଏଠାରେ କ୍ୟାଣ୍ଟ ରେଳ ଷ୍ଟେସନକୁ ନୂତନ ରୂପ ଦେବାପାଇଁ କାର୍ଯ୍ୟ ଚାଲିଛି । ବାରଣାସୀକୁ ଆଲ୍ଲାହାବାଦ ଏବଂ ଛାପ୍ରା ସହିତ ସଂଯୋଗ କରୁଥିବା ଗୋଟିଏ ଟ୍ରାକକୁ ଦୁଇଟି କରିବା କାର୍ଯ୍ୟ ଦୃତ ଗତିରେ ଚାଲିଛି । ବାରଣାସୀରୁ ଆରମ୍ଭ କରି ବଳିୟା ପର୍ଯ୍ୟନ୍ତ ବିଦ୍ୟୁତିକରଣର କାର୍ଯ୍ୟ ମଧ୍ୟ ସଂପୂର୍ଣ୍ଣ ହୋଇସାରିଛି ଏବଂ ଆଜି ଏହି କ୍ଷେତ୍ରରେ ମେମୁ ଟ୍ରେନ ମଧ୍ୟ ଯାଇପାରୁଛି । ଏବେ ମୁଁ ସବୁଜ ପତାକା ଦେଖାଇ ସେହି ଟ୍ରେନକୁ ଯିବାକୁ ଦେଇଥିଲି । ଏବେ ପ୍ରାତଃ ଏହି ଟ୍ରେନ ଜରିଆରେ ବଳିଆ ଏବଂ ଗାଜିପୁରର ଲୋକମାନେ ଏଠାକୁ ଆସିପାରିବେ ଏବଂ ନିଜର କାର୍ଯ୍ୟ ସଂପନ୍ନ କରି ପୁଣି ଥରେ ଟ୍ରେନ ଜରିଆରେ ଫେରିଯାଇପାରିବେ । ଏବେ ଦୀର୍ଘ ପଥ ଯାତ୍ରା କରୁଥିବା ଟ୍ରେନଗୁଡିକର ଭିଡରୁ ଏଠାକାର ଲୋକମାନଙ୍କୁ ଆଶ୍ୱସ୍ତି ମିଳିବ ।
ବନ୍ଧୁଗଣ କାଶୀରେ ଭକ୍ତମାନଙ୍କୁ, ଶ୍ରଦ୍ଧାଳୁମାନଙ୍କୁ ଉତ୍ତମ ସେବା ଓ ସୁବିଧା ପ୍ରଦାନ କରିବାର ପ୍ରଚେଷ୍ଟା ମଧ୍ୟ ଜାରି ରହିଛି । ଦେଶ ଏବଂ ଦୁନିଆରୁ ବାବା ଭୋଳାଙ୍କ ଯେଉଁ ଭକ୍ତ ଅଛନ୍ତି କାଶୀ ଆସିଥାନ୍ତି, ସେମାନଙ୍କ ଯାତାୟତ ପାଇଁ ଯେପରି ଅସୁବିଧା ନ ହୁଏ ସେଥିପାଇଁ ବ୍ୟବସ୍ଥା କରାଯାଇଛି । ପଂଚକୋଶୀ ମାର୍ଗକୁ ଚଉଡା କରିବା କାର୍ଯ୍ୟ ମଦ୍ୟ ଆଜିଠାରୁ ଆରମ୍ଭ ହୋଇଛି । ଏହାସହିତ କାଶୀରେ ଆସ୍ଥା ଓ ସାଂସ୍କୃତିକ ଗୁରୁତ୍ୱ ଥିବା ସ୍ଥାନଗୁଡିକୁ ସଂଯୋଗ କରୁଥିବା ପୂର୍ବରୁ ଥିବା ସଡକ ପଥଗୁଡିକ ମରାମତି କରାଯାଇଛି ଏବଂ କିଛି ସ୍ଥାନରେ ନୂତନ ଭାବେ ନିର୍ମାଣ କରାଯାଇଛି । ଏହିସବୁ ସଡକଗୁଡିକର ମଧ୍ୟ କିଛି ସମୟ ପୂର୍ବରୁ ଲୋକାର୍ପିତ କରାଯାଇଛି ।
ଭାଇ ଓ ଭଉଣୀମାନେ କାଶୀ, ପର୍ଯ୍ୟଟନର ଅନ୍ତର୍ରାଷ୍ଟ୍ରୀୟ ମାନଚିତ୍ରରେ ପ୍ରମୁଖ ଭାବେ ପରିଲକ୍ଷିତ ହେଉଛି । ଆଜି ଏଠାରେ International Convention Centre – ରୁଦ୍ରାକ୍ଷ ର ଭିତ୍ତିପ୍ରସ୍ତର ସ୍ଥାପନ କରାଯାଇଛି । ଦୁଇ ବର୍ଷ ପୂର୍ବେ ଜାପାନର ପ୍ରଧାନମନ୍ତ୍ରୀ ଏବଂ ମୋର ପରମ ବନ୍ଧୁ ଶ୍ରୀମାନ ସିଂଜୋ ଆବୋ ମହୋଦୟ ଯେତେବେଳେ ମୋ ସହିତ କାଶୀ ପରିଦର୍ଶନରେ ଆସିଥିଲେ ସେତେବେଳେ ସେ ଏହି ଉପହାର ଭାରତକୁ, କାଶୀବାସୀଙ୍କୁ ଦେଇଥିଲେ । ଆଗାମୀ ଦେଢରୁ ଦୁଇ ବର୍ଷ ମଧ୍ୟରେ ଏହି ପ୍ରକଳ୍ପ କାର୍ଯ୍ୟ ସଂପନ୍ନ ହେବ । ଆପଣମାନେ ସମସ୍ତେ କାଶୀବାସୀଙ୍କ ତରଫରୁ, ଦେଶବାସୀମାନଙ୍କ ତରଫରୁ ମୁଁ ଏହି ଉପହାର ପାଇଁ ଜାପାନର ପ୍ରଧାନମନ୍ତ୍ରୀ ଶ୍ରୀମାନ ସିଂଜୋ ଆବେଙ୍କୁ ହୃଦୟର ସହିତ ଧନ୍ୟବାଦ ଜ୍ଞାପନ କରୁଛି ।
ବନ୍ଧୁଗଣ ମୁଁ ବେଶ୍ ଖୁସି ଯେ କେବଳ କାଶୀ ନୁହେଁ, ବରଂ ସମଗ୍ର ଉତ୍ତରପ୍ରଦେଶ ରେ ପର୍ଯ୍ୟଟନକୁ ଯୋଗୀ ମହୋଦୟ ଏବଂ ତାଙ୍କ ଟିମ ପ୍ରୋତ୍ସାହିତ କରୁଛନ୍ତି । ଏଥିପାଇଁ ସ୍ୱଚ୍ଛତା ଏବଂ ଐତିହ୍ୟର ସୌନ୍ଦର୍ଯ୍ୟକରଣ କାର୍ଯ୍ୟ ଦୃତ ଗତିରେ ଅଗ୍ରଗତି କରୁଛି । ଖାସକରି ସ୍ୱଚ୍ଛତା, ସ୍ୱଚ୍ଛ ଭାର ଅଭିଯାନକୁ ଯେଉଁଭଳି ଭାବେ ଆପଣମାନେ ଉତ୍ତରପ୍ରଦେଶର ଜନସାଧାରଣ ଆଗକୁ ବଢାଇଛନ୍ତି ଏହା ପ୍ରଶଂସନୀୟ । ସ୍ୱଚ୍ଛ, ସୁନ୍ଦର ଏବଂ ସୁସ୍ଥ ଭାରତ ପାଇଁ ଆପଣମାନଙ୍କର ଏହି ଯୋଗଦାନ ପ୍ରଶଂସନୀୟ । ବନ୍ଧୁଗଣ କାଶୀର ମହାନତା, ଏହାର ଐତିହାସିକତା ସୁରକ୍ଷା ଦିଗରେ ଆପଣମାନେ ଯାହା କରୁଛନ୍ତି ତାହା ଅତୁଳନୀୟ ।
କିନ୍ତୁ ଆମକୁ ଚାରି ବର୍ଷ ପୂର୍ବର ସେହି ସମୟକୁ ମଧ୍ୟ ଭୂଲିବା ଉଚିତ୍ ନୁହେଁ, ଯେତେବେଳେ ବାରଣାସୀର ବ୍ୟବସ୍ଥା ସଙ୍କଟପୂର୍ଣ୍ଣ ଥିଲା । ଚାରିଆଡେ ଆବର୍ଜନା, ଅପରିସ୍କାର, ଋଗ୍ଣ ହୋଇପଡିଥିବା ପାର୍କଗୁଡିକ, ଖାଲଖମା ସଡକ, ଆବର୍ଜନା ରେ ପୂର୍ଣ୍ଣ ସ୍ୱୀରେଜରୁ ଓଭରଫ୍ଲୋ ହେଉଥିବା ପାଣି, ଖୁଣ୍ଟରେ ଓହଳିଥିବା ବିଦ୍ୟୁତ ତାର, ଜାମରେ ପରିପୂର୍ଣ୍ଣ ସହର, ବାବଦପୂରା ବିମାନବନ୍ଦରରୁ ସହରକୁ ସଂଯୋଗ କରୁଥିବା ସେହି ରାସ୍ତାକୁ ଆପଣ ନିଶ୍ଚିତ ରୂପେ ମନେରଖିଥିବେ, ଯାହା ଉପରେ ଆପଣ ନିର୍ଭର ଥିଲେ । ଜଣାନାହିଁ କେତେ ଲୋକଙ୍କୁ ଅସୁବିଧା ହୋଇଥିବ, କେତେ ଲୋକଙ୍କୁ ଠିକ ସମୟରେ ନ ପହଂଚିବା ଫଳରେ ନିଜ ବିମାନ ଛାଡିଦେଇଥିବାର ସମସ୍ୟା ହୋଇଥିବ । ସ୍ଥିତି ଏଭଳି ଥିଲା ଯେ ଏହିସବୁ ସ୍ଥିତିଠାରୁ ଦୂରରେ ରହିବା ପାଇଁ ଲୋକମାନେ ବିମାନବନ୍ଦର ପରିବର୍ତ୍ତେ କ୍ୟାଣ୍ଟ ରେଳ ଷ୍ଟେସନ ଯାଉଥିଲେ । ଗଙ୍ଗାର ଘାଟଗୁଡିକର ସ୍ଥିତି ମଧ୍ୟ ଗମ୍ଭୀର ଥିଲା, ଯାହା ସମସ୍ତଙ୍କୁ ଜଣା । ପୂରା ସହରର ଏବଂ ଗ୍ରାମାଂଚଳର ଆବର୍ଜନା ଗଙ୍ଗା ନଦୀରେ ପ୍ରବାହିତ କରାଯାଉଥିଲା ଏବଂ ପୂର୍ବ ସରକାରଙ୍କ ସମସ୍ତ ବ୍ୟବସ୍ଥା ଏହିସବୁ ପ୍ରତି ଆଦୌ ଧ୍ୟାନ ଦେଉନଥିଲେ । ଗଙ୍ଗା ଙ୍କ ନାମରେ କେତେ ଅର୍ଥ ପାଣିରେ ପକାଯାଇଛି ଏହାର କୌଣସି ହିସାବ ନାହିଁ । ଗୋଟିଏ ପଟେ ଗଙ୍ଗା ଙ୍କ ପ୍ରବାହକୁ ସଙ୍କଟ ଥିଲା, ଗଙ୍ଗା ଜଳର ଶୁଦ୍ଧତା ଉପରେ ସଙ୍କଟ ରହିଥିଲା, ଅନ୍ୟପଟରେ ଲୋକମାନଙ୍କ ଟ୍ରେଜେରୀ ଭରପୂର ହେଉଥିଲା । ଏହିଭଳି ସ୍ଥିତିରେ ଗଙ୍ଗାଜୀଙ୍କୁ ସ୍ୱଚ୍ଛ କରିବାର ବୋଝ ଉଠାଯାଇଥିଲା । ଆଜି ମା’ ଗଙ୍ଗାଙ୍କୁ ନିର୍ମଳ କରିବାର ଅଭିଯାନ ଦୃତ ଗତିରେ ଅଗ୍ରସର ହେଉଛି । କେବଳ ବନାରସରେ ନୁହେଁ ବରଂ ଗଙ୍ଗୋତ୍ରୀ ଠାରୁ ଗଙ୍ଗା ସାଗର ପର୍ଯ୍ୟନ୍ତ ଏକାସଙ୍ଗେ ପ୍ରଚେଷ୍ଟା ଜାରି ରହିଛି । କେବଳ ସଫା ସୁତୁରା ନୁହେଁ ବରଂ ସହରର ଆବର୍ଜନା ଗଙ୍ଗାରେ ପ୍ରବାହିତ କିଭଳି ନ ହୁଏ, ଏହାର ମଧ୍ୟ ବ୍ୟବସ୍ଥା କରାଯାଉଛି । ଏଥିପାଇଁ ପ୍ରାୟ 21 ହଜାର କୋଟିର 200 ରୁ ଅଧିକ ପ୍ରକଳ୍ପକୁ ସ୍ୱୀକୃତି ପ୍ରଦାନ କରାଯାଇଛି । କିଛି ସମୟ ପୂର୍ବରୁ ସ୍ୱୀରେଜ ସଂପର୍କୀତ ଅନେକ ପ୍ରକଳ୍ପର ଭିତ୍ତିପ୍ରସ୍ତର ସ୍ଥାପନ ଓ ଲୋକାର୍ପଣ କରାଯାଇଛି । ବନ୍ଧୁଗଣ ସରକାର ଏହା ମଧ୍ୟ ସୁନିଶ୍ଚିତ କରୁଛନ୍ତି ଯେ ଯେଉଁ ସ୍ୱୀରେଜ ଟ୍ରିଟମେଣ୍ଟ ପ୍ଲାଣ୍ଟ ପ୍ରତିଷ୍ଠା କରାଯିବ ତାହା ସଠିକ ଭାବେ କାର୍ଯ୍ୟକାରୀ କରୁ କାରଣ ପୂର୍ବ ସରକାର ବିଶୋଧନ ପ୍ଲାଣ୍ଟ ନିର୍ମାଣ କରିଥିଲେ କିନ୍ତୁ ସେହିସବୁ ସଠିକ ଭାବେ କାର୍ଯ୍ୟକାରୀ କରୁନଥିଲା । ଏବେ ଯେ କୌଣସି ପ୍ଲାଣ୍ଟ ନିର୍ମାଣ କରାଯାଉଛି ତାହା ସହିତ ଏହା ମଧ୍ୟ ସୁନିଶ୍ଚିତ କରାଯାଉଛି ଯେ ତାହା ଅତି କମରେ 15 ବର୍ଷ ପର୍ଯ୍ୟନ୍ତ କାର୍ଯ୍ୟକ୍ଷମ ରହୁଥିବ । ଆମର କେବଳ ନର୍ଦ୍ଦମା ବିଶୋଧନ ପ୍ଲାଣ୍ଟ ନିର୍ମାଣରେ ଗୁରୁତ୍ଵ ଓ ସମୟ ଦିଆଯାଉଛି ତା’ନୁହଁ ବରଂ ସେଗୁଡିକୁ ଦୀର୍ଘକାଳ ଚଳାଇ ରଖିବା ଉପରେ ମଧ୍ୟ ଗୁରୁତ୍ୱ ପ୍ରଦାନ କରାଯାଉଛି । ଏଥିରେ ଅଧିକ ସମୟ ଏବଂ ପରିଶ୍ରମର ଆବଶ୍ୟକତା ହୋଇଥାଏ କିନ୍ତୁ ଏକ ସ୍ଥାୟୀ ବ୍ୟବସ୍ଥା କରାଯାଉଛି । ଆଗାମୀ ଦିନରେ ଏହାର ପରିଣାମ ବନାରସର ଲୋକମାନଙ୍କୁ ପରିଲକ୍ଷିତ ହେବ ।
ଭାଇ ଓ ଭଉଣୀମାନେ ଯେଉଁ କାର୍ଯ୍ୟ ଆଜି ହେଉଛି ତାହା ବନାରସକୁ ‘ସ୍ମାର୍ଟ ସିଟି’ ରେ ପରିବର୍ତ୍ତିତ କରିବାକୁ ଯାଉଛି । ଏଠାରେ ସମନ୍ଵିତ କମାଣ୍ଡ ଏବଂ କଣ୍ଟ୍ରୋଲ କେନ୍ଦ୍ର ଉପରେ ଦୃତ ଗତିରେ କାର୍ଯ୍ୟ ଜାରି ରହିଛି । ପୂରା ଦେଶର ପ୍ରଶାସନ, ପବ୍ଲିକ ସୁବିଧାଗୁଡିକର ନିୟନ୍ତ୍ରଣ ଏଠାରୁ ହେବାକୁ ଯାଉଛି । ଏହିଭଳି ପ୍ରାୟ 10ଟି ପ୍ରକଳ୍ପର କାର୍ଯ୍ୟ ଆଜି କରାଯାଉଛି । ବନ୍ଧୁଗଣ ‘ସ୍ମାର୍ଟ ସିଟି’ କେବଳ ସହରଗୁଡିକର ଭିତ୍ତିଭୂମି ରେ ସଂସ୍କାର ଆଣିବାର ଅଭିଯାନ ନୁହେଁ ବରଂ ଦେଶକୁ ଏକ ନୂତନ ପରିଚୟ ପ୍ରଦାନ କରିବାର ମିଶନ । ଏହା ଯୁବ ଭାରତ ଓ ନବ ଭାରତର ପ୍ରତୀକ । ସେହିଭଳି ମେକ ଇନ ଇଣ୍ଡିଆ ଏବଂ ଡିଜିଟାଲ ଇଣ୍ଡିଆ ଅଭିଯାନ ସାଧାରଣ ଜନତାଙ୍କ ଜୀବନକୁ ସୁଗମ ଏବଂ ସରଳ କରିବାର କାର୍ଯ୍ୟ କରୁଛି । ଏଥିରେ ଆମ ଉତ୍ତରପ୍ରଦେଶ ମଧ୍ୟ ଅଗ୍ରଣୀ ଭୂମିକା ଗ୍ରହଣ କରୁଛି । ମୁଁ ଯୋଗୀ ମହୋଦୟ ଏବଂ ତାଙ୍କର ସଂପୂର୍ଣ୍ଣ ଟିମ କୁ ଧନ୍ୟବାଦ ଜଣାଉଛି ଯେ ଆପଣମାନେ ଯେଉଁ ଉଦ୍ୟୋଗ ନୀତି ପ୍ରସ୍ତୁତ କରିଛନ୍ତି, ପୁଂଜି ନିବେଶ ପାଇଁ ଯେଉଁ ପରିବେଶ ସୃଷ୍ଟି କରିଛନ୍ତି, ତାହାର ପରିଣାମ ଆଜି ଲୋକଲୋଚନକୁ ଆସିପାରିଛି । କିଛି ଦିନ ପୂର୍ବେ ନଏଡାରେ ସାମସଙ୍ଗ ର ଫୋନ ପ୍ରସ୍ତୁତ କରିବା କ୍ଷେତ୍ରରେ ଦୁନିଆର ସର୍ବବୃହତ କାରଖାନାର ଲୋକାର୍ପଣ କରିବାର ସୁଯୋଗ ମୋତେ ମିଳିଥିଲା । ଏହାଦ୍ୱାରା ରୋଜଗାରର ହଜାର ହଜାର ସୁଯୋଗ ମିଳିବ । ଆପଣଙ୍କୁ ଏହା ଜାଣି ଗର୍ବ ଅନୁଭବ ହେବ ଯେ ବିଗତ ଚାରି ବର୍ଷରେ ମୋବାଇଲ କାରଖାନାଗୁଡିକ, ମୋବାଇଲ ଫୋନ ପ୍ରସ୍ତୁତ କରୁଥିବା କାରଖାନାଗୁଡିକର ସଂଖ୍ୟା ଦୁଇରୁ ବୃଦ୍ଧି ପାଇ 120 ରେ ପହଂଚି ପାରିଛି, ଯେଉଁଥିରେ 50ରୁ ଅଧିକ କାରଖାନା କେବଳ ଆମ ଉତ୍ତରପ୍ରଦେଶରେ ରହିଛି । ଏହି କାରଖାନାଗୁଡିକ ଚାରି ଲକ୍ଷରୁ ଅଧିକ ଯୁବକଯୁବତୀଙ୍କ ଆଜି ରୋଜଗାର ପ୍ରଦାନ କରୁଛି ।
ବନ୍ଧୁଗଣ, ‘ମେକ ଇନ ଇଣ୍ଡିଆ’ ସହିତ ଡିଜିଟାଲ ଇଣ୍ଡିଆ ମଧ୍ୟ ରୋଜଗାରର ପ୍ରମୁଖ ମାଧ୍ୟମ ହୋଇପାରିଛି । ଏହି କ୍ରମରେ ଆଜି ଏଠାରେ Tata Consultancy Services, TCS ର ଏକ BPO କେନ୍ଦ୍ରର ଶୁଭାରମ୍ଭ କରାଯାଇଛି । ଏହି କେନ୍ଦ୍ର ବନାରସର ଯୁବଗୋଷ୍ଠୀଙ୍କୁ ରୋଜଗାରର ସୁଯୋଗ ପ୍ରଦାନ କରିବ । ଭାଇ ଓ ଭଉଣୀମାନେ, ରୋଜଗାରର କଥା ଉଠିଲେ, ଏଠାରେ ମଧ୍ୟ ମା’ ଓ ଭଉଣୀମାନଙ୍କ ଉପରେ ସରକାର ବିଶେଷ ଗୁରୁତ୍ୱ ପ୍ରଦାନ କରୁଛନ୍ତି । ସ୍ୱରୋଜଗାର ପାଇଁ ମୁଦ୍ରା ଯୋଜନା ଜରିଆରେ ବିନା ଗ୍ୟାରେଣ୍ଟୀରେ ଋଣ କିମ୍ବା ଏଲପିଜିର ବିନାମୂଲ୍ୟରେ ସିଲିଣ୍ଡର ଯୋଗାଣ ହୋଇପାରୁଛି । ଗରିବ ମା’ ଓ ଭଉଣୀମାନଙ୍କ ଜୀବନରେ ପରିବର୍ତ୍ତନ ଆସୁଛି । ସ୍ୱଚ୍ଛ ଇନ୍ଧନ ସମସ୍ତଙ୍କ ପାଖରେ ପହଂଚୁ ଏଥିପାଇଁ କାଶୀରେ ବହୁତ ବଡ ପ୍ରକଳ୍ପ ଚାଲିଛି । ଆଜି ସହରାଞ୍ଚଳ ଗ୍ୟାସ ପରିବଣ୍ଟନ ବ୍ୟବସ୍ଥାର ଲୋକାର୍ପଣ ଏହାର ଏକ ଅଂଶବିଶେଷ । ଏଥିପାଇଁ ଆହ୍ଲାବାଦ ରୁ ବନାରସ ପର୍ଯ୍ୟନ୍ତ ପାଇପ ଲାଇନ ସଂଯୋଗ କରାଯାଇଛି । ମୋତେ ଖୁସି ଲାଗୁଛି ଯେ ଏ ପର୍ଯ୍ୟନ୍ତ ବନାରସରେ ଆଠ ହଜାର ଘରକୁ ପାଇପ ଲାଇନ ଜରିଆରେ ଗ୍ୟାସ ସଂଯୋଗ କରାଯାଇଛି ଏବଂ ଭବିଷ୍ୟତରେ ଏହାକୁ 40 ହଜାରରୁ ଅଧିକ ଘରେ ପହଂଚାଇବାର କାର୍ଯ୍ୟ ଚାଲିଛି । ବନ୍ଧୁଗଣ ଏହା କେବଳ ଇନ୍ଧନ ସଂପର୍କୀତ ଏକ ବ୍ୟବସ୍ଥା ନୁହେଁ ବରଂ ସଂପୂର୍ଣ୍ଣ ସହରର ପରିବେଶ ଅନୁକୂଳ ପରିବର୍ତ୍ତନ ର ଏକ ଅଭିଯାନ । ପିଏନଜି ହେଉ ଅବା ସିଏନଜି ଏହି ସଂରଚନା କ୍ଷେତ୍ର ସହରର ପ୍ରଦୂଷଣ ମାତ୍ରାକୁ ମଧ୍ୟ ହ୍ରାସ କରିବ । ଆପଣମାନେ ଚିନ୍ତା କରନ୍ତୁ ଯେ ଯେତେବେଳେ ବନାରସର ବସ, କାର ଏବଂ ଅଟୋ ସିଏନଜିରେ ଚାଲିବ ସେତେବେଳେ ଏହା ସହିତ ସଂଶ୍ଲିଷ୍ଟ ଅନେକ ଲୋକଙ୍କୁ ରୋଜଗାର ମିଳିପାରିବ ।
ବନ୍ଧୁଗଣ, ଯେତେବେଳେ ମଧ୍ୟ ଜାପାନର ପ୍ରଧାନମନ୍ତ୍ରୀଙ୍କ ସହିତ ସାକ୍ଷାତ କରେ କିମ୍ବା କୌଣସି ହିନ୍ଦୁସ୍ତାନୀ ଜାପାନର ପ୍ରଧାନମନ୍ତ୍ରୀଙ୍କ ସହ ସାକ୍ଷାତ କରିଥାନ୍ତି ଏବଂ ଯେଉଁଠାରେ ମଧ୍ୟ ସୁଯୋଗ ମିଳିଥାଏ, ମୁଁ ଲଗାତାର ଦେଖିବାକୁ ପାଉଛି ଯେ ଜାପାନର ପ୍ରଧାନମନ୍ତ୍ରୀ ମୋର ମିତ୍ର, ଯିଏ ମଧ୍ୟ ଦେଖାହେଲେ ତାଙ୍କୁ କାଶୀର ଯେଉଁ ଅନୁଭୂତି, କାଶୀର ଲୋକମାନଙ୍କ ସ୍ୱାଗତ ସମାରୋହ, ସେଗୁଡିକ ବାରମ୍ବାର ଦୋହରାଉଛନ୍ତି । ବିଗତ ଦିନରେ ଫ୍ରାନ୍ସର ରାଷ୍ଟ୍ରପତି ମୋ ସହିତ ଏଠାକୁ ଆସିଥିଲେ ଏବଂ ଏବେ କାଶୀବାସୀ ଯେଉଁଭଳି ଭାବେ ଫ୍ରାନ୍ସର ରାଷ୍ଟ୍ରପତିଙ୍କ ସମ୍ମାନ କରିଥିଲେ, ଗୌରବଗାନ କରିଥିଲେ, ପୂରା ଫ୍ରାନ୍ସ ଆଜି ଗୌରବର ସହିତ ସେହିସବୁ କଥାକୁ ମନେପକାଉଛି । ଫ୍ରାନ୍ସର ରାଷ୍ଟ୍ରପତି ଏହାକୁ ମନେପକାଉଛନ୍ତି । ଏହା କାଶୀ ର ପରମ୍ପରା ରହିଛି, ଏହା କାଶୀର ସ୍ନେହ । କାଶୀ ଦୁନିଆସାରା ନିଜର ସୁଗନ୍ଧ ବିକଶିତ କରିଚାଲିଛି । କାଶୀର ଶ୍ରଦ୍ଧା, ସ୍ନେହ ଅତୁଳନୀୟ । ମୋର କାଶୀର ଭାଇ ଓ ଭଉଣୀମାନେ, ଆପଣମାନଙ୍କୁ ପୁନର୍ବାର ଏକ ବହୁତ ବଡ ସୁଯୋଗ, କାଶୀ ର ଶ୍ରଦ୍ଧା, ସ୍ନେହ ଏବଂ ଅତିଥି ଚର୍ଚ୍ଚା ପାଇଁ ଆଉ ଏକ ସୁଯୋଗ ମିଳିବ । ଆପଣମାନେ ସଂପୂର୍ଣ୍ଣ ଭାବେ ପ୍ରସ୍ତୁତି କରିବେ? ଧୂମଧାମ ସ୍ୱାଗତ କରିବେ ? କାଶୀର ନାଁ ଉଜ୍ଜ୍ୱଳ କରିବେ? ପ୍ରତିଟି ଅତିଥିଙ୍କର ଗୌରବଗାନ କରିବେ? ନିଶ୍ଚିତ କରିବେ? ନିଶ୍ଚିତ, ପ୍ରତିଜ୍ଞା କରନ୍ତୁ । ଦେଖନ୍ତୁ ଜାନୁଆରୀ 21 ରୁ 23 ପର୍ଯ୍ୟନ୍ତ କାଶୀରେ ପ୍ରବାସୀ ଭାରତୀୟ ଦିବସର ଆୟୋଜନ ହେବ । ଦୁନିଆର ବିଭିନ୍ନ ସ୍ଥାନରୁ ଭାରତୀୟ ଏହି ପ୍ରବାସୀ ଭାରତୀୟ ଦିବସରେ ଆସିବେ । ଦୁନିଆରେ ଯେଉଁଠି ଭାରତୀୟ ଉଦ୍ୟୋଗପତି ଅଛନ୍ତି, ରାଜନୀତିରେ ଅଛନ୍ତି, ସରକାରରେ ଅଛନ୍ତି, ସେହିସବୁ ଲୋକମାନେ ଏକାସଙ୍ଗେ 21 ରୁ 23ଜାନୁଆରୀ ମଧ୍ୟରେ କାଶୀ ପହଂଚିବେ । କିଛି ଲୋକ ଏଭଳି ମଧ୍ୟ ଆସିବେ, ଯେଉଁମାନଙ୍କ ପୂର୍ବଜ ତିନି କିମ୍ବା ଚାରି କିମ୍ବା ପାଂଚ ପିଢି ପୂର୍ବରୁ ବିଦେଶ ପଳାଇଥିଲେ, ଏହାପରେ କେବେ ମଧ୍ୟ ଫେରିନଥିଲେ, ସେହିଭଳି ଲୋକମାନଙ୍କ ସନ୍ତାନ ମଧ୍ୟ ପ୍ରଥମ ଥର ପାଇଁ ଏହି ମାଟିର ଦର୍ଶନ କରିବା ପାଇଁ ଆସିବାର ଅଛି । ମୋତେ କୁହନ୍ତୁ ଯେ ଏତେ ବଡ ଘଟଣା କାଶୀ ପାଇଁ ଗୌରବର ବିଷୟ କି ନୁହେଁ ? ଏହି ଲୋକମାନଙ୍କ ସ୍ୱାଗତ କରିବା ପାଇଁ ଆମକୁ ପ୍ରସ୍ତୁତି କରିବାର ଅଛି କି ନାହିଁ । ଏହିସବୁ ଲୋକମାନଙ୍କ ସ୍ୱାଗତ କରିବା ପାଇଁ ଘରେ ଘରେ ଅତିଥି ଚର୍ଚ୍ଚାର ପରିବେଶ ହେବାର ଆବଶ୍ୟକତା ରହିଛି କି ନାହିଁ? ପୂରା ଦୁନିଆରେ କାଶୀର ପ୍ରଶଂସା ହେବାର ଆବଶ୍ୟକତା ରହିଛି କି ନାହିଁ? ଏବେଠାରୁ ପ୍ରସ୍ତୁତିରେ ଲାଗିପଡନ୍ତୁ ଏବଂ 21 ରୁ 23 ଏଠାରେ ରହିବେ ଏବଂ ଦୁନିଆର ସମସ୍ତ ପ୍ରାନ୍ତରୁ ଆସିଥିବା ଅତିଥିମାନେ 24 ତାରିଖରେ ପ୍ରୟାଗରାଜ କୁମ୍ଭ ଦର୍ଶନ ପାଇଁ ଯିବେ ଏବଂ 26 ଜାନୁଆରୀରେ ଦିଲ୍ଲୀ ପହଂଚିବେ । ମୋର, ମୋ କାଶୀବାସୀଙ୍କଠାରୁ ଅତିଥି ଚର୍ଚ୍ଚା ପାଇଁ ବହୁତ ବଡ ଆଶା ରହିଛି । ଏବଂ ମୁଁ ମଧ୍ୟ ଜଣେ କାଶୀବାସୀ ଭାବେ ଆପଣଙ୍କ ସହ କାନ୍ଧରେ କାନ୍ଧ ମିଶାଇ ଜାନୁୟାରୀ 21 ତାରିଖରେ ଆପଣମାନଙ୍କ ସହିତ ରହିବି । ଏହି କାର୍ଯ୍ୟକ୍ରମରେ ସାମିଲ ହେବା ପାଇଁ ପୂରା ବିଶ୍ୱରୁ ଭାରତର ଲୋକମାନେ ଆସୁଛନ୍ତି । ବହୁତ ବଡ ଗୁରୁତ୍ୱପୂର୍ଣ୍ଣ ଘଟଣା ଏବଂ ଏଥିପାଇଁ ଆପଣମାନେ ସମସ୍ତେ ତାଙ୍କ ସ୍ୱାଗତ କରିବାର ପ୍ରସ୍ତୁତି କରିବା ପାଇଁ ନିମନ୍ତ୍ରଣ କରୁଛି ।
ମୋ’ କାଶୀର ଭାଇ ଓ ଭଉଣୀମାନେ ଆଜି ମୋତେ ଆପଣମାନଙ୍କ ପାଖକୁ ଆସିବାର ସୁଯୋଗ ମିଳିଲା । ଆଜି ଅନେକ ପ୍ରକଳ୍ପ ଲୋକାର୍ପିତ କରିବାର, ଭିତ୍ତିପ୍ରସ୍ତର ସ୍ଥାପନ କରିବାର ସୁଯୋଗ ଆପଣମାନଙ୍କୁ ମିଳିଲା । ଆପଣଙ୍କ ସାଂସଦ ଭାବେ ମୁଁ, ଏହା ମୋର ଦାୟିତ୍ୱ ଯେ ମୁଁ ଆପଣମାନଙ୍କର ଯେତେ କାମରେ ଲାଗିପାରିବି, ଯେତେ ପରିଶ୍ରମ ଆପଣମାନଙ୍କ ପାଇଁ କରିବି, ମୁଁ କରୁଛି, କରିଚାଲିଥିବି । ମୁଁ ପୁଣି ଆଉଥରେ ମୋର କାଶୀବାସୀଙ୍କୁ ହୃଦୟର ସହ ଅଭିନନ୍ଦନ ଜଣାଉଛି । ମୋର ସହିତ ଜୋରରେ କୁହନ୍ତୁ- ହର ହର ମହାଦେବ । ଅନେକ ଅନେକ ଧନ୍ୟବାଦ ।
