ରାଜସ୍ଥାନର ବାର୍ମେର ଜିଲ୍ଲାର ପଚପଦ୍ରାଠାରେ ନବନିର୍ମିତ ରାଜସ୍ଥାନ ତୈଳ ବିଶୋଧନାଗାର 2018 ଜାନୁଆରୀ 16 ତାରିଖରେ କାର୍ଯ୍ୟାରମ୍ଭ କରିବ । ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଏହି ପ୍ଲାଣ୍ଟକୁ ଆନୁଷ୍ଠାନିକ ଭାବେ ଶୁଭାରମ୍ଭ କରିବେ । ସେ ଏହି ଅବସରରେ ଏକ ସାଧାରଣ ସଭାକୁ ସମ୍ବୋଧିତ କରିବେ ।
ରାଜସ୍ଥାନରେ ପ୍ରଚୁର ପରିମାଣର ତୈଳ ଏବଂ ଗ୍ୟାସ ମହଜୁଦ ରହିଛି । ତେବେ ରାଜସ୍ଥାନ ବିଶୋଧନାଗାର ରାଜ୍ୟ ପାଇଁ ପ୍ରଥମ ହେବ । ଏହି ବିଶୋଧନାଗାର ବାର୍ଷିକ 9 ନିୟୁତ ଟନ କ୍ଷମତା ବିଶିଷ୍ଟ ଏକ ସମନ୍ଵିତ ରିଫାଇନେରୀ ଓ ପେଟ୍ରୋରସାୟନ କମ୍ପ୍ଲେକ୍ସର ଅଂଶବିଶେଷ । ବିଶୋଧନାଗାରରୁ ମିଳିବାକୁ ଥିବା ଉତ୍ପାଦ ଅତ୍ୟାଧୁନିକ ବିଏସ-6 ଅଙ୍ଗାରକ ଉତ୍ସର୍ଜନ ମାନଦଣ୍ଡ ଅନୁରୂପ ହେବ । ହିନ୍ଦୁସ୍ତାନ ପେଟ୍ରୋଲିୟମ ନିଗମ ଏବଂ ରାଜସ୍ଥାନ ସରକାରଙ୍କ ମିଳିତ ଉଦ୍ୟମରେ ନିର୍ମିତ ହେଉଥିବା ଏହି ସମନ୍ଵିତ ଯୌଥ ପ୍ରକଳ୍ପ ପାଇଁ 43,000 କୋଟି ଟଙ୍କାର ବ୍ୟୟ ବରାଦ କରାଯାଇଛି ।
ଏହି ଅବସରରେ ଆୟୋଜିତ ସମାରୋହରେ ରାଜସ୍ଥାନର ରାଜ୍ୟପାଳ, ମୁଖ୍ୟମନ୍ତ୍ରୀ ତଥା ଅନ୍ୟ କେନ୍ଦ୍ରମନ୍ତ୍ରୀମାନେ ମଧ୍ୟ ଯୋଗଦେବେ ।
