Quote“ସ୍ୱାମୀ ବିବେକାନନ୍ଦଙ୍କ ଘରେ ଧ୍ୟାନ କରିବା ଏକ ବିଶେଷ ଅନୁଭୂତି ଥିଲା ଏବଂ ମୁଁ ବର୍ତ୍ତମାନ ଅନୁପ୍ରାଣିତ ଏବଂ ଶକ୍ତିପ୍ରାପ୍ତ ଅନୁଭବ କରୁଛି”
Quote“ରାମକୃଷ୍ଣ ମଠ “ଏକ ଭାରତ ଶ୍ରେଷ୍ଠ ଭାରତ” ର ସମାନ ଆବେଗ ସହିତ କାର୍ଯ୍ୟ କରିଥାଏ”
Quote“ଆମ ସରକାର ସ୍ୱାମୀ ବିବେକାନନ୍ଦଙ୍କ ଦର୍ଶନ ଦ୍ୱାରା ଅନୁପ୍ରାଣିତ”
Quote“ମୁଁ ନିଶ୍ଚିତ ଯେ ସ୍ୱାମୀ ବିବେକାନନ୍ଦ ଗର୍ବର ସହିତ ଦେଖୁଛନ୍ତି ଭାରତ କିଭଳି ତାଙ୍କ ଦୃଷ୍ଟିକୋଣ ପୂରଣ ପାଇଁ କାର୍ଯ୍ୟ କରୁଛି”
Quote“ପ୍ରତ୍ୟେକ ଭାରତୀୟ ଅନୁଭବ କରୁଛନ୍ତି ଯେ ଏହା ଆମର ସମୟ”
Quote“ଅମୃତ କାଳ ପାଞ୍ଚଟି ଧାରଣାକୁ ଅନୁକରଣ କରି ମହାନ ଲକ୍ଷ୍ୟ ହାସଲ ଦିଗରେ ବ୍ୟବହାର କରିପାରିବ - ପଞ୍ଚ ପ୍ରାଣ”

ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଆଜି ତାମିଲନାଡୁର ଚେନ୍ନାଇ ସ୍ଥିତ ବିବେକାନନ୍ଦ ହାଉସରେ ଶ୍ରୀ ରାମକୃଷ୍ଣ ମଠର ୧୨୫ ତମ ବାର୍ଷିକ ଉତ୍ସବରେ ଅଂଶଗ୍ରହଣ କରିଥିଲେ । ସେଠାରେ ପହଞ୍ଚିବା ପରେ ପ୍ରଧାନମନ୍ତ୍ରୀ ପୁଷ୍ପମାଲ୍ୟ ଅର୍ପଣ କରିବା ସହ ସ୍ୱାମୀ ବିବେକାନନ୍ଦଙ୍କ କୋଠରୀରେ ପୂଜା ଓ ଧ୍ୟାନ କରିଥିଲେ । ଏହି ଅବସରରେ ପ୍ରଧାନମନ୍ତ୍ରୀ ହୋଲି ଟ୍ରିଓ ଉପରେ ଏକ ପୁସ୍ତକ ମଧ୍ୟ ଉନ୍ମୋଚନ କରିଥିଲେ ।

 

|

ଚେନ୍ନାଇରେ ୧୮୯୭ ମସିହାରେ ସ୍ୱାମୀ ରାମକୃଷ୍ଣାନନ୍ଦଙ୍କ ଦ୍ୱାରା ଆରମ୍ଭ ହୋଇଥିବା ରାମକୃଷ୍ଣ ମଠ ଏବଂ ରାମକୃଷ୍ଣ ମିଶନ ହେଉଛି ବିଭିନ୍ନ ପ୍ରକାରର ମାନବିକ ତଥା ସାମାଜିକ ସେବା କାର୍ଯ୍ୟରେ ନିୟୋଜିତ ଆଧ୍ୟାତ୍ମିକ ଅନୁଷ୍ଠାନ ।

ଏହି ସମାବେଶକୁ ସମ୍ବୋଧିତ କରି ପ୍ରଧାନମନ୍ତ୍ରୀ ଚେନ୍ନାଇରେ ରାମକୃଷ୍ଣ ମଠର ୧୨୫ ତମ ବାର୍ଷିକୀ ପାଳନ ଅବସରରେ ଉପସ୍ଥିତ ରହି ଖୁସି ବ୍ୟକ୍ତ କରିଛନ୍ତି ଏବଂ ସେ ତାଙ୍କ ଜୀବନରେ ରାମକୃଷ୍ଣ ମଠକୁ ଗଭୀର ସମ୍ମାନ କରନ୍ତି ବୋଲି କହିଛନ୍ତି । ତାମିଲି ଲୋକମାନଙ୍କ ପ୍ରତି ତାଙ୍କର ସ୍ନେହ ଏବଂ ପ୍ରେମ, ତାମିଲ ଭାଷା, ତାମିଲ ସଂସ୍କୃତି ଏବଂ ଚେନ୍ନାଇର ଆଭିମୁଖ୍ୟ ପ୍ରକାଶ କରି ପ୍ରଧାନମନ୍ତ୍ରୀ ଚେନ୍ନାଇରେ ସ୍ୱାମୀ ବିବେକାନନ୍ଦଙ୍କ ଘର ପରିଦର୍ଶନ କରିବା ବିଷୟରେ ଉଲ୍ଲେଖ କରିଛନ୍ତି ଯେଉଁଠାରେ ସେ ବିଦେଶରୁ ଫେରିବା ପରେ ରହିଥିଲେ । ସେ କହିଥିଲେ ଯେ ଏହି ଘରେ ଧ୍ୟାନ କରିବା ତାଙ୍କ ପାଇଁ ଏକ ବିଶେଷ ଅନୁଭୂତି ଏବଂ ସେ ବର୍ତ୍ତମାନ ଅନୁପ୍ରାଣିତ ଏବଂ ଶକ୍ତିପ୍ରାପ୍ତ ଅନୁଭବ କରୁଛନ୍ତି । ପ୍ରଯୁକ୍ତିବିଦ୍ୟା ମାଧ୍ୟମରେ ଯୁବ ପୀଢ଼ିଙ୍କୁ ପ୍ରାଚୀନ ଚିନ୍ତାଧାରାର ପ୍ରସାର ନେଇ ପ୍ରଧାନମନ୍ତ୍ରୀ ଖୁସି ବ୍ୟକ୍ତ କରିଥିଲେ ।

ଥିରୁଭାଲୁଭାରଙ୍କ ଗୋଟିଏ ପଦରୁ ଉଦ୍ଧୃତ କରି ପ୍ରଧାନମନ୍ତ୍ରୀ ସ୍ପଷ୍ଟ କରିଛନ୍ତି ଯେ ଏହି ଦୁନିଆରେ ଏବଂ ଭଗବାନଙ୍କ ଦୁନିଆରେ ଦୟା ଠାରୁ ଆଉ କିଛି ନାହିଁ । ତାମିଲନାଡୁର ରାମକୃଷ୍ଣ ମଠର ସେବା କ୍ଷେତ୍ର ଉପରେ ଆଲୋକପାତ କରି ପ୍ରଧାନମନ୍ତ୍ରୀ ଶିକ୍ଷା, ଲାଇବ୍ରେରୀ, କୁଷ୍ଠରୋଗ ସଚେତନତା ଏବଂ ପୁନର୍ବାସ, ସ୍ୱାସ୍ଥ୍ୟ ସେବା, ନର୍ସିଂ ଏବଂ ଗ୍ରାମୀଣ ବିକାଶର ଉଦାହରଣ ଦେଇଛନ୍ତି । ସେ ଏହା ମଧ୍ୟ ଦର୍ଶାଇଛନ୍ତି ଯେ ରାମକୃଷ୍ଣ ମଠର ସେବା ପୂର୍ବରୁ ତାମିଲନାଡୁର ସ୍ୱାମୀ ବିବେକାନନ୍ଦଙ୍କ ଉପରେ ଏହାର ପ୍ରଭାବ ସାମ୍ନାକୁ ଆସିଥିଲା । ସେ ସ୍ପଷ୍ଟ କରିଛନ୍ତି ଯେ ସ୍ୱାମୀ ବିବେକାନନ୍ଦ ତାଙ୍କ ଜୀବନର ଉଦ୍ଦେଶ୍ୟକୁ କନ୍ୟାକୁମାରୀର ପ୍ରସିଦ୍ଧ ଶିଳାରୁ ପାଇଥିଲେ ଯାହା ତାଙ୍କୁ ପରିବର୍ତ୍ତନ କରିଥିଲା ଏବଂ ଏହାର ପ୍ରଭାବ ଚିକାଗୋରେ ଦେଖିବାକୁ ମିଳିଥିଲା । ସେ ଆହୁରି ମଧ୍ୟ କହିଛନ୍ତି ଯେ ସ୍ୱାମୀ ବିବେକାନନ୍ଦ ପ୍ରଥମେ ତାମିଲନାଡୁର ପବିତ୍ର ଭୂମିରେ ପାଦ ଦେଇଥିଲେ । ପ୍ରଧାନମନ୍ତ୍ରୀ କହିଛନ୍ତି ଯେ ରାମନାଡର ରାଜା ତାଙ୍କୁ ବହୁତ ସମ୍ମାନର ସହ ପାଛୋଟି ନେଇଥିଲେ ଏବଂ ନୋବେଲ ପୁରସ୍କାର ପ୍ରାପ୍ତ ଫରାସୀ ଲେଖକ ରୋମେନ ରୋଲାଣ୍ଡ ଏହାକୁ ଏକ ଉତ୍ସବ ଭାବରେ ବର୍ଣ୍ଣନା କରିଛନ୍ତି ଯେଉଁଠାରେ ସତରଟି ବିଜୟ ସ୍ମାରକୀ ପାଳନ କରାଯାଇଥିଲା ଏବଂ ଏକ ସପ୍ତାହ ପାଇଁ ସାଧାରଣ ଜୀବନଯାତ୍ରା ଅଟକି ଯାଇଥିଲା ।

 

|

ସ୍ୱାମୀ ବିବେକାନନ୍ଦ ବଙ୍ଗଳାର ଥିଲେ, କିନ୍ତୁ ଭାରତର ସ୍ୱାଧୀନତାର ବହୁ ପୂର୍ବରୁ ତାମିଲନାଡୁରେ ତାଙ୍କୁ ବୀର ଭଳି ସ୍ୱାଗତ କରାଯାଇଥିବା ଦର୍ଶାଇ ପ୍ରଧାନମନ୍ତ୍ରୀ ଗୁରୁତ୍ୱାରୋପ କରିଥିଲେ ଯେ ହଜାର ହଜାର ବର୍ଷ ଧରି ଭାରତ ଏକ ଦେଶ ବୋଲି ଦେଶବାସୀଙ୍କର ସ୍ପଷ୍ଟ ଧାରଣା ରହିଛି ଯାହା ‘ଏକ ଭାରତ ଶ୍ରେଷ୍ଠ ଭାରତ’ କୁ ସୂଚିତ କରେ । ପ୍ରଧାନମନ୍ତ୍ରୀ ରାମକୃଷ୍ଣ ମଠ ସଂକ୍ରାନ୍ତରେ ବକ୍ତବ୍ୟ ଜାରି ରଖି କହିଥିଲେ ଯେ ସମାନ ଆବେଗ ସହିତ କାର୍ଯ୍ୟ କରିଥାଏ ଏବଂ ଭାରତରେ ବ୍ୟାପିଥିବା ଏହାର ଅନେକ ଅନୁଷ୍ଠାନ ଯାହା ଲୋକମାନଙ୍କୁ ନିଃସ୍ୱାର୍ଥପର ଭାବରେ ସେବା ପ୍ରଦାନ କରିଥାଏ । ପ୍ରଧାନମନ୍ତ୍ରୀ କାଶୀ-ତାମିଲ ସଙ୍ଗମମର ସଫଳତା ଉପରେ ଆଲୋକପାତ କରିବା ସହ ସୌରାଷ୍ଟ୍ର-ତାମିଲ ସଙ୍ଗମମ ମଧ୍ୟ ହେବାକୁ ଯାଉଛି ବୋଲି ସୂଚନା ଦେଇଛନ୍ତି । ଭାରତର ଏକତାକୁ ଆହୁରି ଆଗକୁ ନେବା ପାଇଁ ସେ ଏପରି ସମସ୍ତ ପ୍ରୟାସର ବଡ ସଫଳତାର କାମନା କରିଛନ୍ତି ।

ପ୍ରଧାନମନ୍ତ୍ରୀ ମନ୍ତବ୍ୟ ଦେଇ କହିଛନ୍ତି, ଆମର ଶାସନ ସ୍ୱାମୀ ବିବେକାନନ୍ଦଙ୍କ ଦର୍ଶନ ଦ୍ୱାରା ଅନୁପ୍ରାଣିତ । ସ୍ୱାମୀ ବିବେକାନନ୍ଦଙ୍କ ଦୃଷ୍ଟିକୋଣରୁ ଏକ ଅନୁରୂପ ଉଦାହରଣ ଦେଇ ପ୍ରଧାନମନ୍ତ୍ରୀ ଉଲ୍ଲେଖ କରିଛନ୍ତି ଯେ ଯେତେବେଳେ ଧନୀ ଦରିଦ୍ର ମଧ୍ୟରେ ପାର୍ଥକ୍ୟ ଦୂର ହୁଏ ଏବଂ ସମାନତା ସୁନିଶ୍ଚିତ ହୁଏ ସେତେବେଳେ ସମାଜ ଅଗ୍ରଗତି କରେ, ସରକାରଙ୍କ ସମସ୍ତ ଫ୍ଲାଗସିପ୍ କାର୍ଯ୍ୟକ୍ରମରେ ସମାନ ଦୃଷ୍ଟିକୋଣ ପ୍ରୟୋଗ କରାଯାଇଛି । ସେ ଦର୍ଶାଇଛନ୍ତି ଯେ ପୂର୍ବରୁ ମୌଳିକ ସୁବିଧା କ୍ଷେତ୍ରରେ ମଧ୍ୟ ଭେଦଭାବ କରାଯାଉଥିଲା ଏବଂ କେବଳ ହାତଗଣତି ଲୋକ କିମ୍ବା ଛୋଟ ଗୋଷ୍ଠୀ ଆଦିଙ୍କୁ ବ୍ୟବହାର କରିବାକୁ ଅନୁମତି ମିଳୁଥିଲା । କିନ୍ତୁ ବର୍ତ୍ତମାନ ସମସ୍ତଙ୍କ ପାଇଁ ବିକାଶର ଦ୍ୱାର ଖୋଲାଯାଇଛି ବୋଲି ପ୍ରଧାନମନ୍ତ୍ରୀ କହିଛନ୍ତି । ସେ ସୂଚନା ଦେଇଛନ୍ତି ଯେ ଆମର ଅନ୍ୟତମ ସଫଳ ଯୋଜନା ମଧ୍ୟରୁ ମୁଦ୍ରା ଯୋଜନା ଆଜି ଏହାର ୮ମ ବାର୍ଷିକୀ ପାଳନ କରୁଛି ଏବଂ ତାମିଲନାଡୁର କ୍ଷୁଦ୍ର ଉଦ୍ୟୋଗୀଙ୍କ ଉଦ୍ୟମକୁ ଆଲୋକିତ କରିଛି ଯେଉଁମାନେ ଏହି ଯୋଜନାରେ ରାଜ୍ୟକୁ ଅଗ୍ରଣୀ କରାଇଛନ୍ତି । ପ୍ରଧାନମନ୍ତ୍ରୀ ସୂଚନା ଦେଇଛନ୍ତି, କ୍ଷୁଦ୍ର ଉଦ୍ୟୋଗୀମାନଙ୍କୁ ପ୍ରାୟ ୩୮ କୋଟି ବନ୍ଧକମୁକ୍ତ ଋଣ ପ୍ରଦାନ କରାଯାଇଛି । ସେ ଦୋହରାଇଛନ୍ତି ଯେ ବ୍ୟବସାୟ ପାଇଁ ବ୍ୟାଙ୍କ ଋଣ ପାଇବା ପୂର୍ବରୁ ଏକ ସୌଭାଗ୍ୟ ଥିଲା, କିନ୍ତୁ ଏହାର ଉପଲବ୍ଧତା ବର୍ତ୍ତମାନ ବୃଦ୍ଧି କରାଯାଇଛି । ସେହିଭଳି ପ୍ରଧାନମନ୍ତ୍ରୀ ଆହୁରି ମଧ୍ୟ କହିଛନ୍ତି ଯେ ଘର, ବିଦ୍ୟୁତ୍‍, ଏଲପିଜି ସଂଯୋଗ, ଶୌଚାଳୟ ଇତ୍ୟାଦି ମୌଳିକ ଭିତ୍ତିଭୂମି ପ୍ରତ୍ୟେକ ପରିବାର ନିକଟରେ ପହଞ୍ଚୁଛି ।

 

|

ସ୍ୱାମୀ ବିବେକାନନ୍ଦଙ୍କର ଭାରତ ପାଇଁ ଏକ ବଡ଼ ଦର୍ଶନ ଥିଲା । ଆଜି ମୁଁ ନିଶ୍ଚିତ ଯେ ସେ ନିଜ ଦୃଷ୍ଟିକୋଣକୁ ପୂରଣ କରିବା ପାଇଁ କାର୍ଯ୍ୟ କରୁଥିବା ଭାରତକୁ ଗର୍ବିତ ଭାବେ ସେ ଦେଖୁଛନ୍ତି ବୋଲି ପ୍ରଧାନମନ୍ତ୍ରୀ କହିଛନ୍ତି ଏବଂ ନିଜ ତଥା ଆମ ଦେଶରେ ବିଶ୍ୱାସ ବିଷୟରେ ତାଙ୍କର ବାର୍ତ୍ତାରେ ଉଲ୍ଲେଖ କରିଛନ୍ତି । ସେ ଦର୍ଶାଇଛନ୍ତି ଯେ ପ୍ରତ୍ୟେକ ଭାରତୀୟ ଅନୁଭବ କରୁଛନ୍ତି ଯେ ଏହା ଆମର ସମୟ ଏବଂ ଅନେକ ବିଶେଷଜ୍ଞ ମତ ଦେଇଛନ୍ତି ଯେ ଏହା ଭାରତର ଶତାବ୍ଦୀ ହେବ । ସେ ଆହୁରି ମଧ୍ୟ କହିଛନ୍ତି ଯେ ଆମେ ବିଶ୍ୱ ସହିତ ବିଶ୍ୱାସ ଏବଂ ପାରସ୍ପରିକ ସମ୍ମାନର ସହ ଜଡିତ ।

ସ୍ୱାମୀଜୀଙ୍କର ଶିକ୍ଷାକୁ ମନେ ପକାଇ ପ୍ରଧାନମନ୍ତ୍ରୀ କହିଛନ୍ତି ଯେ ମହିଳାଙ୍କୁ ସାହାଯ୍ୟ କରିବା ପାଇଁ କେହି ନଥାନ୍ତି ଏବଂ ଯେତେବେଳେ ଏକ ସଠିକ୍ ପ୍ଲାଟଫର୍ମ ମିଳିଥାଏ, ମହିଳାମାନେ ସମାଜକୁ ଆଗେଇ ନେଇଥାନ୍ତି ଏବଂ ନିଜେ ସମସ୍ୟାର ସମାଧାନ କରିଥାନ୍ତି ଏବଂ ଆଜିର ଭାରତ ମହିଳା ନେତୃତ୍ୱାଧୀନ ବିକାଶରେ ବିଶ୍ୱାସ କରେ । ସେ ଷ୍ଟାର୍ଟଅପ୍ ହେଉ କିମ୍ବା କ୍ରୀଡା, ସଶସ୍ତ୍ର ବାହିନୀ କିମ୍ବା ଉଚ୍ଚଶିକ୍ଷା ହେଉ, ମହିଳାମାନେ ଭେଦଭାବ ଭାଙ୍ଗୁଛନ୍ତି ଏବଂ ରେକର୍ଡ ସୃଷ୍ଟି କରୁଛନ୍ତି ବୋଲି ପ୍ରଧାନମନ୍ତ୍ରୀ କହିଛନ୍ତି । ସେ ଆହୁରି ମଧ୍ୟ କହିଛନ୍ତି ଯେ ସ୍ୱାମୀ ଜୀ ଚରିତ୍ର ବିକାଶ ପାଇଁ କ୍ରୀଡା ଏବଂ ଫିଟନେସ ଗୁରୁତ୍ୱପୂର୍ଣ୍ଣ ବୋଲି ବିଶ୍ୱାସ କରିଥିଲେ । ପ୍ରଧାନମନ୍ତ୍ରୀ ଆଲୋକପାତ କରିଥିଲେ ଯେ ଆଜି ସମାଜ ଏକ ଅତିରିକ୍ତ କାର୍ଯ୍ୟକଳାପ ଅପେକ୍ଷା କ୍ରୀଡ଼ାକୁ ଏକ ବୃତ୍ତିଗତ ଭାବରେ ଦେଖିବା ଆରମ୍ଭ କରିଛି । ଯୋଗ ଏବଂ ଫିଟ୍ ଇଣ୍ଡିଆ ଜନ ଆନ୍ଦୋଳନରେ ପରିଣତ ହୋଇଛି ବୋଲି ସେ ଦର୍ଶାଇଛନ୍ତି । ସେ ମଧ୍ୟ ଜାତୀୟ ଶିକ୍ଷା ନୀତି ଉପରେ ମତ ରଖିଛନ୍ତି ଯାହା ଭାରତରେ ବିଶ୍ୱସ୍ତରୀୟ ଶ୍ରେଷ୍ଠ ଅଭ୍ୟାସ ଆଣିବା ପାଇଁ ଶିକ୍ଷା କ୍ଷେତ୍ରରେ ସଂସ୍କାର ଆଣିଛି ଏବଂ ସ୍ୱାମୀଜୀଙ୍କର ବିଶ୍ୱାସକୁ ଉଲ୍ଲେଖ କରିଛନ୍ତି ଯେ ଶିକ୍ଷା, ବୈଷୟିକ ତଥା ବିଜ୍ଞାନ ଶିକ୍ଷା ମାଧ୍ୟମରେ ସଶକ୍ତିକରଣ ହାସଲ କରାଯାଇପାରିବ । ଆଜି ଦକ୍ଷତା ବିକାଶ ଅଭୂତପୂର୍ବ ସଫଳତା ପାଇଛି । ଆମ ନିକଟରେ ବିଶ୍ୱର ଅନ୍ୟତମ ବୈଷୟିକ ଏବଂ ବୈଜ୍ଞାନିକ ଇକୋସିଷ୍ଟମ ମଧ୍ୟ ଅଛି ବୋଲି ସେ କହିଛନ୍ତି ।

 

|

ସ୍ୱାମୀ ବିବେକାନନ୍ଦଙ୍କ କଥାକୁ ମନେ ପକାଇ ପାଞ୍ଚଟି ଚିନ୍ତାଧାରାକୁ ଅନୁକରଣ କରିବା ଏବଂ ଏହାକୁ ସମ୍ପୂର୍ଣ୍ଣ ରୂପେ ପ୍ରଦର୍ଶନ ଅତ୍ୟନ୍ତ ଶକ୍ତିଶାଳୀ ଥିଲା ବୋଲି ପ୍ରଧାନମନ୍ତ୍ରୀ ଉଲ୍ଲେଖ କରି କହିଛନ୍ତି ଯେ ଆମେ ସ୍ୱାଧୀନତାର ୭୫ ବର୍ଷ ପାଳନ କରୁଛୁ ଏବଂ ଆଗାମୀ ୨୫ ବର୍ଷକୁ ଅମୃତ କାଳ ଭାବରେ କରିବା ପାଇଁ ଦେଶ ନିଜର ଲକ୍ଷ୍ୟ ରଖିଛି । ଏହି ଅମୃତ କାଳ ପାଞ୍ଚଟି ଧାରଣା - ପଞ୍ଚ ପ୍ରାଣକୁ ଏକତ୍ର କରି ମହାନ ଲକ୍ଷ୍ୟ ହାସଲ କରିବା ପାଇଁ ବ୍ୟବହାର କରାଯାଇପାରିବ । ଔପନିବେଶିକ ମାନସିକତାର ଚିନ୍ତାଧାରା ହଟାଇବା, ଆମର ଐତିହ୍ୟକୁ ପାଳନ କରିବା, ଏକତାକୁ ଦୃଢ କରିବା ଏବଂ ଆମର କର୍ତ୍ତବ୍ୟ ଉପରେ ଧ୍ୟାନ ଦେବା ଏକ ବିକଶିତ ଭାରତର ଲକ୍ଷ୍ୟ ବୋଲି ପ୍ରଧାନମନ୍ତ୍ରୀ କହିଛନ୍ତି । ଅଭିଭାଷଣ ସମାପ୍ତ କରି ପ୍ରଧାନମନ୍ତ୍ରୀ ସମସ୍ତଙ୍କୁ ଏହି ପାଞ୍ଚଟି ନୀତି ଅନୁସରଣ କରିବାକୁ ସାମୂହିକ ଏବଂ ବ୍ୟକ୍ତିଗତ ଭାବରେ ସଂକଳ୍ପ ନେବାକୁ ଅନୁରୋଧ କରିଥିଲେ । ଶ୍ରୀ ମୋଦୀ କହିଛନ୍ତି, ଯଦି ୧୪୦ କୋଟି ଲୋକ ଏପରି ସଂକଳ୍ପ ନେବେ, ତେବେ ଆମେ ୨୦୪୭ ସୁଦ୍ଧା ଏକ ବିକଶିତ, ଆତ୍ମର୍ନିଭରଶୀଳ ଏବଂ ଅନ୍ତର୍ଭୂକ୍ତ ଭାରତ ଗଠନ କରିପାରିବା ।

|

ଏହି କାର୍ଯ୍ୟକ୍ରମରେ ଅନ୍ୟମାନଙ୍କ ମଧ୍ୟରେ ତାମିଲନାଡୁର ରାଜ୍ୟପାଳ ଶ୍ରୀ ଆର ଏନ ରବି, ରାମକୃଷ୍ଣ ମଠର ଉପ ସଭାପତି ଶ୍ରୀମଦ ସ୍ୱାମୀ ଗୌତମାନନ୍ଦଜୀ ଏବଂ କେନ୍ଦ୍ର ମତ୍ସ୍ୟ, ପଶୁପାଳନ ଏବଂ ଦୁଗ୍ଧ ତଥା ସୂଚନା ଓ ପ୍ରସାରଣ ରାଷ୍ଟ୍ରମନ୍ତ୍ରୀ ଶ୍ରୀ ଏଲ୍ ମୁରୁଗାନ୍ ପ୍ରମୁଖ ଉପସ୍ଥିତ ଥିଲେ ।

 

ସମ୍ପୂର୍ଣ୍ଣ ଅଭିଭାଷଣ ପଢିବା ପାଇଁ ଏଠାରେ କ୍ଲିକ କରନ୍ତୁ

  • krishangopal sharma Bjp January 24, 2025

    नमो नमो 🙏 जय भाजपा🙏🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹
  • krishangopal sharma Bjp January 24, 2025

    नमो नमो 🙏 जय भाजपा🙏🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷
  • krishangopal sharma Bjp January 24, 2025

    नमो नमो 🙏 जय भाजपा🙏🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹
  • Reena chaurasia August 29, 2024

    मोदी
  • Reena chaurasia August 29, 2024

    बीजेपी
  • Kuldeep kumar June 09, 2023

    Jai shree Ram Ram ji
  • Gokul Chandra Pradhan May 20, 2023

    Mananiya, Shri yukta Narendra Damodar Dash Modi, Prime Minister of India delivers their lecture at RamaKrishan Math on occasion of 125 th aniversary of Swami Vivekanand. Very well motivational speeches for future India. Pranam. jai Hind, Jai Bharat.
  • Vijay lohani April 14, 2023

    पवन तनय बल पवन समाना। बुधि बिबेक बिग्यान निधाना।।
  • Tribhuwan Kumar Tiwari April 14, 2023

    वंदेमातरम् सादर प्रणाम सर
  • વીભાભાઈ ડવ April 10, 2023

    Jay shree Ram
Explore More
୭୮ତମ ସ୍ୱାଧୀନତା ଦିବସ ଅବସରରେ ଲାଲକିଲ୍ଲାରୁ ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀଙ୍କ ଅଭିଭାଷଣ

ଲୋକପ୍ରିୟ ଅଭିଭାଷଣ

୭୮ତମ ସ୍ୱାଧୀନତା ଦିବସ ଅବସରରେ ଲାଲକିଲ୍ଲାରୁ ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀଙ୍କ ଅଭିଭାଷଣ
India: The unsung hero of global health security in a world of rising costs

Media Coverage

India: The unsung hero of global health security in a world of rising costs
NM on the go

Nm on the go

Always be the first to hear from the PM. Get the App Now!
...
Haryana Chief Minister meets PM Modi
February 27, 2025

The Chief Minister of Haryana, Shri Nayab Singh Saini met the Prime Minister, Shri Narendra Modi today.

The Prime Minister’s Office handle posted on X:

“Chief Minister of Haryana, Shri @NayabSainiBJP, met Prime Minister @narendramodi.

@cmohry”