ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଆଜି ବେଙ୍ଗାଲୁରୁର କେଏସଆର ରେଳ ଷ୍ଟେସନରେ ବନ୍ଦେ ଭାରତ ଏକ୍ସପ୍ରେସ ଏବଂ ଭାରତ ଗୌରବ କାଶୀ ଦର୍ଶନ ଟ୍ରେନକୁ ପତକା ଦେଖାଇ ଶୁଭାରମ୍ଭ କରିଛନ୍ତି।
କ୍ରାନ୍ଥିଭିରା ସାଙ୍ଗୋଲି ରାୟାନା (କେଏସଆର) ରେଳ ଷ୍ଟେସନର ପ୍ଲାଟଫର୍ମ ନଂ 7 ରେ ପ୍ରଧାନମନ୍ତ୍ରୀ ପହଞ୍ଚି ଚେନ୍ନାଇ-ମଇଶୁରୁ ବନ୍ଦେ ଭାରତ ଏକ୍ସପ୍ରେସକୁ ସବୁଜ ପତାକା ଦେଖାଇ ଶୁଭାରମ୍ଭ କରିଛନ୍ତି। ଏହା ଦେଶର ପଞ୍ଚମ ବନ୍ଦେ ଭାରତ ଏକ୍ସପ୍ରେସ ଟ୍ରେନ୍ ଏବଂ ଦକ୍ଷିଣ ଭାରତରେ ପ୍ରଥମ ଟ୍ରେନ୍ ହେବ। ଏହା ଚେନ୍ନାଇର ଇଣ୍ଡଷ୍ଟ୍ରିଆଲ୍ ହବ୍, ବେଙ୍ଗାଲୁରୁର ଟେକ୍ ଆଣ୍ଡ ଷ୍ଟାର୍ଟଅପ୍ ହବ୍ ଏବଂ ପ୍ରସିଦ୍ଧ ପର୍ଯ୍ୟଟନ ସହର ମଇଶୁରୁ ମଧ୍ୟରେ ଯୋଗାଯୋଗ ବ୍ୟବସ୍ଥାକୁ ସୁଦୃଢ଼ କରିବ।
ଏକ ଟୁଇଟରେ ପ୍ରଧାନମନ୍ତ୍ରୀ କହିଛନ୍ତି;
‘‘ଚେନ୍ନାଇ-ମଇଶୁରୁ ବନ୍ଦେ ଭାରତ ଏକ୍ସପ୍ରେସ ବ୍ୟବସାୟିକ କାର୍ଯ୍ୟ ସହିତ ଯୋଗାଯୋଗକୁ ବୃଦ୍ଧି କରିବ। ଏହା ମଧ୍ୟ ଜୀବନକୁ ସୁଗମ କରିବ। ବେଙ୍ଗାଲୁରୁରୁ ଏହାକୁ ପତାକା ଦେଖାଇ ଶୁଭାରମ୍ଭ କରିଥିବାରୁ ଅତ୍ୟନ୍ତ ଖୁସି। ”
ಚೆನ್ನೈ-ಮೈಸೂರು ವಂದೇ ಭಾರತ್ ಎಕ್ಸ್ಪ್ರೆಸ್ ಸಂಪರ್ಕ ಸೌಲಭ್ಯದ ಜತೆಗೆ ವಾಣಿಜ್ಯ ಚಟುವಟಿಕೆಗಳನ್ನೂ ಹೆಚ್ಚಿಸುತ್ತದೆ. ಅದು ಜೀವನವನ್ನು ಹೆಚ್ಚು ಸುಗಮಗೊಳಿಸುತ್ತದೆ. ಈ ರೈಲಿನ ಸಂಚಾರಕ್ಕೆ ಬೆಂಗಳೂರಿನಲ್ಲಿ ಹಸಿರು ನಿಶಾನೆ ತೋರಿಸಿದ್ದಕ್ಕೆ ಸಂತಸವಾಗಿದೆ. pic.twitter.com/GtAxs6E846
— Narendra Modi (@narendramodi) November 11, 2022
The Chennai-Mysuru Vande Bharat Express will boost connectivity as well as commercial activities. It will also enhance ‘Ease of Living.’ Glad to have flagged off this train from Bengaluru. pic.twitter.com/zsuO9ihw29
— Narendra Modi (@narendramodi) November 11, 2022
ଏହା ପରେ ପ୍ଲାଟଫର୍ମ ନଂ 8 ରେ ପ୍ରଧାନମନ୍ତ୍ରୀ ପହଞ୍ଚିଥିଲେ ଏବଂ ଭାରତ ଗୌରବ କାଶୀ ଯାତ୍ରା ଟ୍ରେନକୁ ସବୁଜ ପତାକା ଦେଖାଇ ଶୁଭାରମ୍ଭ କରିଥିଲେ। ଭାରତ ଗୌରବ ଯୋଜନା ଅଧୀନରେ କର୍ଣ୍ଣାଟକ ହେଉଛି ପ୍ରଥମ ରାଜ୍ୟ ଯେଉଁଥିରେ କର୍ଣ୍ଣାଟକ ସରକାର ଏବଂ ରେଳ ମନ୍ତ୍ରଣାଳୟ ମିଳିତ ଭାବେ କର୍ଣ୍ଣାଟକରୁ ତୀର୍ଥଯାତ୍ରୀଙ୍କୁ କାଶୀ ପଠାଇବା ପାଇଁ କାର୍ଯ୍ୟ କରୁଛନ୍ତି। ତୀର୍ଥଯାତ୍ରୀମାନଙ୍କୁ କାଶୀ, ଅଯୋଧ୍ୟା ଏବଂ ପ୍ରୟାଗ ପରିଦର୍ଶନ ପାଇଁ ଆରାମଦାୟକ ରହଣି ଏବଂ ମାର୍ଗଦର୍ଶନ ପ୍ରଦାନ କରାଯିବ।
ପ୍ରଧାନମନ୍ତ୍ରୀ ଟ୍ୱିଟ୍ କରିଛନ୍ତି;
‘‘ମୁଁ ଭାରତ ଗୌରବ କାଶୀ ଯାତ୍ରା ଟ୍ରେନରେ ପ୍ରଥମ ରାଜ୍ୟ ହୋଇଥିବାରୁ କର୍ଣ୍ଣାଟକକୁ ପ୍ରଶଂସା କରୁଛି। ଏହି ଟ୍ରେନ୍ କାଶୀ ଏବଂ କର୍ଣ୍ଣାଟକକୁ ନିକଟତର କରିଥାଏ। ତୀର୍ଥଯାତ୍ରୀ ଏବଂ ପର୍ଯ୍ୟଟକମାନେ ସହଜରେ କାଶୀ, ଅଯୋଧ୍ୟା ଏବଂ ପ୍ରୟାଗରାଜ ପରିଦର୍ଶନ କରିପାରିବେ। ”
ಭಾರತ್ ಗೌರವ್ ಕಾಶಿ ಯಾತ್ರಾ ರೈಲು ಸಂಚಾರ ಸೌಲಭ್ಯವನ್ನು ಪಡೆದ ಮೊದಲ ರಾಜ್ಯವಾದ ಕರ್ನಾಟಕಕ್ಕೆ ಅಭಿನಂದನೆಗಳು. ಈ ರೈಲು ಕಾಶಿಯನ್ನು ಕರ್ನಾಟಕಕ್ಕೆ ಹತ್ತಿರವಾಗಿಸುತ್ತದೆ. ಯಾತ್ರಿಗಳು ಮತ್ತು ಪ್ರವಾಸಿಗರು ಕಾಶಿ, ಅಯೋಧ್ಯಾ ಹಾಗು ಪ್ರಯಾಗ್ ರಾಜ್ ಗೆ ಭೇಟಿ ನೀಡುವುದು ಸುಲಭವಾಗುತ್ತದೆ. pic.twitter.com/oTymcVgXTs
— Narendra Modi (@narendramodi) November 11, 2022
I would like to compliment Karnataka for being the first state to take up the Bharat Gaurav Kashi Yatra train. This train makes brings Kashi and Karnataka closer. Pilgrims and tourists will be able to visit Kashi, Ayodhya and Prayagraj with ease. pic.twitter.com/7fBlEW091Q
— Narendra Modi (@narendramodi) November 11, 2022
ପ୍ରଧାନମନ୍ତ୍ରୀଙ୍କ ସହ କର୍ଣ୍ଣାଟକର ମୁଖ୍ୟମନ୍ତ୍ରୀ ଶ୍ରୀ ବାସଭରାଜ ବୋମ୍ମାଇ, କର୍ଣ୍ଣାଟକର ରାଜ୍ୟପାଳ ଶ୍ରୀ ଥାୱର ଚାନ୍ଦ ଗେହଲୋଟ୍ ଏବଂ କେନ୍ଦ୍ର ମନ୍ତ୍ରୀ ଶ୍ରୀ ଅଶ୍ୱିନୀ ବୈଷ୍ଣବ ଏବଂ ଶ୍ରୀ ପ୍ରହ୍ଲାଦ ଯୋଶୀ ଯୋଗ ଦେଇଥିଲେ।
ପୃଷ୍ଠଭୂମି
ବନ୍ଦେ ଭାରତ ଏକ୍ସପ୍ରେସ
ବନ୍ଦେ ଭାରତ ଏକ୍ସପ୍ରେସ 2.0 ବହୁ ଉନ୍ନତ ତଥା ବିମାନ ପରି ଭ୍ରମଣ ଅଭିଜ୍ଞତା ପ୍ରଦାନ କରେ। ଏହା ଅତ୍ୟାଧୁନିକ ସୁରକ୍ଷା ବୈଶିଷ୍ଟ୍ୟ ସହିତ ସ୍ୱଦେଶୀ ଜ୍ଞାନକୌଶଳରେ ବିକଶିତ ଟ୍ରେନ୍ ଧକ୍କା ଏଡାଇବା ସିଷ୍ଟମ୍ – କବଚ ସହିତ ସଜ୍ଜିତ ଅଟେ। ବନ୍ଦେ ଭାରତ 2.0 ଅଧିକ ଉନ୍ନତି ଏବଂ ଆଧୁନିକ ବୈଶିଷ୍ଟ୍ୟ ସହିତ ସଜ୍ଜିତ ହେବ ଯେପରିକି ଘଣ୍ଟା ପ୍ରତି 0 ରୁ 100 କିଲୋମିଟର ବେଗ ମାତ୍ର 52 ସେକେଣ୍ଡରେ ଏବଂ ସର୍ବାଧିକ ବେଗ ଘଣ୍ଟା 180 କିଲୋମିଟର ପର୍ଯ୍ୟନ୍ତ ରହିଛି। ଉନ୍ନତ ବନ୍ଦେ ଭାରତ ଏକ୍ସପ୍ରେସ 430 ଟନ୍ ର ପୂର୍ବ ସଂସ୍କରଣ ତୁଳନାରେ 392 ଟନ୍ ହେବ। ଏଥିରେ ଏକ ୱାଇ-ଫାଇ କଣ୍ଟେଣ୍ଟ ଅନ୍-ଡିମାଣ୍ଡ ସୁବିଧା ମଧ୍ୟ ରହିବ। ପ୍ରତ୍ୟେକ କୋଚରେ ଯାତ୍ରୀ ସୂଚନା ଏବଂ ଇନଫୋଟେନମେଣ୍ଟ ପ୍ରଦାନ କରିବା ପାଇଁ 32 ଇଞ୍ଚ ସ୍କ୍ରିନ୍ ସହିତ ସଜ୍ଜିତ ଯାହାକି ପୂର୍ବ ସଂସ୍କରଣରେ 24 ଇଞ୍ଚ ରହିଥିଲା। ବନ୍ଦେ ଭାରତ ଏକ୍ସପ୍ରେସ ମଧ୍ୟ ପରିବେଶ ଅନୁକୂଳ ହେବାକୁ ଯାଉଛି କାରଣ ଏସିଗୁଡିକ 15 ପ୍ରତିଶତ ଅଧିକ ଶକ୍ତି ଦକ୍ଷ ହେବ। ଟ୍ରାକ୍ସନ୍ ମୋଟରର ଧୂଳିମୁକ୍ତ ସ୍ୱଚ୍ଛ ବାୟୁ ଥଣ୍ଡା ସହିତ ଯାତ୍ରା ଅଧିକ ଆରାମଦାୟକ ହେବ । ସାଇଡ୍ ରିକ୍ଲାଇନର ସିଟ୍ ସୁବିଧା ଯାହା କେବଳ ଏକଜିକ୍ୟୁଟିଭ୍ କ୍ଲାସ୍ ଯାତ୍ରୀମାନଙ୍କୁ ପୂର୍ବରୁ ପ୍ରଦାନ କରାଯାଇଥିଲା ତାହା ବର୍ତ୍ତମାନ ସମସ୍ତ ଶ୍ରେଣୀ ପାଇଁ ଉପଲବ୍ଧ ହେବ। ଏକଜିକ୍ୟୁଟିଭ୍ କୋଚଗୁଡିକରେ 180-ଡ଼ିଗ୍ରୀ ଘୂର୍ଣ୍ଣନ ସିଟ୍ ର ଅତିରିକ୍ତ ବୈଶିଷ୍ଟ୍ୟ ଅଛି। ବନ୍ଦେ ଭାରତ ଏକ୍ସପ୍ରେସର ନୂତନ ଡିଜାଇନ୍ ରେ ବାୟୁ ବିଶୋଧନ ପାଇଁ ରୁଫ-ମାଉଣ୍ଟେଡ୍ ପ୍ୟାକେଜ୍ ୟୁନିଟ୍ (ଆରଏମପିୟୁ) ରେ ଏକ ଫଟୋ-କାଟାଲିଟିକ୍ ଅଲଟ୍ରାଭାଇଓଲେଟ୍ ବାୟୁ ବିଶୋଧନ ବ୍ୟବସ୍ଥା ସ୍ଥାପିତ ହୋଇଛି। ସେଣ୍ଟ୍ରାଲ ସାଇଣ୍ଟିଫିକ୍ ଇନ୍ଷ୍ଟ୍ରୁମେଣ୍ଟ ଅର୍ଗାନାଇଜେସନ (ସିଏସଆଇଓ), ଚଣ୍ଡିଗଡ଼ର ସୁପାରିଶ ଅନୁଯାୟୀ, ଏହି ସିଷ୍ଟମ ଆରଏମପିୟୁ ର ଉଭୟ ପଟରେ ପରିକଳ୍ପିତ ଏବଂ ସ୍ଥାପିତ ହୋଇଛି ଯାହା ବାୟୁମଣ୍ଡଳର ଜୀବାଣୁ, ଭୂତାଣୁ ଇତ୍ୟାଦିରୁ ବାୟୁକୁ ଫିଲ୍ଟର ଏବଂ ସଫା କରିବା ସହିତ ଶୁଦ୍ଧ ବାୟୁ ପ୍ରଦାନ କରେ।
ଭାରତ ଗୌରବ ଟ୍ରେନ୍
ନଭେମ୍ବର 2021 ମସିହାରେ ଭାରତୀୟ ରେଳ ଥିମ୍ ଆଧାରିତ ଭରତ ଗୌରବ ଟ୍ରେନର କାର୍ଯ୍ୟ ଆରମ୍ଭ କରିଥିଲା। ଏହି ଥିମର ଉଦ୍ଦେଶ୍ୟ ହେଉଛି ଭାରତର ସମୃଦ୍ଧ ସାଂସ୍କୃତିକ ଐତିହ୍ୟ ଏବଂ ଚମତ୍କାର ଐତିହାସିକ ସ୍ଥାନଗୁଡିକୁ ଭାରତ ଏବଂ ବିଶ୍ବର ଲୋକଙ୍କ ନିକଟରେ ଭାରତ ଗୌରବ ଟ୍ରେନ୍ ମାଧ୍ୟମରେ ପ୍ରଦର୍ଶନ କରିବା। ଏହି ଯୋଜନା ଭାରତର ବିସ୍ତୃତ ପର୍ଯ୍ୟଟନ ସମ୍ଭାବନାକୁ ବୃଦ୍ଧି କରିବା ସହିତ ଥିମ୍ ଆଧାରିତ ଟ୍ରେନ୍ ଚଳାଇବା ପାଇଁ ପର୍ଯ୍ୟଟନ କ୍ଷେତ୍ରର ପ୍ରଫେସନାଲ୍ ମାନଙ୍କ ମୂଳ ଶକ୍ତିକୁ ଉପଯୋଗ କରିବାକୁ ଲକ୍ଷ୍ୟ ରଖିଛି।
