ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ନଭେମ୍ବର 3, 2019ରେ 35ତମ ଆସିଆନ ଶିଖର ସମ୍ମିଳନୀ, 14ତମ ପୂର୍ବ ଏସିଆ ଶିଖର ସମ୍ମିଳନୀ (EAS) ଏବଂ 16ତମ ଭାରତ-ଆସିଆନ ଶିଖର ସମ୍ମିଳନୀ ଅବସରରେ ଥାଇଲାଣ୍ଡର ପ୍ରଧାନମନ୍ତ୍ରୀ ଜେନେରାଲ (ସେବା ନିବୃତ୍ତ) ପ୍ରାୟୁତ ଚାନ-ଓ-ଚାଙ୍କୁ ଭେଟିଥିଲେ ।
ବୈଠକ ସମୟରେ ଦୁଇ ନେତା ଦ୍ୱିପାକ୍ଷିକ ସମ୍ପର୍କରେ ହୋଇଥିବା ପ୍ରଗତିର ସମୀକ୍ଷା କରିଥିଲେ ଏବଂ ଉଲ୍ଲେଖ କରିଥିଲେ ଯେ ସମସ୍ତ ସ୍ତରରେ ନିୟମିତ ଉଚ୍ଚସ୍ତରୀୟ ବୈଠକ ଓ ଭାବ ବିନିମୟ, ସମ୍ପର୍କରେ ସକାରାତ୍ମକ ପ୍ରଗତି ଆଣିଛି । ପ୍ରତିରକ୍ଷା ଓ ସୁରକ୍ଷା କ୍ଷେତ୍ରରେ ସହଯୋଗର ଅବସର ସମ୍ବନ୍ଧରେ ଅନ୍ୱେଷଣ କରିବା ପାଇଁ ଉଭୟ ସହମତି ଜଣାଇଥିଲେ । ଗତ ବର୍ଷ ଦ୍ୱିପାକ୍ଷିକ ବ୍ୟବସାୟରେ ହୋଇଥିବା 20 ପ୍ରତିଶତ ବୃଦ୍ଧିକୁ ସ୍ୱାଗତ କରି, ଦୁଇ ନେତା ବ୍ୟବସାୟିକ ଅଧିକାରୀମାନଙ୍କ ଉପରେ ବ୍ୟବସାୟ ଓ ନିବେଶକୁ ବୃଦ୍ଧି କରିବାର ଉପାୟ ଏବଂ ସାଧନ ଉପରେ ଚର୍ଚ୍ଚା କରିବାର ଦାୟିତ୍ୱ ପ୍ରଦାନ କରିଥିଲେ ।
ପ୍ରଧାନମନ୍ତ୍ରୀ ଦୁଇ ଦେଶ ମଧ୍ୟରେ ସମ୍ପର୍କ ବୃଦ୍ଧି କରିବାର ଉପାୟ ଉପରେ ମଧ୍ୟ ଚର୍ଚ୍ଚା କରିଥିଲେ ଯେଉଁଥିରେ ଡିଜିଟାଲ ସଂଯୋଗର କ୍ଷେତ୍ର ସାମିଲ ରହିଛି । ଦୁଇ ନେତା ବୃଦ୍ଧି ପାଉଥିବା ବାୟୁ ସଂଯୋଗ ଏବଂ ବ୍ୟାଙ୍କକ ଓ ଗୌହାଟୀ ମଧ୍ୟରେ ସିଧାସଳଖ ଉଡାଣ ଆରମ୍ଭ କରିବା ତଥା ଥାଇଲାଣ୍ଡର ରାନୋଙ୍ଗ ବନ୍ଦର ଓ କୋଲକାତା, ଚେନ୍ନାଇ ଏବଂ ବିଶାଖାପାଟଣା ବନ୍ଦର ମଧ୍ୟରେ ସହଯୋଗ ପାଇଁ ବୁଝାମଣା ପତ୍ରକୁ ଶେଷ ରୂପରେଖ ପ୍ରଦାନ କରାଯିବାକୁ ସ୍ୱାଗତ କରିଥିଲେ ।
ଉଭୟ ନେତା ପାରସ୍ପରିକ ହିତ ସମ୍ବନ୍ଧୀୟ କ୍ଷେତ୍ରୀୟ ଏବଂ ବହୁପକ୍ଷୀୟ ବିଷୟ ଉପରେ ବିଚାର ଆଦାନ-ପ୍ରଦାନ ମଧ୍ୟ କରିଥିଲେ । ପ୍ରଧାନମନ୍ତ୍ରୀ ମୋଦୀ ଆସିଆନ ସହିତ ସମ୍ବନ୍ଧିତ ବୈଠକରେ ସାମିଲ ହେବା ପାଇଁ ତାଙ୍କୁ ଦିଆଯାଇଥିବା ନିମନ୍ତ୍ରଣ ପାଇଁ ଥାଇଲାଣ୍ଡର ପ୍ରଧାନମନ୍ତ୍ରୀଙ୍କୁ ଧନ୍ୟବାଦ ପ୍ରଦାନ କରିଥିଲେ, ଏଥିସହିତ ତାଙ୍କୁ ଆସିଆନର ଅଧ୍ୟକ୍ଷ ଭାବେ ତାଙ୍କ ନେତୃତ୍ୱ ପାଇଁ ଅଭିନନ୍ଦନ ଜଣାଇଥିଲେ । ସେ ଏହି ସମ୍ପର୍କକୁ ଅଧିକ ମଜଭୁତ କରିବା ନେଇ ଭାରତ-ଆସିଆନ ରଣନୈତିକ ଭାଗିଦାରିତା ପାଇଁ ଥାଇଲାଣ୍ଡର ଯୋଗଦାନକୁ ସକାରାତ୍ମକ ଭାବେ ମୂଲ୍ୟାଙ୍କନ କରିଥିଲେ ।
ଭାରତ ଓ ଥାଇଲାଣ୍ଡ ଐତିହାସିକ ଓ ସାଂସ୍କୃତିକ ସମ୍ପର୍କ ରଖୁଥିବା ନିକଟତର ସାମୁଦ୍ରିକ ପଡୋଶୀ । ସମକାଳୀନ ସନ୍ଦର୍ଭରେ, ଭାରତର ‘ଆକ୍ଟ ଇଷ୍ଟ’ ନୀତି ଥାଇଲାଣ୍ଡର ‘ଲୁକ ୱେଷ୍ଟ’ ନୀତିର ପରିପୂରକ ଯାହା ଏହି ସମ୍ବନ୍ଧକୁ ଗଭୀର, ମଜଭୁତ ଓ ବହୁପକ୍ଷୀୟ କରିଛି ।
การประชุมหารือกับพลเอก ประยุทธ์ จันทร์โอชาประสบผลสำเร็จอย่างดียิ่ง โดยเราได้พูดคุยเกี่ยวกับแนวทางในการขยายความร่วมมือระหว่างอินเดียและไทย ผมยังได้กล่าวขอบคุณท่านสำหรับการต้อนรับอันดีเยี่ยมของประชาชนและรัฐบาลไทย pic.twitter.com/EZEhaBIn1W
— Narendra Modi (@narendramodi) November 3, 2019
Had an excellent meeting with Prime Minister Prayut Chan-o-cha. We talked about ways to expand cooperation between India and Thailand. I also thanked him for the wonderful hospitality of the people as well as Government of Thailand. pic.twitter.com/79pMhf8MV1
— Narendra Modi (@narendramodi) November 3, 2019
