ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ବ୍ୟାଙ୍କକଠାରେ ଆସିଆନ/ଇଏଏସ ସମ୍ବନ୍ଧିତ ବୈଠକ ସମୟରେ ନଭେମ୍ବର 3, 2019ରେ ଇଣ୍ଡୋନେସିଆର ରାଷ୍ଟ୍ରପତି ମହାମହିମ ଜୋକୋ ୱିଡୋଡୋଙ୍କୁ ଭେଟିଥିଲେ ।
ପ୍ରଧାନମନ୍ତ୍ରୀ ମୋଦୀ ଇଣ୍ଡୋନେସିଆର ରାଷ୍ଟ୍ରପତି ଭାବେ ଦ୍ୱିତୀୟ କାର୍ଯ୍ୟକାଳ ଆରମ୍ଭ କରିଥିବାରୁ ରାଷ୍ଟ୍ରପତି ୱିଡୋଡୋଙ୍କୁ ଅଭିନନ୍ଦନ ଜଣାଇଥିଲେ ଏବଂ କହିଥିଲେ ଯେ ବିଶ୍ୱର ଦୁଇ ସବୁଠାରୁ ବଡ ଗଣତାନ୍ତ୍ରିକ ରାଷ୍ଟ୍ର ଭାବେ, ଭାରତ ଇଣ୍ଡୋନେସିଆ ସହିତ ପ୍ରତିରକ୍ଷା, ସୁରକ୍ଷା, ବ୍ୟବସାୟ ଓ ନିବେଶ ତଥା ଜନ ସମ୍ପର୍କକୁ ମଜଭୁତ କରିବା ପାଇଁ ସଂକଳ୍ପବଦ୍ଧ ।
ଏହାକୁ ଦୃଷ୍ଟିରେ ରଖି ଯେ ଭାରତ ଓ ଇଣ୍ଡୋନେସିଆ ଭାରତ-ପ୍ରଶାନ୍ତ ମହାସାଗରୀୟ କ୍ଷେତ୍ରରେ ସାମୁଦ୍ରିକ ସହଯୋଗ ତଥା ଶାନ୍ତି, ସୁରକ୍ଷା ଓ ସମୃଦ୍ଧି ପାଇଁ ଏକସଙ୍ଗେ ମିଶି କାମ କରିବାର ପ୍ରତିବଦ୍ଧତା ଦୋହରାଇଥିଲେ । ଦୁଇ ନେତା ଉଗ୍ରବାଦ ଓ ଆତଙ୍କବାଦର ବିପଦ ଉପରେ ଚର୍ଚ୍ଚା କରିଥିଲେ ଏବଂ ଏହି ବିପଦର ମୁକାବିଲା କରିବା ପାଇଁ ଦ୍ୱିପାକ୍ଷିକ ଓ ବୈଶ୍ୱିକ ସ୍ତରରେ ଘନିଷ୍ଠତା ପୂର୍ବକ କାମ କରିବା ଉପରେ ସହମତି ବ୍ୟକ୍ତ କରିଥିଲେ ।
ପ୍ରଧାନମନ୍ତ୍ରୀ ଶ୍ରୀ ମୋଦୀ ଦ୍ୱିପାକ୍ଷିକ ବ୍ୟବସାୟ ବୃଦ୍ଧି କରିବା ନେଇ ଦୂରଦର୍ଶିତାପୂର୍ଣ୍ଣ ଚର୍ଚ୍ଚା କରିଥିଲେ ଏବଂ ଔଷଧ, ମୋଟର ବାହନ ଓ କୃଷି ଉତ୍ପାଦ ସହିତ ଭାରତୀୟ ପଦାର୍ଥ ମାନଙ୍କ ପାଇଁ ଅଧିକ ବଜାର ପହଞ୍ଚର ଆବଶ୍ୟକତା ଉପରେ ଗୁରୁତ୍ୱାରୋପ କରିଥିଲେ । ଏହା ଦୃଷ୍ଟିରେ ରଖି ଯେ ଭାରତୀୟ କମ୍ପାନୀ ଇଣ୍ଡୋନେସିଆରେ ପର୍ଯ୍ୟାପ୍ତ ପରିମାଣରେ ନିବେଶ କରିଛନ୍ତି, ପ୍ରଧାନମନ୍ତ୍ରୀ ଶ୍ରୀ ମୋଦୀ ଇଣ୍ଡୋନେସିଆର କମ୍ପାନୀମାନଙ୍କୁ ଭାରତରେ ନିବେଶ କରିବା ପାଇଁ ଆମନ୍ତ୍ରିତ କରିଥିଲେ ।
ପ୍ରଧାନମନ୍ତ୍ରୀ ଶ୍ରୀ ମୋଦୀ ରାଷ୍ଟ୍ରପତି ୱିଡୋଡୋଙ୍କୁ ଆଗାମୀ ବର୍ଷ ଭାରତ ଆସିବା ପାଇଁ ନିମନ୍ତ୍ରଣ କରିଥିଲେ । ଇଣ୍ଡୋନେସିଆ ସହିତ ବ୍ୟାପକ ରଣନୈତିକ ଭାଗିଦାରିତା ଥିବା ଭାରତ ଏହି ଦେଶ ସହିତ ନିଜର ଦ୍ୱିପାକ୍ଷିକ ସମ୍ପର୍କକୁ ଉଚ୍ଚ ପ୍ରାଥମିକତା ପ୍ରଦାନ କରିଥାଏ । ଚଳିତ ବର୍ଷ ଭାରତ ଓ ଇଣ୍ଡୋନେସିଆ କୁଟନୈତିକ ସମ୍ବନ୍ଧ ସ୍ଥାପନର 70ତମ ବାର୍ଷିକୀ ମଧ୍ୟ ପାଳନ କରୁଛନ୍ତି ।
Senang bertemu Presiden @jokowi. Pembicaraan kami hari ini sangat luas. Kami membahas cara untuk memperluas kerja sama antara India dan Indonesia di berbagai bidang seperti perdagangan dan budaya. pic.twitter.com/IuKvPTSFeH
— Narendra Modi (@narendramodi) November 3, 2019
Happy to have met President @jokowi. Our talks today were wide-ranging. We discussed ways to expand cooperation between India and Indonesia in areas such as trade and culture. pic.twitter.com/QD264Ay4qc
— Narendra Modi (@narendramodi) November 3, 2019
