ଭାରତ ଜାପାନ ସ୍ୱତନ୍ତ୍ର ରଣନୀତିକ ଓ ବୈଶ୍ୱିକ ସହଯୋଗର ଗୁରୁତ୍ୱପୂର୍ଣ୍ଣ ପ୍ରସଙ୍ଗ ଉପରେ କଲେ ଆଲୋଚନା
ସେମି କଣ୍ଡକ୍ଟର, ଇଭି, ଗ୍ରୀନ୍ ଓ କ୍ଲିନ୍ ଏନର୍ଜି ଏବଂ ପାରମ୍ପରିକ ନିର୍ମାଣ କ୍ଷେତ୍ରରେ ସହଯୋଗ ବୃଦ୍ଧି ସକାଶେ ଆଲୋଚନାଭାରତୀୟ ଯୁବପିଢ଼ିଙ୍କୁ ଜାପାନୀ ଭାଷାରେ ପ୍ରଶିକ୍ଷଣ ଓ ଦକ୍ଷତା ବୃଦ୍ଧି ପ୍ରଶିକ୍ଷଣ ପାଇଁ ମଧ୍ୟ ଆଲୋଚନାଜାପାନ ପ୍ରତିନିଧି ସଭାର ବାଚସ୍ପତି ଶ୍ରୀ ନୁକାଗା ଫୁକୁଶିରୋ, ଜାପାନ ସଂସଦର ସଦସ୍ୟଙ୍କ ସହ ପ୍ରତିନିଧି ଦଳ, ଜାପାନୀ କମ୍ପାନୀର ବ୍ୟାବସାୟିକ ପ୍ରତିନିଧିମାନଙ୍କୁ ଆଜି ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ସ୍ୱାଗତ କରିଛନ୍ତି । ଏହି ସାକ୍ଷାତକାରରେ ଭାରତ-ଜାପାନ ଗୁରୁତ୍ୱପୂର୍ଣ୍ଣ ରଣନୀତିକ ଏବଂ ବୈଶ୍ୱିକ ସହଯୋଗକୁ ଗୁରୁତ୍ୱ ଦିଆଯାଇଛି । ଦୁଇ ଦେଶର ଜନସାଧାରଣଙ୍କ ପାରସ୍ପରିକ ସ୍ୱାର୍ଥ ଥିବା କ୍ଷେତ୍ର ଏବଂ ମତବିନିମୟ, ଏଥିସହ ସଂସଦୀୟ ମତବିନିମୟର ଗୁରୁତ୍ୱକୁ ଏଥିରେ ଉଲ୍ଲେଖ କରାଯାଇଛି ।
୨୦୨୨-୨୭ ମଧ୍ୟରେ ଭାରତ ଓ ଜାପାନ ମଧ୍ୟରେ ୫ ଟ୍ରିଲିଅନ ଜାପାନୀଜ୍ ୟେନ୍ କାରବାରର ଲକ୍ଷ୍ୟ ହାସ ଦିଗରେ ହୋଇଥିବା ଅଗ୍ରଗତିରେ ସେମାନେ ସନ୍ତୋଷ ପ୍ରକାଶ କରିଥିଲେ । ୨୦୨୭ ପରେ ଦୁଇ ଦେଶ ମଧ୍ୟରେ ବ୍ୟବସାୟିକ ଓ ଆର୍ଥିକ ବନ୍ଧୁତ୍ୱକୁ ଅଧିକ ସୁଦୃଢ଼ କରିବା ପାଇଁ ରାସ୍ତା
ବାହାର କରିବାକୁ ମଧ୍ୟ ଆଲୋଚନା ହୋଇଥିଲା । ସେମି କଣ୍ଡକ୍ଟର, ଇଭି, ଗ୍ରୀନ୍ ଏବଂ କ୍ଲିକ ଏନର୍ଜି ଭଳି ଆଧୁନିକ କ୍ଷେତ୍ର ଏବଂ ପାରମ୍ପରିକ ନିର୍ମାଣ କ୍ଷେତ୍ର (ମଞ୍ଜୁକୁରି)ରେ କିପରି ସହଯୋଗ ବୃଦ୍ଧି ହେବ ସେ ନେଇ ମଧ୍ୟ ଆଲୋଚନା ହୋଇଥିଲା । ମୁମ୍ବାଇ-ଅହମ୍ମଦାବାଦ ହାଇସ୍ପିଡ୍ ରେଳ ପ୍ରକଳ୍ପକୁ ସଫଳତାର ସହ ଠିକ୍ ସମୟରେ ଶେଷ କରିବା ଉପରେ ମଧ୍ୟ ଗୁରୁତ୍ୱ ଦିଆଯାଇଥିଲା ।
ଭାରତ ଓ ଜାପାନର ପରବର୍ତ୍ତୀ ପିଢ଼ିଙ୍କୁ ବିଭିନ୍ନ କ୍ଷେତ୍ରରେ ପ୍ରଶିକ୍ଷଣ ସକାଶେ ମଧ୍ୟ ଶ୍ରୀ ନୁକାଗା ପ୍ରସ୍ତାବ ଦେଇଥିଲେ । ଜାପାନୀ ଭାଷା, ସଂସ୍କୃତି, କାର୍ଯ୍ୟପ୍ରଣାଳୀ ସହ ବିଭିନ୍ନ ପ୍ରକାର ବ୍ୟବସାୟ କ୍ଷେତ୍ରରେ ପ୍ରଶିକ୍ଷଣ ପାଇଁ ମତ ପ୍ରକାଶ ପାଇଥିଲା । ଏହି କାର୍ଯ୍ୟରେ ବେସରକାରୀ କ୍ଷେତ୍ରର ଭୂମିକାକୁ ମଧ୍ୟ ଗୁରୁତ୍ୱ ଦିଆଯାଇଥିଲା । ଆଗାମୀ ଦିନରେ ଏହି ରିସୋର୍ସ ପର୍ସନ ମାନେ ଦୁଇ ଦେଶ ସମ୍ପର୍କରେ ସେତୁ ସଦୃଶ କାମ କରିବେ ।
ଭାରତକୁ ଜାପାନରୁ ଅଧିକରୁ ଅଧିକ ନିବେଶ ଏବଂ ପ୍ରଯୁକ୍ତି ବିଦ୍ୟା ଆସିବା ଦିଗରେ ବ୍ୟବସାୟିକ ଅନୁକୂଳ ପରିବେଶ ସୃଷ୍ଟି ନେଇ ପ୍ରଧାନମନ୍ତ୍ରୀ ସୂଚନା ଦେଇଥିଲେ । ଏହି କ୍ଷେତ୍ରରେ ଭାରତ ସରକାରଙ୍କ ପକ୍ଷରୁ ସମ୍ପୂର୍ଣ୍ଣ ରୂପେ ସହଯୋଗ ମିଳିବ ବୋଲି ସେ ପ୍ରତିଶ୍ରୁତି ଦେଇଥିଲେ ।
Pleased to meet the Speaker of the House of Representatives of Japan, Mr. Nugaka Fukushiro, accompanying MPs and the business delegation. As two democracies and trusted partners with shared interests, we remain committed to deepening our Special Strategic and Global Partnership,… pic.twitter.com/v0qgiOF4qF
— Narendra Modi (@narendramodi) August 1, 2024
