ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଆସନ୍ତାକାଲି ରାଜସ୍ଥାନର ଉଦୟପୁର ଗସ୍ତରେ ଯିବେ ।
ସେ ଏହି ଗସ୍ତ କାଳରେ କେତେକ ପ୍ରମୁଖ ଜାତୀୟ ରାଜମାର୍ଗ ପ୍ରକଳ୍ପର ଉଦ୍ଘାଟନ କରିବା ସହ ଆଉ କିଛି ପ୍ରକଳ୍ପର ଆଧାରଶିଳା ରଖିବେ । ଏହିସବୁ ରାଜମାର୍ଗ ପ୍ରକଳ୍ପର ମୋଟ ଖର୍ଚ୍ଚ ଅଟକଳ ହେଉଛି 15 ହଜାର କୋଟି ଟଙ୍କା ।
ଆସନ୍ତାକାଲି ଉଦ୍ଘାଟିତ ହେବାକୁ ଥିବା ପ୍ରକଳ୍ପଗୁଡିକ ହେଲା – କୋଟାଠାରେ ଚମ୍ବଲ ନଦୀ ଉପରେ ଆଧୁନିକ 6 ଲେନ ବିଶିଷ୍ଟ କେବଲ-ସେତୁ, ଜାତୀୟ ରାଜପଥ ନମ୍ବର – 8 ମଧ୍ୟରେ ଥିବା ଗୋମତୀ ଚୌରାହା – ଉଦୟପୁର ସେକ୍ସନର 4 ଲେନ ସଡକ, ଜାତୀୟ ରାଜପଥ – 758ର ରାଜସମନ୍ଦ – ଭିଲୱାରା ସେକ୍ସନର 4 ଲେନ ସଡକ । ଏହାଛଡା ପ୍ରଧାନମନ୍ତ୍ରୀ ଜୟପୁର ରିଙ୍ଗରୋଡ ସମେତ ଆଉ କିଛି ପ୍ରମୁଖ ପ୍ରକଳ୍ପର ଶିଳାନ୍ୟାସ କରିବା କାର୍ଯ୍ୟକ୍ରମ ରହିଛି ।
ପ୍ରଧାନମନ୍ତ୍ରୀ ଏହି ଅବସରରେ ଜନସଭାକୁ ସମ୍ବୋଧିତ କରିବେ ।
ଉଦୟପୁର ଗସ୍ତ କାଳରେ ପ୍ରଧାନମନ୍ତ୍ରୀ ପ୍ରତାପ ଗୌରବ କେନ୍ଦ୍ର ପରିଦର୍ଶନ କରିବେ । ମେୱାରର ମହାନ ରାଜା ମହାରଣା ପ୍ରତାପଙ୍କ ଜୀବନୀ, ଆଦର୍ଶ, ବୀରତ୍ଵ ଗାଥା ଓ ସଫଳତା ସମ୍ପର୍କରେ ଅନେକ ତଥ୍ୟ ଏହି କେନ୍ଦ୍ରରେ ପ୍ରଦର୍ଶିତ ହୋଇଥାଏ ।
Tomorrow I will be visiting Rajasthan, the land of the brave, where I will inaugurate & lay the foundation of key National Highway projects.
— Narendra Modi (@narendramodi) August 28, 2017
I will address a public meeting in Udaipur. I will also visit the Pratap Gaurav Kendra and pay my respects to the great Maharana Pratap.
— Narendra Modi (@narendramodi) August 28, 2017
