ଗୁଜରାଟରେ ବ୍ୟସ୍ତବହୁଳ ଦିନ ପରେ ବାରାଣସୀରେ ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ପହଞ୍ଚି ଗୁରୁବାର ରାତି ପ୍ରାୟ ୧୧ଟାରେ ଶିବପୁର-ଫୁଲୱାରିଆ-ଲାହର୍ତାରା ମାର୍ଗ ନିରୀକ୍ଷଣ କରିବାକୁ ଯାଇଥିଲେ ।
ନିକଟରେ ଏହାର ଉଦ୍ଘାଟନ ହୋଇଥିଲା । ଏହା ଦକ୍ଷିଣ ଭାଗ, ବିଏଚ୍ୟୁ, ବିଏଲ୍ଡବ୍ଲ୍ୟୁ ଆଦିର ଆଖପାଖରେ ରହୁଥିବା ପ୍ରାୟ ୫ ଲକ୍ଷ ଲୋକଙ୍କ ପାଇଁ ବିମାନବନ୍ଦର, ଲକ୍ଷ୍ନୌ, ଆଜମଗଡ଼ ଏବଂ ଗାଜିପୁର ଆଡ଼କୁ ଯିବାରେ ବେଶ୍ ସହାୟକ ହୋଇଥାଏ ।
ଏହା ୩୬୦ କୋଟି ଟଙ୍କା ବ୍ୟୟରେ ନିର୍ମିତ ହୋଇଛି । ଟ୍ରାଫିକ୍ ସମସ୍ୟାକୁ ହ୍ରାସ କରିବାରେ ଏହା ସହାୟକ ହେଉଛି । ଏହା ବିଏଚ୍ୟୁରୁ ବିମାନବନ୍ଦର ଆଡ଼କୁ ଯାତ୍ରା ଦୂରତାକୁ ୭୫ ମିନିଟ୍ରୁ ୪୫ ମିନିଟ୍କୁ ହ୍ରାସ କରୁଛି । ସେହିପରି ଏହା ଲାହର୍ତାରାରୁ କଚ୍ହାରି ପର୍ଯ୍ୟନ୍ତ ରାସ୍ତା ଦୂରତାକୁ ୩୦ ମିନିଟ୍ରୁ ୧୫ ମିନିଟ୍କୁ ହ୍ରାସ କରୁଛି ।
ଏହି ପ୍ରକଳ୍ପରେ ବାରାଣସୀର ଲୋକଙ୍କ ଜୀବନକୁ ସହଜ କରିବା ପାଇଁ ରେଲୱେ ଏବଂ ପ୍ରତିରକ୍ଷା ସମେତ ଆନ୍ତଃମନ୍ତ୍ରଣାଳୟ ସମନ୍ୱୟ ଦେଖିବାକୁ ଦେଖିବାକୁ ମିଳିଛି ।
ପ୍ରଧାନମନ୍ତ୍ରୀ ଏକ୍ସରେ ପୋଷ୍ଟ କରିଛନ୍ତି:
‘କାଶୀରେ ପହଞ୍ଚିବା ପରେ ଶିବପୁର-ଫୁଲୱାରିଆ-ଲାହର୍ତରା ମାର୍ଗ ଦେଖିଥିଲି । ଏହି ପ୍ରକଳ୍ପ ନିକଟରେ ଉଦ୍ଘାଟିତ ହୋଇଥିଲା ଏବଂ ସହରର ଦକ୍ଷିଣ ଭାଗରେ ଥିବା ଲୋକଙ୍କ ପାଇଁ ଏହା ବେଶ୍ ସହାୟକ ହୋଇଛି ।’
Upon landing in Kashi, inspected the Shivpur-Phulwaria-Lahartara Marg. This project was inaugurated recently and has been greatly helpful to people in the southern part of the city. pic.twitter.com/9W0YkaBdLX
— Narendra Modi (@narendramodi) February 22, 2024
