ମହାମହିମ ଗଣ,
କୋଭିଡ-୧୯ ମହାମାରୀ ଅଭୂତପୂର୍ବ ବ୍ୟାଘାତ ସୃଷ୍ଟି କରିଛି। ଏହା ଏବେ ବି ଦୂର ହୋଇନାହିଁ। ବିଶ୍ୱର ଅଧିକାଂଶ ଭାଗ ଏବେ ସୁଦ୍ଧା ଟିକାରୁ ବଞ୍ଚିତ ଅଛନ୍ତି। ଏହି କାରଣରୁ ରାଷ୍ଟ୍ରପତି ବାଇଡେନଙ୍କ ଦ୍ୱାରା ଆରମ୍ଭ କରାଯାଇଥିବା ଏହି ପ୍ରୟାସ ସମୟୋପଯୋଗୀ ଏବଂ ସ୍ୱାଗତଯୋଗ୍ୟ।
ମହାମହିମ ଗଣ,
ଭାରତ ସବୁବେଳେ ମାନବଜାତିକୁ ଗୋଟିଏ ପରିବାର ଭାବେ ଦେଖିଆସିଛି। ଭାରତୀୟ ଫାର୍ମାସ୍ୟୁଟିକାଲ ଉଦ୍ୟୋଗ ସବୁବେଳେ ସୁଲଭ ମୂଲ୍ୟ ବିଶିଷ୍ଟ ନିଦାନ କିଟ୍ସ, ଔଷଧ, ଚିକିତ୍ସା ଉପକରଣ ଏବଂ ପିପିଇ କିଟ୍ ଉତ୍ପାଦନ କରିଛି। ଅନେକ ବିକାଶଶୀଳ ରାଷ୍ଟ୍ରମାନଙ୍କୁ ଏହା ଶସ୍ତା ବିକଳ୍ପ ଯୋଗାଇ ଦେଇଛି। ଆହୁରି, ଆମେ ୧୫୦ରୁ ଅଧିକ ରାଷ୍ଟ୍ରମାନଙ୍କୁ ଔଷଧ ଏବଂ ଚିକିତ୍ସା ଉପକରଣ ଯୋଗାଇ ଦେଇଛୁ। ଭାରତରେ ସ୍ୱଦେଶୀ ଭାବେ ବିକଶିତ ଦୁଇଟି କୋଭିଡ ଟିକାକୁ “ଜରୁରୀକାଳୀନ ମଞ୍ଜୁରି” ମିଳିଛି, ଏଥିରେ ବିଶ୍ୱର ପ୍ରଥମ ଡିଏନଏ-ଆଧାରିତ ଭ୍ୟାକ୍ସିନ ରହିଛି।
ବିଭିନ୍ନ ଟିକା ଉତ୍ପାଦନ ପାଇଁ ଲାଇସେନ୍ସ ପ୍ରାପ୍ତ କରିବା କ୍ଷେତ୍ରରେ ମଧ୍ୟ ବହୁ ଭାରତୀୟ କମ୍ପାନୀ ନିୟୋଜିତ ରହିଛନ୍ତି।
ଚଳିତ ବର୍ଷ ପ୍ରାରମ୍ଭରେ, ଆମ ଦ୍ୱାରା ଉତ୍ପାଦିତ ଟିକା ଆମେ ଅନ୍ୟ ୯୫ଟି ରାଷ୍ଟ୍ରକୁ ଯୋଗାଇ ଦେଇଥିଲୁ, ଏଥିରେ ମିଳିତ ଜାତିସଂଘ ଶାନ୍ତି ରକ୍ଷାକାରୀମାନେ ମଧ୍ୟ ଥିଲେ। ଗୋଟିଏ ପରିବାର ଭଳି, ଆମେ ଦ୍ୱିତୀୟ ଲହରୀ ସହିତ ସଂଘର୍ଷ କରୁଥିବା ସମୟରେ ସାରା ବିଶ୍ୱ ମଧ୍ୟ ଆମ ସହ ଛିଡ଼ା ହୋଇଥିଲା।
ଭାରତ ପ୍ରତି ସଦଭାବନା ଏବଂ ସମର୍ଥନ ଯୋଗାଇ ଦେଇଥିବାରୁ ମୁଁ ଆପଣମାନଙ୍କୁ ସମସ୍ତଙ୍କୁ ଧନ୍ୟବାଦ ଜ୍ଞାପନ କରୁଛି।
ମହାମହିମ ଗଣ,
ଭାରତ ବର୍ତ୍ତମାନ ବିଶ୍ୱର ସର୍ବବୃହତ ଟିକାକରଣ ଅଭିଯାନ ଜାରି ରଖିଛି। ନିକଟରେ, ଆମେ ଗୋଟିଏ ଦିନରେ ପାଖାପାଖି ଅଢ଼େଇ କୋଟି ଲୋକଙ୍କୁ ଟିକା ଦେଇଥିଲୁ। ବର୍ତ୍ତମାନସୁଦ୍ଧା ତୃଣମୂଳ ସ୍ତରରେ ଆମର ସ୍ୱାସ୍ଥ୍ୟ ସେବା ବ୍ୟବସ୍ଥା ୮୦ କୋଟିରୁ ଉର୍ଦ୍ଧ୍ଵ ଟିକା ଡୋଜ୍ ଦେଇସାରିଲାଣି।
୨୦ କୋଟିରୁ ଅଧିକ ଭାରତୀୟ ବର୍ତ୍ତମାନ ସମ୍ପୂର୍ଣ୍ଣ ଭାବେ ଟିକା ନେଇସାରିଛନ୍ତି। ଆମର ଅଭିନବ ଡିଜିଟାଲ ପ୍ଲାଟଫର୍ମ କୋୱିନର ବ୍ୟବହାର ମାଧ୍ୟମରେ ଏହା ସମ୍ଭବ ହୋଇପାରିଛି।
ଅନ୍ୟକୁ ଦେବାର ଭାବନା ନେଇ, ଭାରତ କୋୱିନ ଏବଂ ଆହୁରି ଅନେକ ଡିଜିଟାଲ ସମାଧାନକୁ ସଲ୍ୟୁସନଗୁଡ଼ିକୁ ଓପନ-ସୋର୍ସ ସଫ୍ଟୱେର ଭାବେ ଉପଲବ୍ଧ କରିଛି।
ମହାମହିମ ଗଣ,
ନୂଆ ନୂଆ ଭାରତୀୟ ଟିକାଗୁଡ଼ିକ ବିକଶିତ ହେଉଥିବା ବେଳେ ଆମେ ବର୍ତ୍ତମାନର ଟିକାଗୁଡ଼ିକର ଉତ୍ପାଦନ କ୍ଷମତା ମଧ୍ୟ ବୃଦ୍ଧି କରୁଛୁ।
ଆମର ଉତ୍ପାଦନ ବୃଦ୍ଧି ପାଇଲେ, ଆମେ ଅନ୍ୟମାନଙ୍କୁ ପୁଣିଥରେ ଟିକା ଯୋଗାଇ ଦେବାରେ ସକ୍ଷମ ହେବୁ। ଏଥିପାଇଁ, କଞ୍ଚା ମାଲର ଯୋଗାଣ ଶୃଙ୍ଖଳ ମୁକ୍ତ ରହିବା ଆବଶ୍ୟକ।
ଆମର କ୍ଵାଡ଼ ସହଯୋଗୀମାନଙ୍କ ସହିତ, ଭାରତ-ପ୍ରଶାନ୍ତ ମହାସାଗରୀୟ କ୍ଷେତ୍ର ପାଇଁ ଟିକା ଉତ୍ପାଦନ କରିବା ଲାଗି ଆମେ ଭାରତର ଉତ୍ପାଦନ କ୍ଷମତା ବୃଦ୍ଧି କରୁଛୁ।
ବିଶ୍ୱ ବାଣିଜ୍ୟ ସଂଗଠନରେ କୋଭିଡ ଟିକା, ନିଦାନକାରୀ ସାମଗ୍ରୀ ଏବଂ ଔଷଧ ପାଇଁ ଟ୍ରିପ୍ସ ଛାଡ଼ ଲାଗି ଭାରତ ଏବଂ ଦକ୍ଷିଣ ଆଫ୍ରିକା ପ୍ରସ୍ତାବ ଦେଇଛନ୍ତି।
ମହାମାରୀ ବିରୋଧରେ ଲଢ଼େଇକୁ ଏହା ଆହୁରି ଗତିଶୀଳ କରିବ। ମହାମାରୀର ଆର୍ଥିକ ପ୍ରଭାବକୁ ଦୂର କରିବା ଉପରେ ମଧ୍ୟ ଆମେ ଦୃଷ୍ଟି ଦେବାର ଆବଶ୍ୟକତା ରହିଛି।
ଏହି ଦୃଷ୍ଟିରୁ, ଅନ୍ତର୍ଜାତୀୟ ଯାତ୍ରାକୁ ଟିକା ପ୍ରମାଣପତ୍ରର ଆପୋସ ମାନ୍ୟତା ଜରିଆରେ ସହଜ କରାଯିବା ଉଚିତ୍।
ମହାମହିମ ଗଣ,
ମୁଁ ପୁଣିଥରେ ଏହି ଶିଖର ସମ୍ମିଳନୀ ଏବଂ ରାଷ୍ଟ୍ରପତି ବାଇଡେନଙ୍କ ଦୃଷ୍ଟିକୋଣକୁ ପ୍ରଶଂସା କରୁଛି।
ମହାମାରୀର ସମୂଳ ବିନାଶ ଲାଗି ବିଶ୍ୱ ସହ ମିଶି କାର୍ଯ୍ୟ କରିବା ଲାଗି ଭାରତ ପ୍ରସ୍ତୁତ ରହିଛି।
ଧନ୍ୟବାଦ।
ଅନେକ ଅନେକ ଧନ୍ୟବାଦ।
India has always seen humanity as one family.
— PMO India (@PMOIndia) September 22, 2021
India’s pharmaceutical industry has produced cost-effective diagnostic kits, drugs, medical devices and PPE kits.
These are providing affordable options to many developing countries: PM @narendramodi
Earlier this year, we shared our vaccine production with 95 other countries, and with UN peacekeepers.
— PMO India (@PMOIndia) September 22, 2021
And, like a family, the world also stood with India when we were going through a second wave.
For the solidarity and support extended to India, I thank you all: PM
India is now running the world’s largest vaccination campaign.
— PMO India (@PMOIndia) September 22, 2021
Recently, we vaccinated about 25 million people on a single day.
Our grassroots level healthcare system has delivered over 800 million vaccine doses so far.
Over 200 million Indians are now fully vaccinated: PM
As newer Indian vaccines get developed, we are also ramping up production capacity of existing vaccines.
— PMO India (@PMOIndia) September 22, 2021
As our production increases, we will be able to resume vaccine supplies to others too.
For this, the supply chains of raw materials must be kept open: PM @narendramodi
We also need to focus on addressing the pandemic’s economic effects.
— PMO India (@PMOIndia) September 22, 2021
To that end, international travel should be made easier, through mutual recognition of vaccine certificates: PM @narendramodi
