ଲକଜମବର୍ଗର ପ୍ରଧାନମନ୍ତ୍ରୀ ଶ୍ରୀ ଲୁକ୍ ଫ୍ରିଡେନ ଆଜି ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀଙ୍କୁ ଫୋନ୍ କରି କ୍ରମାଗତ ତୃତୀୟ ଥର ନିର୍ବାଚିତ ହୋଇଥିବାରୁ ଅଭିନନ୍ଦନ ଜଣାଇଛନ୍ତି ।
ପ୍ରଧାନମନ୍ତ୍ରୀ ଫ୍ରିଡେନଙ୍କୁ ଶୁଭେଚ୍ଛା ବାର୍ତ୍ତା ପାଇଁ ପ୍ରଧାନମନ୍ତ୍ରୀ ଧନ୍ୟବାଦ ଜଣାଇବା ସହ ଦୁଇ ଦେଶ ମଧ୍ୟରେ ପାରସ୍ପରିକ ସହଯୋଗ କ୍ଷେତ୍ରରେ ଉତ୍ସାହ ଓ ଗତି ଆସିବ ବୋଲି ଆଶା ପ୍ରକାଶ କରିଥିଲେ ।
ବାଣିଜ୍ୟ, ନିବେଶ, ଔଦ୍ୟୋଗିକ ନିର୍ମାଣ, ସ୍ଥାୟୀ ଅର୍ଥନୀତି, ସ୍ୱାସ୍ଥ୍ୟ, ମହାକାଶ ଏବଂ ଜନସାଧାରଣଙ୍କ ମଧ୍ୟରେ ସମ୍ପର୍କ ଆଦି କ୍ଷେତ୍ରରେ ଦୁଇ ଦେଶ ମଧ୍ୟରେ ଦ୍ୱିପାକ୍ଷିକ ସହଯୋଗର ପ୍ରତିବଦ୍ଧତାକୁ ଉଭୟ ନେତା ଦୋହରାଇଥିଲେ । ୟୁକ୍ରେନ ବିବାଦ ସମେତ ବିଭିନ୍ନ କ୍ଷେତ୍ରୀୟ ଓ ବୈଶ୍ୱିକ ପ୍ରସଙ୍ଗରେ ଦୁଇ ନେତା ମତ ବିନିମୟ କରିଥିଲେ । ବିବାଦର ତୁରନ୍ତ ସମାଧାନ ଏବଂ ଶାନ୍ତି ଓ ସ୍ଥିରତା ପ୍ରତିଷ୍ଠା ଦିଗରେ ଭାରତର ଭୂମିକାକୁ ପ୍ରଧାନମନ୍ତ୍ରୀ ଫ୍ରିଡେନ ପ୍ରଶଂସା କରିଥିଲେ ।
ଗ୍ରାଣ୍ଡ ଡ୍ୟୁକ ହେନରୀ ଓ ପ୍ରଧାନମନ୍ତ୍ରୀ ଫ୍ରିଡେନଙ୍କୁ ଭାରତ ଆସିବାକୁ ପ୍ରଧାନମନ୍ତ୍ରୀ ଆମନ୍ତ୍ରଣ ଜଣାଇଥିଲେ ।
ଉଭୟ ନେତା ନିୟମିତ ଯୋଗାଯୋଗରେ ରହିବାକୁ ସହମତ ହୋଇଥିଲେ ।
Had a good conversation with Prime Minister @LucFrieden. Reiterated commitment to deepen and strengthen India-Luxembourg ties including in the areas of trade, investment, financial services and industrial manufacturing. As democracies, we support regional and global peace and…
— Narendra Modi (@narendramodi) July 22, 2024
