ବ୍ରାଜିଲର ରିଓ ଡି ଜେନେରୋରେ ଜି-୨୦ ଶିଖର ସମ୍ମିଳନୀ ଅବସରରେ ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ନଭେମ୍ବର ୧୯ ତାରିଖରେ ଆର୍ଜେଣ୍ଟିନାର ରାଷ୍ଟ୍ରପତି ଜାଭିଏର ମିଲେଇଙ୍କୁ ଭେଟିଛନ୍ତି ।
ଏହା ଦୁଇ ନେତାଙ୍କ ମଧ୍ୟରେ ପ୍ରଥମ ଦ୍ୱିପାକ୍ଷିକ ବୈଠକ । ତୃତୀୟ ଥର ଐତିହାସିକ ବିଜୟ ହାସଲ କରିଥିବାରୁ ପ୍ରଧାନମନ୍ତ୍ରୀ ଶ୍ରୀ ମୋଦୀଙ୍କୁ ରାଷ୍ଟ୍ରପତି ମିଲେଇ ଅଭିନନ୍ଦନ ଜଣାଇଥିଲେ । ରାଷ୍ଟ୍ରପତି ମିଲେଇ ମଧ୍ୟ ଦାୟିତ୍ୱ ଗ୍ରହଣ କରିଥିବାରୁ ତାଙ୍କୁ ପ୍ରଧାନମନ୍ତ୍ରୀ ଶୁଭେଚ୍ଛା ଜଣାଇଥିଲେ । ଦୁଇ ନେତା ପ୍ରଶାସନ ଏବଂ ଏହି କ୍ଷେତ୍ରରେ ଥିବା ଅଭିଜ୍ଞତରା ଉପରେ ମତ ବିନିମୟ କରିଥିଲେ । ବିଗତ କେଇ ବର୍ଷ ମଧ୍ୟରେ ଦୁଇ ସକ୍ରିୟ ଗଣତନ୍ତ୍ର ମଧ୍ୟରେ ରଣନୀତିକ ସହଭାଗିତା ବ୍ୟାପକ ହୋଇଥିବାରୁ ଦୁଇ ନେତା ସନ୍ତୋଷ ପ୍ରକାଶ କରିଥିଲେ । ଦୁଇ ଦେଶ ମଧ୍ୟରେ ବାଣିଜ୍ୟ ଓ ଆର୍ଥିକ ସମ୍ପର୍କ ବୃଦ୍ଧି ପାଇଛି ଏବଂ ଆର୍ଜେଣ୍ଟିନାର ପ୍ରମୁଖ ପାଞ୍ଚଟି ବାଣିଜ୍ୟିକ ସହଯୋଗୀଙ୍କ ମଧ୍ୟରେ ଭାରତ ସ୍ଥାନ ପାଇଛି ।
ଦୁଇ ଦେଶ ମଧ୍ୟରେ ଦ୍ୱିପାକ୍ଷିକ ସହଯୋଗ ଫାର୍ମାସ୍ୟୁଟିକାଲ୍ସ, ପ୍ରତିରକ୍ଷା, ଲିଥିଅମ୍, ତୈଳ, ଗ୍ୟାସ. ତୈଳ ଭଳି ସମ୍ବେଦନଶୀଳ ଖଣିଜ,, ସାଧାରଣ ଆଣବିକ ଶକ୍ତି,ମହାକାଶ, କୃଷି, ବିଜ୍ଞାନ ଓ ପ୍ରଯୁକ୍ତି ଏବଂ ଇନଫର୍ମେସନ ଟେକ୍ନୋଲୋଜି କ୍ଷେତ୍ରରେ ବ୍ୟାପକ ହୋଇପାରିଛି । ଆର୍ଜେଣ୍ଟିନା ଦ୍ୱାରା ନିକଟରେ ନିଆଯାଇଥିବା ଆର୍ଥିକ ସଂସ୍କାର ପ୍ରସଙ୍ଗରେ ଉଭୟ ନେତା ମଧ୍ୟ ଆଲୋଚନା କରିଥିଲେ ।
ଉଭୟ ନେତା ମଧ୍ୟ ବର୍ତ୍ତମାନର ଅନେକ ଆନ୍ତର୍ଜାତିକ ପ୍ରସଙ୍ଗ ଉପରେ ଆଲୋଚନା କରିଥିଲେ । ଦୁଇ ଦେଶର ଲୋକଙ୍କ ପାରସ୍ପରିକ ଲାଭ ପାଇଁ ରଣନୀତିକ ସହଭାଗିତାକୁ ଅଧିକ ଘନିଷ୍ଠ କରିବାକୁ ଦୁଇ ନେତା ସହମତ ହୋଇଥିଲେ ।
Had an outstanding meeting with President Javier Milei of Argentina. India cherishes the close friendship with Argentina. Our Strategic Partnership marks 5 years, adding immense vibrancy to bilateral relations. We talked about enhancing ties in energy, defence production, trade… pic.twitter.com/xepTJgyiDQ
— Narendra Modi (@narendramodi) November 19, 2024
Tuve una excelente reunión con el Presidente Javier Milei de Argentina. La India aprecia la estrecha amistad con Argentina. Nuestra Asociación Estratégica cumple 5 años, sumando una gran vitalidad a las relaciones bilaterales. Conversamos sobre la mejora de los lazos en materia… pic.twitter.com/7Gr6wlS4uf
— Narendra Modi (@narendramodi) November 19, 2024
