ଜୋର୍ଡାନ ରାଜ୍ୟର ୧୦୦ତମ ବାର୍ଷିକୀ ଅବସରରେ ମୁଁ ମୋର ହାର୍ଦ୍ଦିକ ଅଭିନନ୍ଦନ ଜଣାଉଛି
ମହାମହିମ ରାଜା ଅବଦୁଲ୍ଲା ଏବଂ ଜୋର୍ଡାନର ଲୋକମାନଙ୍କୁ ମୋର ଶୁଭେଚ୍ଛା
ବିଶ୍ୱର ଐତିହସିକ ଏବଂ ଧାର୍ମିକ ଐତିହ୍ୟରେ ଜୋର୍ଡାନ ଏକ ସମ୍ମାନଜନକ ନାମ ।
ମହାମହିମ ରାଜା ଅବଦୁଲ୍ଲାଙ୍କ ସୁଦୂରପ୍ରସାରୀ ନେତୃତ୍ୱରେ ଜୋର୍ଡାନ ସ୍ଥାୟୀ ଏବଂ ସମାବେଶୀ ଅଭିବୃଦ୍ଧି ହାସଲ କରିଛି ।
ଅର୍ଥନୈତିକ, ସାମାଜିକ ଏବଂ ସାଂସ୍କୃତିକ ବିକାଶରେ ଏହାର ଅଗ୍ରଗତି ଉଲ୍ଲେଖନୀୟ ।
ବିଶ୍ୱର ଏକ ଗୁରୁତ୍ୱପୂର୍ଣ୍ଣ ଅଞ୍ଚଳରେ ଜୋର୍ଡାନ ଏକ ଶକ୍ତିଶାଳୀ ସ୍ୱର ଏବଂ ସ୍ଥିର ଏବଂ ସମାବେଶୀ ବିକାଶର ଏକ ବିଶ୍ୱସ୍ତରୀୟ ପ୍ରତୀକ ଭାବରେ ଉଭା ହୋଇଛି ।
ଏହା ପଡ଼ୋଶୀମାନଙ୍କ ସହିତ ଶାନ୍ତିରେ ବସବାସ କରୁଥିବା ଏକ ଆଦର୍ଶ ରାଷ୍ଟ୍ର ଭାବରେ ଉଭା ହୋଇଛି ଏବଂ ଏହା ସ୍ଥିରତାର ପ୍ରତୀକ ଏବଂ ସ୍ୱର ଅଟେ ।
ପଶ୍ଚିମ ଏସିଆରେ ଶାନ୍ତି ପ୍ରତିଷ୍ଠା ପାଇଁ ମହାମହିମ ରାଜା ପ୍ରମୁଖ ଭୂମିକା ଗ୍ରହଣ କରିଛନ୍ତି ।
ଆକ୍ୱାବା ପ୍ରକ୍ରିୟା ଆଞ୍ଚଳିକ ଶାନ୍ତି ଏବଂ ନିରାପତ୍ତା ଉପରେ ସମନ୍ୱୟ ରକ୍ଷା କରିବାରେ ସହଯୋଗ କରିଛି ।
ସେହିଭଳି, ୨୦୦୪ ର ଅମନ ବାର୍ତ୍ତା ସହନଶୀଳତା, ଏକତା ଏବଂ ମାନବିକ ସମ୍ମାନ ପାଇଁ ଏକ ଶକ୍ତିଶାଳୀ ଆହ୍ୱାନ ଥିଲା
୨୦୧୮ ରେ ମହାମହିମ ରାଜାଙ୍କ ଐତିହାସିକ ଗସ୍ତ ସମୟରେ ନୂଆଦିଲ୍ଲୀରେ ସମାନ ବାର୍ତ୍ତା ଦୋହରାଯାଇଥିଲା ।
ଧାର୍ମିକ ବିଦ୍ୱାନମାନଙ୍କର ଏକ ସମାବେଶରେ ସେ “ଭବିଷ୍ୟତର ବିଶ୍ୱରେ ବିଶ୍ୱାସର ଭୂମିକା'' ଉପରେ ନିଜର ଭାବନା ବାଣ୍ଟିବାକୁ ମୋର ନିମନ୍ତ୍ରଣକୁ ଗ୍ରହଣ କରିଥିଲେ ।
ଭାରତ ଏବଂ ଜୋର୍ଡାନ ଏହି ବିଶ୍ୱାସରେ ଏକାଠି ହୋଇଛନ୍ତି ଯେ ଶାନ୍ତି ଏବଂ ସମୃଦ୍ଧତା ପାଇଁ ମଧ୍ୟମତା ଏବଂ ଶାନ୍ତିପୂର୍ଣ୍ଣ ସହଭାଗିତା ଜରୁରୀ ଅଟେ ।
ସମସ୍ତ ମାନବିକତା ପାଇଁ ଏକ ଉତ୍ତମ ଭବିଷ୍ୟତ ସକାଶେ ଆମର ମିଳିତ ପ୍ରୟାସରେ ଆମେ ଏକାଠି ଚାଲିବା ଜାରି ରଖିବୁ ।
ପୁଣି ଥରେ, ମୁଁ ଏହି ମହାନ ଅବସରରେ ମହାମହିମ ରାଜା ଏବଂ ଜୋର୍ଡାନବାସୀଙ୍କୁ ମୋର ହାର୍ଦ୍ଦିକ ଶୁଭେଚ୍ଛା ଜଣାଉଛି
ଆଲଫ୍ ମାବ୍ରୁକ୍, ଏକ ହଜାର ଅଭିନନ୍ଦନ, ଏବଂ ଶୁକ୍ରାନ୍,
ଧନ୍ୟବାଦ
