The UP government has ushered in an era of positivity, says PM Modi
Policies are being formulated keeping in mind employment generation opportunities in Uttar Pradesh: PM ModiPolicy + Planning+ Performance lead to Performance and it is now Uttar Pradesh’s time to give a Super-Hit Performance: PMMSME sector plays a major role in UP’s economy, we need to strengthen it further: PM ModiOne-District, One Production will be backed by Centre’s Skill India, Startup India and Stand up India initiatives: PM ModiUttar Pradesh will now shun red tape and roll out red carpet for investors: PM ModiWe announced development of 2 defence corridors in this year’s Budget, one of them will be in UP which will add momentum to growth in Bundelkhand region: PMNot only job-centric, we are focusing on people-centric growth: PM Narendra Modiପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଆଜି ଲକ୍ଷ୍ନୌଠାରେ ଉତ୍ତର ପ୍ରଦେଶ ନିବେଶକ ଶିଖର ସମ୍ମିଳନୀ-2018 କୁ ଉଦ୍ଘାଟନ ପୂର୍ବକ ସମ୍ବୋଧିତ କରିଥିଲେ ।
ଯେତେବେଳେ ପରିବର୍ତ୍ତନ ଆସେ ତାହା ସମସ୍ତଙ୍କ ଦୃଷ୍ଟିଗୋଚର ହୁଏ ଏବଂ ଏହାର ପ୍ରଭାବ ବିଭିନ୍ନ ସ୍ତରରେ ଉପଲବ୍ଧ ହୋଇଥାଏ । ଉତ୍ତରପ୍ରଦେଶ ନିବେଶକ ଶିଖର ସମ୍ମିଳନୀ-2018 ଏହି ପରିବର୍ତ୍ତନର ଏକ ଜ୍ୱଳନ୍ତ ଉଦାହରଣ ବୋଲି କହିଛନ୍ତି ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ।
ସେ କହିଥିଲେ ଯେ ଏତେ ବଡ ନିବେଶକ ସମ୍ମିଳନୀ ଆୟୋଜନ କରିଥିବାରୁ ଉତ୍ତରପ୍ରଦେଶ ସରକାର ଧନ୍ୟବାଦର ପାତ୍ର । ଏଭଳି ସମ୍ମିଳନୀ ଉତ୍ତରପ୍ରଦେଶକୁ ପୁଂଜି ନିବେଶ ମାନଚିତ୍ରରେ ସ୍ୱତନ୍ତ୍ର ସ୍ଥାନ ଦେବ ଏବଂ ଖୁବ୍ ଅଳ୍ପ ସମୟ ମଧ୍ୟରେ ଏହି ରାଜ୍ୟ ବିକାଶ ଓ ସମୃଦ୍ଧିର ମାର୍ଗରେ ଆଗୁସାର ହୋଇଥିବାରୁ ପ୍ରଧାନମନ୍ତ୍ରୀ ସାଧୁବାଦ ଜଣାଇଥିଲେ ।
ସେ କହିଥିଲେ ଉତ୍ତରପ୍ରଦେଶରେ ସମସ୍ତ ପ୍ରକାର ସମ୍ବଳ ଓ ସାମର୍ଥ୍ୟ ଭରପୂର ହୋଇ ରହିଛି । କୃଷି କ୍ଷେତ୍ରରେ ଏହି ରାଜ୍ୟର ଶକ୍ତି ଓ ସାମର୍ଥ୍ୟ ଅନନ୍ୟ । ରାଜ୍ୟରେ ଅନେକ ଦିନ ଧରି ଚାଲିଥିବା ନକାରାତ୍ମକ ବାତାବରଣକୁ ସକାରାତ୍ମକ ଓ ଆଶା ଓ ଆକାଂକ୍ଷାର ବାତାବରଣରେ ପରିଣତ କରାଯାଇଥିବାରୁ ପ୍ରଧାନମନ୍ତ୍ରୀ ରାଜ୍ୟ ମୁଖ୍ୟମନ୍ତ୍ରୀ ଶ୍ରୀ ଯୋଗୀ ଆଦିତ୍ୟନାଥଙ୍କୁ ପ୍ରଶଂସା କରିଥିଲେ । ବିଭିନ୍ନ ଉଦ୍ୟୋଗ କ୍ଷେତ୍ର ପାଇଁ ରାଜ୍ୟସରକାର ଏବେ ପୃଥକ ପୃଥକ ନୀତି ଗ୍ରହଣ କରୁଛନ୍ତି । କୃଷକ, ମହିଳା ଓ ଯୁବଗୋଷ୍ଠୀକୁ ଦିଆଯାଇଥିବା ପ୍ରତିଶୃତି ପୂରଣ କରିବା ଦିଗରେ ରାଜ୍ୟ ସରକାର ଅତ୍ୟନ୍ତ ଗୁରୁତ୍ୱର ସହ କାମ କରୁଛନ୍ତି ।
ଉତ୍ତରପ୍ରଦେଶ ସରକାର ଏବେ “ଏକ ଜିଲା, ଏକ ଉତ୍ପାଦ” ସ୍କିମ ଆରମ୍ଭ କରିଛନ୍ତି ଯାହାକି ବିନିର୍ମାଣ କ୍ଷେତ୍ରକୁ ପରିବ୍ୟାପ୍ତ କରିବ । କେନ୍ଦ୍ର ସରକାରଙ୍କର ସ୍କିଲ ଇଣ୍ଡିଆ ମିଶନ୍, ଷ୍ଟାଣ୍ଡ ଅପ ଇଣ୍ଡିଆ, ଷ୍ଟାର୍ଟ ଅପ ଇଣ୍ଡିଆ ଏବଂ ପ୍ରଧାନମନ୍ତ୍ରୀ ମୁଦ୍ରା ଯୋଜନା ରାଜ୍ୟ ସରକାରଙ୍କ “ଏକ ଜିଲା, ଏକ ଉତ୍ପାଦ” ସ୍କିମ ପାଇଁ ବେଶ ସହାୟକ ଓ ଫଳପ୍ରଦ ହେବ ।
ସେ କହିଥିଲେ ଯେ କେନ୍ଦ୍ର ସରକାର କୃଷି କ୍ଷେତ୍ରରୁ ଉତ୍ପାଦିତ ସାମଗ୍ରୀ ଯେପରି ଶୀଘ୍ର ପଚିସଢି ନଷ୍ଟ ନହୁଏ ତାକୁ ଦୃଷ୍ଟିରେ ରଖି ଉତ୍ପାଦ ସଂରକ୍ଷଣ କାର୍ଯ୍ୟକ୍ରମ ସ୍ୱରୂପ ପ୍ରଧାନମନ୍ତ୍ରୀ କିଷାନ ସଂପଦା ସ୍କିମ ଆରମ୍ଭ କରିଛନ୍ତି । ଉତ୍ତରପ୍ରଦେଶରେ ବହୁଳ ଭାବେ ଆଖୁ ଚାଷ ହୋଇଥାଏ । ଏହା ଇଥାନଲ ଉତ୍ପାଦନ ଦିଗରେ ବିଶେଷଭାବେ ସହାୟକ ହେବ ।
ଉତ୍ତର ପ୍ରଦେଶରେ ପ୍ରତିରକ୍ଷା ଉତ୍ପାଦନ ଶିଳ୍ପ କରିଡର ନିର୍ମାଣ କରାଯିବ ବୋଲି ପ୍ରଧାନମନ୍ତ୍ରୀ ଏହି ଅବସରରେ ସୂଚନା ଦେଇଥିଲେ । ଏ ପ୍ରକାର ଉଦ୍ୟୋଗ ବୁନ୍ଦେଲଖଣ୍ଡ ଅଂଚଳର ବିକାଶକୁ ତ୍ୱରାନ୍ୱିତ କରିବ । ଆସନ୍ତା ବର୍ଷ ପ୍ରୟାଗଠାରେ ଅନୁଷ୍ଠିତ ହେବାକୁ ଯାଉଥିବା କୁମ୍ଭ ମେଳା ବିଶ୍ୱର ସର୍ବବୃହତ ସାଂସ୍କୃତିକ ସଂଗମର ଅନ୍ୟତମ ମହତ୍ୱପୂର୍ଣ୍ଣ ଘଟଣାବଳୀ ହେବ ବୋଲି ପ୍ରଧାନମନ୍ତ୍ରୀ କହିଥିଲେ ।
