ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଆଜି ବ୍ରିଟେନର ରାଜା ଚାର୍ଲ୍ସ ତୃତୀୟଙ୍କ ସହ କଥା ହୋଇଛନ୍ତି ।
ଦୁଇ ଦେଶ ମଧ୍ୟରେ ଥିବା ଐତିହାସିକ ସମ୍ପର୍କକୁ ମନେ ପକାଇ, ଉଭୟ ଭାରତ ଓ ବ୍ରିଟେନ୍ ମଧ୍ୟରେ ବ୍ୟାପକ ରଣନୀତିକ ଭାଗିଦାରୀ ସୁଦୃଢ଼ କରିବାକୁ ପ୍ରତିବଦ୍ଧତା ନିଶ୍ଚିତ କରିଥିଲେ ।
ରାଜ୍ୟଗୋଷ୍ଠୀ ଦେଶ ସମୂହ ଏବଂ ସମୋଆରେ ନିକଟରେ ଶେଷ ହୋଇଥିବା ରାଜ୍ୟଗୋଷ୍ଠୀ ଦେଶ ମୁଖ୍ୟଙ୍କ ବୈଠକ ଉପରେ ଉଭୟ ନିଜର ବିଚାର ଆଦାନ-ପ୍ରଦାନ କରିଥିଲେ ।
ଏହାଛଡା ଜଳବାୟୁ କାର୍ଯ୍ୟକାରିତା ଏବଂ ସ୍ଥିରତା ସହିତ ପାରସ୍ପରିକ ଆଗ୍ରହର ଅନେକ ବିଷୟ ଉପରେ ମଧ୍ୟ ଆଲୋଚନା ହୋଇଥିଲା । ପ୍ରଧାନମନ୍ତ୍ରୀ ଏହି ପ୍ରସଙ୍ଗରେ ମହାରାଜ ଚାର୍ଲ୍ସ ତୃତୀୟଙ୍କର ନିରନ୍ତର ସମର୍ଥନ ଓ ପଦକ୍ଷେପ ପାଇଁ କୃତଜ୍ଞତା ଜଣାଇଥିଲେ ଏବଂ ଭାରତ ଦ୍ୱାରା ନିଆଯାଇଥିବା ଏକାଧିକ ପଦକ୍ଷେପ ବିଷୟରେ ତାଙ୍କୁ ସୂଚନା ଦେଇଥିଲେ ।
ଆଗାମୀ ବଡଦିନ ଏବଂ ନୂଆବର୍ଷର ଉତ୍ସବଗୁଡିକ ପାଇଁ ଉଭୟ ଉଭୟଙ୍କୁ ଶୁଭକାମନା ଜଣାଇଥିଲେ ।
ଏହି ଅବସରରେ ପ୍ରଧାନମନ୍ତ୍ରୀ ଚାର୍ଲ୍ସ ତୃତୀୟଙ୍କୁ ତାଙ୍କର ଉତ୍ତମ ସ୍ୱାସ୍ଥ୍ୟ ଏବଂ ସମୃଦ୍ଧି ପାଇଁ ଶୁଭେଚ୍ଛା ଜଣାଇଥିଲେ ।
It was a pleasure to speak with HM King Charles III today. Reaffirmed commitment to bolster India-UK ties. Exchanged views on issues of mutual interest, including the Commonwealth, climate action and sustainability.
— Narendra Modi (@narendramodi) December 19, 2024
Wished him good health and wellbeing. @RoyalFamily
