ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଆସନ୍ତାକାଲି ଅର୍ଥାତ 3 ଜାନୁଆରୀ, 2020ରେ କୃଷି ବିଜ୍ଞାନ ବିଶ୍ୱବିଦ୍ୟାଳୟ (ୟୁଏଏସ), ଜିକେଭିକେ, ବେଙ୍ଗଲୁରୁଠାରେ 107ତମ ଭାରତୀୟ ବିଜ୍ଞାନ କଂଗ୍ରେସର ଉଦଘାଟନ କରିବେ । ପ୍ରଧାନମନ୍ତ୍ରୀ ଏହି ଅବସରରେ ଉଦଘାଟନୀ ଅଭିଭାଷଣ ଦେବା ସହିତ ଆଇ-ଷ୍ଟେମ ପୋର୍ଟାଲର ମଧ୍ୟ ଶୁଭାରମ୍ଭ କରିବେ । କେନ୍ଦ୍ର ମନ୍ତ୍ରୀ ଡ. ହର୍ଷବର୍ଦ୍ଧନ, କର୍ଣ୍ଣାଟକ ମୁଖ୍ୟମନ୍ତ୍ରୀ ଶ୍ରୀ ବି.ଏସ ୟେଦ୍ୟୁରପ୍ପା ଏବଂ ଅନ୍ୟ ଗଣମାନ୍ୟ ବ୍ୟକ୍ତିବିଶେଷ ଏହି ଅବସରରେ ଉପସ୍ଥିତ ରହିବେ ।
ଚଳିତ ବର୍ଷ ଭାରତୀୟ ବିଜ୍ଞାନ କଂଗ୍ରେସ (ଆଇଏସସି)ର ବିଷୟବସ୍ତୁ ‘ବିଜ୍ଞାନ ଏବଂ ପ୍ରଯୁକ୍ତି : ଗ୍ରାମୀଣ ବିକାଶ’ ରଖାଯାଇଛି । ବହୁ ନୋବେଲ ପୁରସ୍କାର ବିଜେତା, ବୈଜ୍ଞାନିକ, ବୁଦ୍ଧିଜୀବୀ, ଶିକ୍ଷାବିତ୍ତ, ନୀତିନିର୍ମାତା, ଗବେଷକ, ଛାତ୍ରଛାତ୍ରୀ ଏବଂ ବିଭିନ୍ନ ପ୍ରତିଷ୍ଠାନର ପ୍ରତିନିଧିମାନଙ୍କ ସମେତ 15ହଜାରରୁ ଊର୍ଦ୍ଧ୍ଵ ଅଂଶଗ୍ରହଣକାରୀ ଏଥିରେ ସାମିଲ ହେବେ ବୋଲି ଆଶା କରାଯାଉଛି । ଏହି ଆୟୋଜନ ସହ ଜଡ଼ିତ ସମ୍ପୂର୍ଣ୍ଣ ସୂଚନା ମୋବାଇଲ ଆପ ‘https://play.google.com/store/apps/details?id=com.indiansciencecongress&hl=en_INରେ ଉପଲବ୍ଧ ।
