ମହାମହିମ ତୁର୍କୀ ସାଧାରଣତନ୍ତ୍ରର ରାଷ୍ଟ୍ରପତି ମିଷ୍ଟର ରିକେପ ତାଈପ ଏର୍ଡୋଗାନଙ୍କ ସହିତ ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଆଜି ଟେଲିଫୋନ ଯୋଗେ ବାର୍ତ୍ତାଳାପ କରିଛନ୍ତି ।
ରାଷ୍ଟ୍ରପତି ଏର୍ଡୋଗାନ ଭାରତରେ ନିକଟରେ ହୋଇଥିବା ଆତଙ୍କବାଦୀ ଆକ୍ରମଣର ମୃତକଙ୍କ ପ୍ରତି ସମବେଦନା ଜଣାଇଥିଲେ ଏବଂ ଆହତଙ୍କ ଆଶୁ ଆରୋଗ୍ୟ କାମନା କରିଥିଲେ ।
ପ୍ରଧାନମନ୍ତ୍ରୀ କହିଥିଲେ ଯେ, ଆତଙ୍କବାଦ ବିଶ୍ଵର ଶାନ୍ତି ଏବଂ ନିରାପତ୍ତା ପ୍ରତି ସବୁଠୁ ବଡ ବିପଦ ହୋଇ ରହିଛି । ସମସ୍ତ ପ୍ରଭାବିତ ରାଷ୍ଟ୍ରଗୁଡିକ ଦ୍ଵାରା ଆତଙ୍କବାଦ ବିରୁଦ୍ଧରେ ତ୍ଵରିତ, ବ୍ୟାପକ ଏବଂ ପ୍ରଭାବୀ କାର୍ଯ୍ୟାନୁଷ୍ଠାନ ଗ୍ରହଣ କରିବାର ଗୁରୁତ୍ଵ ଉପରେ ସେ ଆଲୋକପାତ କରିଥିଲେ ।
