ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଦୁବାଇରେ ୨୦୨୩ ଡିସେମ୍ବର ୧ରେ କପ୍ ୨୮ ବୈଠକରେ ଯୋଗ ଦେବାକୁ ଯାଇଥିବାବେଳେ ସେଠାରେ ସ୍ୱିସ୍ କନ୍ଫେଡେରେସନର ଅଧ୍ୟକ୍ଷ ଶ୍ରୀ ଆଲେନ୍ ବର୍ସେଟଙ୍କୁ ଭେଟିଛନ୍ତି ।
ଏହି ବୈଠକରେ ବାଣିଜ୍ୟ ଓ ପୁଞ୍ଜି ନିବେଶ, ପ୍ରଯୁକ୍ତିବିଦ୍ୟା, ସ୍ୱାସ୍ଥ୍ୟ, ଶିକ୍ଷା, ଆଇଟି, ପର୍ଯ୍ୟଟନ ସହ ଲୋକଙ୍କ ମଧ୍ୟରେ ସମ୍ପର୍କ ଏବଂ ସେମାନଙ୍କ ସହଭାଗିତାକୁ ଆହୁରି ମଜଭୁତ କରିବା ପ୍ରସଙ୍ଗରେ ଦୁଇ ନେତା ଆଲୋଚନା କରିଛନ୍ତି ।
ଆଲୋଚନାରେ ପାରସ୍ପରିକ ହିତର ଆଞ୍ଚଳିକ ଏବଂ ବୈଶ୍ୱିକ ପ୍ରସଙ୍ଗ ମଧ୍ୟ ସାମିଲ ଥିଲା ।
ଅଧ୍ୟକ୍ଷ ବର୍ସେଟ ଭାରତର ଜି-୨୦ ଅଧ୍ୟକ୍ଷତା ଏବଂ ସମ୍ମିଳନୀର ସଫଳତା ପାଇଁ ପ୍ରଧାନମନ୍ତ୍ରୀଙ୍କୁ ଅଭିନନ୍ଦନ ଜଣାଇଥିଲେ ।
