ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଆଜି ଓମାନ ସୁଲତାନ ମହାମହିମ ହାଇଥାମ ବିନ ତାରିକଙ୍କ ସହ ଟେଲିଫୋନ ଯୋଗେ ବାର୍ତ୍ତାଳାପ କରିଛନ୍ତି ।
ଉଭୟ ନେତା କୋଭିଡ-19 ଯୋଗୁଁ ଉତ୍ପନ୍ନ ସ୍ୱାସ୍ଥ୍ୟ ଓ ଆର୍ଥିକ ସ୍ଥିତି ନେଇ ଆଲୋଚନା କରିଥିଲେ । ଏହି ଜଟିଳ ପରିସ୍ଥିତର ସମ୍ମୁଖୀନ ହେବା ପାଇଁ ଉଭୟ ନେତା ପାରସ୍ପରିକ ସହଯୋଗ ବଜାୟ ରଖିବାକୁ ସହମତି ପ୍ରକାଶ କରିଥିଲେ । ବର୍ତ୍ତମାନ ପରିସ୍ଥିତିରେ ଓମାନରେ ଥିବା ଭାରତୀୟଙ୍କ ସମସ୍ୟା ପ୍ରତି ଦୃଷ୍ଟି ରଖିବା ପାଇଁ ଶ୍ରୀ ମୋଦୀ ସୁଲତାନଙ୍କ ଦୃଷ୍ଟି ଆକର୍ଷଣ କରିଥିବା ବେଳେ, ସୁଲତାନ ମଧ୍ୟ ଭାରତରେ ଥିବା ଓମାନ ନାଗରିକଙ୍କ ସମସ୍ୟା ପ୍ରତି ଦୃଷ୍ଟି ଦେଇଥିବାରୁ ପ୍ରଧାନମନ୍ତ୍ରୀଙ୍କୁ ସାଧୁବାଦ ଜଣାଇଥିଲେ ।
ଏହି ଅବସରରେ ପ୍ରଧାନମନ୍ତ୍ରୀ ନିକଟରେ ପରଲୋକ ଗମନ କରିଥିବା ଓମାନ ସୁଲତାନ କାବୁସଙ୍କ ବିୟୋଗରେ ସମବେଦନା ଜଣାଇଥିଲେ । ପ୍ରଧାନମନ୍ତ୍ରୀ ଶ୍ରୀ ମୋଦୀ ଏକ ଉତ୍ତମ ପଡୋଶୀ ଭାବେ ଓମାନ ପ୍ରତି ନିଜର ସଦିଚ୍ଛା ବ୍ୟକ୍ତ କରିଥିଲେ ।
Spoke to His Majesty Sultan of Oman about COVID-19 and how to limit its impact. Also expressed thanks for HM's personal attention to the well-being of the Indian community in Oman.
— Narendra Modi (@narendramodi) April 7, 2020
