କୋଭିଡ ଟିକାର ଅଗ୍ରଗତି ଓ ପ୍ରସ୍ତୁତି ସମ୍ପର୍କରେ ଅବଗତ ହେବାପାଇଁ ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଆସନ୍ତାକାଲି (28.11.2020) ତିନୋଟି ମହାନଗରୀ ପରିଦର୍ଶନ କରିବେ । ସେ ଅହମଦାବାଦାସ୍ଥିତ ଜାଇଡସ ବାୟୋଟେକ ପାର୍କ, ହାଇଦ୍ରାବାଦର ଭାରତ ବାୟୋଟେକ ଓ ପୁଣେର ସେରମ ଇନଷ୍ଟିଚ୍ୟୁଟ ଅଫ ଇଣ୍ଡିଆ ପରିଦର୍ଶନ କରିବାର କାର୍ଯ୍ୟକ୍ରମ ରହିଛି ।
କୋଭିଡ-19 ବିରୁଦ୍ଧ ସଂଗ୍ରାମରେ ଭାରତ ଏକ ଗୁରୁତ୍ୱପୂର୍ଣ୍ଣ ପର୍ଯ୍ୟାୟରେ ପହଞ୍ଚିଥିବାରୁ ପ୍ରଧାନମନ୍ତ୍ରୀ ନିଜେ ଏ ସମ୍ପର୍କରେ ବୈଜ୍ଞାନିକମାନଙ୍କ ସହିତ ପରାମର୍ଶ କରିବେ । ଟିକା ନେଇ ରହିଥିବା ଆହ୍ଵାନ ଓ ଏହାର ପ୍ରସ୍ତୁତି ତଥା ଦେଶର ନାଗରିକମାନଙ୍କର ଟିକାକରଣ ସମ୍ପର୍କରେ ସବିଶେଷ ତଥ୍ୟ ଆହରଣ କରିବେ ।
