ଦେଶର ଦୀର୍ଘତମ ପୋଲକୁ ଉଦଘାଟନ କରିବେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ

Road connectivity in the North-East will see a major transformation: PM to inaugurate India’s longest bridge

Dhola-Sadia Bridge to provide efficient road connectivity to remote and backward areas which have poor road infrastructure

Dhola-Sadia Bridge to give a major boost to overall economic development in Assam and Arunachal Pradesh

• ଲୋହିତ ନଦୀ ଉପରେ ନିର୍ମିତ 9.15 କିମି ଦୀର୍ଘ ଧୋଲା-ସଦିଆ ପୋଲ
• ଆସାମ -ଅରୁଣାଚଳ ମଧ୍ୟରେ 165 କିଲୋମିଟରର ଦୂରତ୍ୱ ହ୍ରାସ କରିବ

ଆସନ୍ତାକାଲି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଦେଶର ଦୀର୍ଘତମ ପୋଲକୁ ଉଦଘାଟନ କରିବେ । 9.15 କିଲୋମିଟର ଦୈର୍ଘ୍ୟ ବିଶିଷ୍ଟ ଏହି ଧୋଲା-ସଦିଆ ପୋଲ ଦେଶର ଉତ୍ତର-ପୂର୍ବାଂଚଳରେ ଯୋଗାଯୋଗର ଏକ ଗୁରୁତ୍ୱପୂର୍ଣ୍ଣ ମାଧ୍ୟମ ହେବ । ବ୍ରହ୍ମପୁତ୍ରର ଏକ ଶାଖା ନଦୀ ଲୋହିତ ନଦୀ ଉପରେ ନିର୍ମିତ ଏହି ପୋଲଟିରେ ତିନି ଥାକିଆ ରାସ୍ତାର ସୁବିଧା କରାଯାଇଛି । ପୋଲଟି ଆସାମର ଧୋଲା ଅଞ୍ଚଳକୁ ଅରୁଣାଚଳ ପ୍ରଦେଶର ସଦିଆ ସହ ସଂଯୋଗ କରୁଛି । ପୂର୍ବରୁ ଏହି ଅଞ୍ଚଳରେ ବ୍ରହ୍ମପୁତ୍ର ନଦୀକୁ କେବଳ ଫେରି ଯୋଗେ ଲୋକେ ଅତିକ୍ରମ କରୁଥିଲେ । ତାହା ବି କେବଳ ଦିନ ସମୟରେ । ବନ୍ୟା କିମ୍ବା ରାତ୍ର କାଳରେ ଏହା ସମ୍ଭବ ହେଉ ନଥିଲା । ପୂର୍ବରୁ ବ୍ରହ୍ମପୁତ୍ର ଉପରେ କେବଳ ଗୋଟିଏ ପୋଲ ତେଜପୁର ନିକଟରେ କାଲିଆ-ଭୋମରା ପୋଲ ଥିଲା । ଆସନ୍ତାକାଲି କିନ୍ତୁ ଧୋଲା-ସାଦିଆ ପୋଲର ଉଦଘାଟନ ପରେ ଉପର ଆସାମ ସହ ଅରୁଣାଚଳ ପ୍ରଦେଶର ଚବିଶ ଘଣ୍ଟିଆ ଯୋଗାଯୋଗ ବ୍ୟବସ୍ଥା ହୋଇଯିବ ।

ନୂତନ ପୋଲ ଆସାମର ରୁପାଇ (ଜାତୀୟ ରାଜପଥ-37) ଠାରୁ ଅରୁଣାଚଳ ପ୍ରଦେଶର ମେକା/ରୋଇଂ(ଜାତୀୟ ରାଜପଥ-52) ମଧ୍ୟରେ 165 କିଲୋମିଟରର ଦୂରତ୍ୱ ହ୍ରାସ କରିବ । ପୂର୍ବରୁ ଏହି ରାସ୍ତାକୁ ଅତିକ୍ରମ କରିବାକୁ 6 ଘଣ୍ଟା ଲାଗୁଥିବା ବେଳେ ଏବେ ମାତ୍ର ଏକ ଘଣ୍ଟା ସମୟ ଲାଗିବ । ଏହାଦ୍ୱାରା ଦୈନିକ ପେଟ୍ରୋଲ ଓ ଡିଜେଲ ଖର୍ଚ୍ଚ ବାବଦକୁ 10 ଲକ୍ଷ ଟଙ୍କା ସଞ୍ଚୟ ହୋଇପାରିବ ।

ପୋଲଟିର ଦୈର୍ଘ୍ୟ 9.15 କିଲୋମିଟର ଥିବା ବେଳେ ଆପ୍ରୋଚ୍ ରୋଡକୁ ମିଶାଇଲେ ଏହାର ଲମ୍ବ ହେବ 28.50 କିଲୋମିଟର । ଏହି ପୋଲ ନିର୍ମାଣରେ 2056  କୋଟି ଟଙ୍କା ଖର୍ଚ୍ଚ ହୋଇଛି ।