ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ମାର୍ଚ୍ଚ 17 ତାରିଖରେ ନୂଆଦିଲ୍ଲୀଠାରେ ଭାରତୀୟ କୃଷି ଗବେଷଣା ପ୍ରତିଷ୍ଠାନ, ଆଇଏଆରଆଇ ପୁସା କ୍ୟାମ୍ପସରେ ହେବାକୁ ଥିବା ବାର୍ଷିକ ‘କୃଷି ଉନ୍ନତି ମେଳା’କୁ ସମ୍ବୋଧିତ କରିବେ । ସେଠାରେ ସେ କୃଷକମାନଙ୍କୁ ଉଦ୍ବୋଧନ ଦେବା ସହିତ ଜୈବିକ କୃଷି ସମ୍ବନ୍ଧିତ ଏକ ପୋର୍ଟାଲ ଉଦ୍ଘାଟନ କରିବେ ଏବଂ 25ଟି କୃଷି ବିଜ୍ଞାନ କେନ୍ଦ୍ରର ଆଧାରଶିଳା ସ୍ଥାପନ କରିବେ । ଏହି ଅବସରରେ ପ୍ରଧାନମନ୍ତ୍ରୀ ମଧ୍ୟ “କୃଷି କର୍ମଣ” ଏବଂ “ଦୀନ ଦୟାଲ ଉପାଧ୍ୟାୟ କୃଷି ବିଜ୍ଞାନ ପ୍ରୋତ୍ସାହନ” ପୁରସ୍କାର ପ୍ରଦାନ କରିବେ ।
ଏହି ମେଳାର ବିଷୟ ବସ୍ତୁ ହେଉଛି “2022 ସୁଦ୍ଧା କୃଷକଙ୍କ ଆୟ ଦ୍ୱିଗୁଣିତ କରିବା” । ‘କୃଷି ଉନ୍ନତି ମେଳା’ର ଲକ୍ଷ୍ୟ ହେଉଛି କୃଷକମାନଙ୍କ ମଧ୍ୟରେ କୃଷି ଏବଂ ସହାୟକ ବିଷୟର ଅତ୍ୟାଧୁନିକ ବୈଷୟିକ ଉନ୍ନତି ସମ୍ବନ୍ଧରେ ସଚେତନତା ସୃଷ୍ଟି କରିବା ।
କୃଷକଙ୍କ ଆୟ ଦ୍ୱିଗୁଣିତ କରିବା ନେଇ ବୈଷୟିକ ମଞ୍ଚ, କ୍ଷୁଦ୍ର ଜଳସେଚନକୁ ନେଇ ସିଧାସଳଖ ପ୍ରଦର୍ଶନ, ଶୀଘ୍ର ନଷ୍ଟ ହୋଇଯାଉଥିବା ଜଳର ସଦ୍ବ୍ୟବହାର, ପଶୁ ପାଳନ ଏବଂ ମତ୍ସ୍ୟ ଚାଷ – ଏହି ମେଳାର ପ୍ରମୁଖ ଆକର୍ଷଣ ରହିବ । ମଞ୍ଜି, ସାର ଏବଂ କୀଟନାଶକ ବାବଦରେ ଏହି ମେଳାରେ ମଧ୍ୟ ପୃଥକ ପୃଥକ ମଞ୍ଚ ପ୍ରସ୍ତୁତ କରାଯିବ ।
