PM Modi to visit China, attend the 9th BRICS Summit
PM Modi to embark on first bilateral visit to Myanmar
• ବ୍ରିକ୍ସ ଶିଖର ବୈଠକ ବିଶ୍ୱ ଶାନ୍ତି, ନିରାପତ୍ତାକୁ ସୁଦୃଢ଼ କରିବାରେ ସହାୟକ ହେବ,
• ରାଷ୍ଟ୍ରପତି ୟୁ ହିତିନ କ୍ୟୋ ଏବଂ ରାଷ୍ଟ୍ର ପରାମର୍ଶଦାତା ଦ ଅଙ୍ଗ୍ ସାନ ସୁ କି ଙ୍କ ସହିତ ଆଲୋଚନା ଭାରତ-ମିଆଁମାର ଦ୍ୱିପାକ୍ଷିକ ସମ୍ପର୍କକୁ ସୁଦୃଢ଼ କରିବ
• ରାଷ୍ଟ୍ରପତି ୟୁ ହିତିନ କ୍ୟୋ ଏବଂ ରାଷ୍ଟ୍ର ପରାମର୍ଶଦାତା ଦ ଅଙ୍ଗ୍ ସାନ ସୁ କି ଙ୍କ ସହିତ ଆଲୋଚନା ଭାରତ-ମିଆଁମାର ଦ୍ୱିପାକ୍ଷିକ ସମ୍ପର୍କକୁ ସୁଦୃଢ଼ କରିବ
ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ନବମ ବ୍ରିକ୍ସ ଶିଖର ସମ୍ମିଳନୀରେ ଯୋଗ ଦେବା ପାଇଁ ସେପ୍ଟେମ୍ବର 3-5 ତାରିଖ ମଧ୍ୟରେ ଚୀନର ଗସ୍ତରେ ଯିବେ । ଚୀନର ଜିଆମେନ ପ୍ରଦେଶରେ ଏହି ଶିଖର ସମ୍ମିଳନୀ ଅନୁଷ୍ଠିତ ହେଉଛି । ଚୀନ ଗସ୍ତ ସାରି ପ୍ରଧାନମନ୍ତ୍ରୀ ସେପ୍ଟେମ୍ବର 5-7 ମିଆଁମାର ଯିବେ ।
ଏହି ଗସ୍ତର ଅବ୍ୟବହିତ ପୂର୍ବରୁ ପ୍ରଧାନମନ୍ତ୍ରୀ ନିଜର ଫେସବୁକ୍ ପୋଷ୍ଟରେ ଅନେକ ସୂଚନା ପ୍ରଦାନ କରିଛନ୍ତି –
“ମୁଁ ନବମ ବ୍ରିକ୍ସ ଶିଖର ସମ୍ମିଳନୀରେ ଯୋଗ ଦେବା ପାଇଁ 3-5 ସେପ୍ଟେମ୍ବର 2017 ଚୀନର ଜିଆମେନ ଗସ୍ତ କରିବି ।
ଗତବର୍ଷ ଅକ୍ଟୋବରରେ ଗୋଆଠାରେ ବ୍ରିକ୍ସ ଶିଖର ସମ୍ମିଳନୀ ଆୟୋଜନ କରିବାର ସୌଭାଗ୍ୟ ମିଳିଥିଲା । ଗୋଆ ସମ୍ମିଳନୀର ପରିଣାମ ଓ ସଫଳତାକୁ ଆଗକୁ ବଢ଼ାଇ ନେବା ସକାଶେ ମୁଁ ଆଗ୍ରହାନ୍ୱିତ । ଆଗାମୀ ସମ୍ମିଳନୀର ଗଠନାତ୍ମକ ଆଲୋଚନା ଓ ଫଳପ୍ରଦ ପରିଣାମ ଚୀନ ନେତୃତ୍ୱରେ ବ୍ରିକ୍ସ ଭାଗିଦାରୀତାକୁ ସଶକ୍ତ କରିବା ଦିଗରେ ବିଶେଷ ସହାୟକ ହେବ । ଏହି ଅବସରରେ ବ୍ରିକ୍ସ ବ୍ୟବସାୟ ପରିଷଦରେ ଆନେ ମତ ବିନିମୟ କରିବୁ ଯେଉଁଠି 5ଟି ଯାକ ସଦସ୍ୟ ରାଷ୍ଟ୍ରର ଶିଳ୍ପ ଜଗତର ନେତୃମଣ୍ଡଳୀ ପ୍ରତିନିଧିତ୍ୱ କରିବେ ।
ଏହା ବ୍ୟତୀତ ବ୍ରିକ୍ସ ସଦସ୍ୟଙ୍କ ସମେତ 9ଟି ଦେଶର ନେତାଙ୍କ ସହ ମୁଁ ଆଲୋଚନା କରିବାକୁ ଆଗ୍ରହର ସହ ଅପେକ୍ଷା କରିଛି । ସେପ୍ଟେମ୍ବର 5 ତାରିଖରେ ରାଷ୍ଟ୍ରପତି ଜି ଜିନପିଙ୍ଗଙ୍କ ଦ୍ୱାରା ଆୟୋଜିତ ହେବାକୁ ଥିବା “ଉଦୀୟମାନ ବଜାର ଏବଂ ବିକାଶଶୀଳ ରାଷ୍ଟ୍ରଙ୍କ କଥାବାର୍ତ୍ତା” ବୈଠକରେ ଏହି ଆଲୋଚନା ଅନୁଷ୍ଠିତ ହେବ ।
ଶିଖର ସମ୍ମିଳନୀ ଅବସରରେ ବିଭିନ୍ନ ରାଷ୍ଟ୍ରର ନେତାଙ୍କ ସହ ମୋତେ ଦ୍ୱିପାକ୍ଷିକ ଆଲୋଚନା ଲାଗି ସୁଯୋଗ ମିଳିବ ।
ଭାରତ ବ୍ରିକ୍ସର ଭୂମିକାକୁ ବଡ ଗୁରୁତ୍ୱ ଦେଉଛି, ଯାହାକି ଶାନ୍ତି ଓ ପ୍ରଗତିର ଭାଗିଦାରୀତା କ୍ଷେତ୍ରରେ ଦ୍ୱିତୀୟ ଦଶକ ଆରମ୍ଭ କରିଛି । ବିଶ୍ୱ ଶାନ୍ତି ଓ ନିରାପତ୍ତାକୁ ବଜାୟ ରଖିବା ସହ ବୈଶ୍ୱିକ ଆହ୍ୱାନଗୁଡିକର ମୁକାବିଲା ଦିଗରେ ବ୍ରିକ୍ସ ଗୋଷ୍ଠୀର ଗୁରୁତ୍ୱପୂର୍ଣ୍ଣ ଯୋଗଦାନ ରହିଛି ।
ମୁଁ ମହାମାନ୍ୟ ରାଷ୍ଟ୍ରପତି ୟୁ ହିତିନ କ୍ୟୋ ଙ୍କ ନିମନ୍ତ୍ରଣ କ୍ରମେ 5-7 ସେପ୍ଟେମ୍ବର 2017 ମିଆଁମାର ଗସ୍ତରେ ଯିବି । ପୂର୍ବରୁ 2014ରେ ଆସିଆନ-ଭାରତ ଶିଖର ସମ୍ମିଳନୀରେ ଯୋଗଦେବା ଲାଗି ଏହି ସୁନ୍ଦର ରାଷ୍ଟ୍ରକୁ ଯାତ୍ରା କରିଥିଲି । କିନ୍ତୁ ଆଗାମୀ ମିଆଁମାର ଯାତ୍ରା ମୋର ପ୍ରଥମ ଦ୍ୱିପାକ୍ଷିକ ଗସ୍ତ ହେବ ।
ରାଷ୍ଟ୍ରପତି ୟୁ ହିତିନ କ୍ୟୋ ଏବଂ ମିଆଁମାରର ରାଷ୍ଟ୍ର ପରାମର୍ଶଦାତା, ବୈଦେଶିକ ମନ୍ତ୍ରୀ ତଥା ରାଷ୍ଟ୍ରପତିଙ୍କ କାର୍ଯ୍ୟାଳୟ ମନ୍ତ୍ରୀ ଦ ଅଙ୍ଗ୍ ସାନ ସୁ କି ଙ୍କ ସହିତ ଦ୍ୱିପାକ୍ଷିକ ଆଲୋଚନା କରିବା ଲାଗି ଉତ୍କଣ୍ଠିତ । 2016ରେ ଏହି ଦୁଇ ନେତାଙ୍କ ଭାରତ ଗସ୍ତ ସମୟରେ ସେମାନଙ୍କ ସହିତ ମୋର ଆଲୋଚନା କରିବାର ସୁଯୋଗ ମିଳିଥିଲା ।
ମିଆଁମାର ଗସ୍ତ କଳରେ ଆମେ ଦ୍ୱିପାକ୍ଷିକ ସମ୍ପର୍କ ବିଶେଷକରି ବିକାଶମୂଳକ ସହଯୋଗ ଏବଂ ଭାରତ ପ୍ରଦାନ କରୁଥିବା ସାମାଜିକ ଆର୍ଥିକ ସହାୟତା ସମ୍ପର୍କରେ ସମୀକ୍ଷା କରିବୁ । ଏହାଛଡା ଆଉ ଯେଉଁ ନୂଆ ଦିଗଗୁଡିକରେ ସହଯୋଗ କରିବାର ସୁଯୋଗ ରହିଛି ସେ ସମ୍ପର୍କରେ ମଧ୍ୟ ବିଚାର ଆଲୋଚନା ହେବ ।
ଦୁଇ ଦେଶ ମଧ୍ୟରେ ସାମ୍ପ୍ରତିକ ସୁରକ୍ଷା ଏବଂ ଆତଙ୍କବାଦ ନିରୋଧି ସହଯୋଗ, ବାଣିଜ୍ୟ ଓ ପୁଞ୍ଜି ନିବେଶ, ଦକ୍ଷତା ବିକାଶ, ଭିତ୍ତିଭୂମି ଏବଂ ଶକ୍ତି ତଥା ସାଂସ୍କୃତିକ ସମ୍ବନ୍ଧକୁ ମଜବୁତ କରିବା ନେଇ ବ୍ୟାପକ ଆଲୋଚନା ହେବ ।
ଗସ୍ତ କାଳରେ ମିଆଁମାରର ସୁପ୍ରସିଦ୍ଧ ଐତିହ୍ୟ ନଗରୀ ବାଗାନ ପରିଦର୍ଶନ କରିବାର ସୁଯୋଗ ମିଳିବ । ସେଠାରେ ବିଖ୍ୟାତ ଆନନ୍ଦ ମନ୍ଦିରର ପୁନରୁଦ୍ଧାର ଓ ସଂରକ୍ଷଣ କ୍ଷେତ୍ରରେ ଭାରତୀୟ ପ୍ରତ୍ନତତ୍ତ୍ଵ ସଂସ୍ଥା ଉଲ୍ଲେଖନୀୟ କାର୍ଯ୍ୟ କରିଛି । କେବଳ ସେତିକି ନୁହେଁ ବାଗାନ ଅଞ୍ଚଳରେ ଭୂକମ୍ପ ବିଧ୍ୱସ୍ତ ପ୍ରସିଦ୍ଧ ପାଗୋଡା ଏବଂ ବିରଳ ପ୍ରାଚୀର ଚିତ୍ରଗୁଡିକର ପୁନରୁଦ୍ଧାର ଓ ସଂରକ୍ଷଣ ଲାଗି ଭାରତୀୟ ପ୍ରତ୍ନତତ୍ତ୍ଵ ସଂସ୍ଥା ଆହୁରି ଅନେକ କାର୍ଯ୍ୟ ହାତକୁ ନେବ ।
ପରିଶେଷରେ ୟାଙ୍ଗୁନ ପରିଦର୍ଶନ ସହ ମୋର ମିଆଁମାର ଦ୍ୱିପାକ୍ଷିକ ଯାତ୍ରାର ସମାପ୍ତି ହେବ । ଏହି ଅଞ୍ଚଳରେ ରହିଥିବା ଅନେକଗୁଡିଏ ଐତିହାସିକ କିର୍ତ୍ତୀରାଜି ଓ ପର୍ଯ୍ୟଟନସ୍ଥଳୀ ବୁଲିବାର ସୌଭାଗ୍ୟ ମିଳିବ ଯାହାକି କାଳ କାଳ ଧରି ଭାରତ-ମିଆଁମାର ମିଳିତ ଐତିହ୍ୟର ଜ୍ୱଳନ୍ତ ପ୍ରତୀକ ରହିଆସିଛି ।
ମିଆଁମାର ଗସ୍ତ କାଳରେ ସେଠାକାର ପ୍ରବାସୀ ଭାରତୀୟ ସମ୍ପ୍ରଦାୟ ସହ ମିଶିବା ଏବଂ ମତ ବିନିମୟ କରିବା ଲାଗି ମୁଁ ଉତ୍ସୁକ ଅଛି । ପ୍ରବାସୀ ଭାରତୀୟମାନେ ଏକ ଶତାବ୍ଦୀରୁ ଅଧିକ କାଳ ଧରି ସେଠାରେ ବସବାସ କରି ଆସୁଛନ୍ତି ।
ଏହି ଗସ୍ତ ଭାରତ-ମିଆଁମାର ସମ୍ପର୍କକୁ ମଜବୁତ କରିବା କ୍ଷେତ୍ରରେ ଆଉ ଏକ ଉଜ୍ୱଳ ଅଧ୍ୟାୟ ଯୋଡିବ ବୋଲି ମୁଁ ଗଭୀର ଆସ୍ଥାବାନ । ଏହା ସହିତ ଦୁଇ ଦେଶ ମଧ୍ୟରେ, ଦୁଇ ସରକାର ମଧ୍ୟରେ, ଆମର ବ୍ୟବସାୟୀକ ଗୋଷ୍ଠୀମାନଙ୍କ ମଧ୍ୟରେ ଏବଂ ଜନ-ଗଣଙ୍କ ମଧ୍ୟରେ ପାରସ୍ପରିକ ସମ୍ପର୍କ ବୃଦ୍ଧିରେ ଏକ ନୂଆ ରୋଡ ମେପ ବାଛିବାରେ ବିଶେଷ ସହାୟକ ହେବ”, ବୋଲି ପ୍ରଧାନମନ୍ତ୍ରୀ ତାଙ୍କ ଫେସବୁକ୍ ପୋଷ୍ଟରେ ସୂଚନା ଦେଇଛନ୍ତି ।
ଏହି ଗସ୍ତର ଅବ୍ୟବହିତ ପୂର୍ବରୁ ପ୍ରଧାନମନ୍ତ୍ରୀ ନିଜର ଫେସବୁକ୍ ପୋଷ୍ଟରେ ଅନେକ ସୂଚନା ପ୍ରଦାନ କରିଛନ୍ତି –
“ମୁଁ ନବମ ବ୍ରିକ୍ସ ଶିଖର ସମ୍ମିଳନୀରେ ଯୋଗ ଦେବା ପାଇଁ 3-5 ସେପ୍ଟେମ୍ବର 2017 ଚୀନର ଜିଆମେନ ଗସ୍ତ କରିବି ।
ଗତବର୍ଷ ଅକ୍ଟୋବରରେ ଗୋଆଠାରେ ବ୍ରିକ୍ସ ଶିଖର ସମ୍ମିଳନୀ ଆୟୋଜନ କରିବାର ସୌଭାଗ୍ୟ ମିଳିଥିଲା । ଗୋଆ ସମ୍ମିଳନୀର ପରିଣାମ ଓ ସଫଳତାକୁ ଆଗକୁ ବଢ଼ାଇ ନେବା ସକାଶେ ମୁଁ ଆଗ୍ରହାନ୍ୱିତ । ଆଗାମୀ ସମ୍ମିଳନୀର ଗଠନାତ୍ମକ ଆଲୋଚନା ଓ ଫଳପ୍ରଦ ପରିଣାମ ଚୀନ ନେତୃତ୍ୱରେ ବ୍ରିକ୍ସ ଭାଗିଦାରୀତାକୁ ସଶକ୍ତ କରିବା ଦିଗରେ ବିଶେଷ ସହାୟକ ହେବ । ଏହି ଅବସରରେ ବ୍ରିକ୍ସ ବ୍ୟବସାୟ ପରିଷଦରେ ଆନେ ମତ ବିନିମୟ କରିବୁ ଯେଉଁଠି 5ଟି ଯାକ ସଦସ୍ୟ ରାଷ୍ଟ୍ରର ଶିଳ୍ପ ଜଗତର ନେତୃମଣ୍ଡଳୀ ପ୍ରତିନିଧିତ୍ୱ କରିବେ ।
ଏହା ବ୍ୟତୀତ ବ୍ରିକ୍ସ ସଦସ୍ୟଙ୍କ ସମେତ 9ଟି ଦେଶର ନେତାଙ୍କ ସହ ମୁଁ ଆଲୋଚନା କରିବାକୁ ଆଗ୍ରହର ସହ ଅପେକ୍ଷା କରିଛି । ସେପ୍ଟେମ୍ବର 5 ତାରିଖରେ ରାଷ୍ଟ୍ରପତି ଜି ଜିନପିଙ୍ଗଙ୍କ ଦ୍ୱାରା ଆୟୋଜିତ ହେବାକୁ ଥିବା “ଉଦୀୟମାନ ବଜାର ଏବଂ ବିକାଶଶୀଳ ରାଷ୍ଟ୍ରଙ୍କ କଥାବାର୍ତ୍ତା” ବୈଠକରେ ଏହି ଆଲୋଚନା ଅନୁଷ୍ଠିତ ହେବ ।
ଶିଖର ସମ୍ମିଳନୀ ଅବସରରେ ବିଭିନ୍ନ ରାଷ୍ଟ୍ରର ନେତାଙ୍କ ସହ ମୋତେ ଦ୍ୱିପାକ୍ଷିକ ଆଲୋଚନା ଲାଗି ସୁଯୋଗ ମିଳିବ ।
ଭାରତ ବ୍ରିକ୍ସର ଭୂମିକାକୁ ବଡ ଗୁରୁତ୍ୱ ଦେଉଛି, ଯାହାକି ଶାନ୍ତି ଓ ପ୍ରଗତିର ଭାଗିଦାରୀତା କ୍ଷେତ୍ରରେ ଦ୍ୱିତୀୟ ଦଶକ ଆରମ୍ଭ କରିଛି । ବିଶ୍ୱ ଶାନ୍ତି ଓ ନିରାପତ୍ତାକୁ ବଜାୟ ରଖିବା ସହ ବୈଶ୍ୱିକ ଆହ୍ୱାନଗୁଡିକର ମୁକାବିଲା ଦିଗରେ ବ୍ରିକ୍ସ ଗୋଷ୍ଠୀର ଗୁରୁତ୍ୱପୂର୍ଣ୍ଣ ଯୋଗଦାନ ରହିଛି ।
ମୁଁ ମହାମାନ୍ୟ ରାଷ୍ଟ୍ରପତି ୟୁ ହିତିନ କ୍ୟୋ ଙ୍କ ନିମନ୍ତ୍ରଣ କ୍ରମେ 5-7 ସେପ୍ଟେମ୍ବର 2017 ମିଆଁମାର ଗସ୍ତରେ ଯିବି । ପୂର୍ବରୁ 2014ରେ ଆସିଆନ-ଭାରତ ଶିଖର ସମ୍ମିଳନୀରେ ଯୋଗଦେବା ଲାଗି ଏହି ସୁନ୍ଦର ରାଷ୍ଟ୍ରକୁ ଯାତ୍ରା କରିଥିଲି । କିନ୍ତୁ ଆଗାମୀ ମିଆଁମାର ଯାତ୍ରା ମୋର ପ୍ରଥମ ଦ୍ୱିପାକ୍ଷିକ ଗସ୍ତ ହେବ ।
ରାଷ୍ଟ୍ରପତି ୟୁ ହିତିନ କ୍ୟୋ ଏବଂ ମିଆଁମାରର ରାଷ୍ଟ୍ର ପରାମର୍ଶଦାତା, ବୈଦେଶିକ ମନ୍ତ୍ରୀ ତଥା ରାଷ୍ଟ୍ରପତିଙ୍କ କାର୍ଯ୍ୟାଳୟ ମନ୍ତ୍ରୀ ଦ ଅଙ୍ଗ୍ ସାନ ସୁ କି ଙ୍କ ସହିତ ଦ୍ୱିପାକ୍ଷିକ ଆଲୋଚନା କରିବା ଲାଗି ଉତ୍କଣ୍ଠିତ । 2016ରେ ଏହି ଦୁଇ ନେତାଙ୍କ ଭାରତ ଗସ୍ତ ସମୟରେ ସେମାନଙ୍କ ସହିତ ମୋର ଆଲୋଚନା କରିବାର ସୁଯୋଗ ମିଳିଥିଲା ।
ମିଆଁମାର ଗସ୍ତ କଳରେ ଆମେ ଦ୍ୱିପାକ୍ଷିକ ସମ୍ପର୍କ ବିଶେଷକରି ବିକାଶମୂଳକ ସହଯୋଗ ଏବଂ ଭାରତ ପ୍ରଦାନ କରୁଥିବା ସାମାଜିକ ଆର୍ଥିକ ସହାୟତା ସମ୍ପର୍କରେ ସମୀକ୍ଷା କରିବୁ । ଏହାଛଡା ଆଉ ଯେଉଁ ନୂଆ ଦିଗଗୁଡିକରେ ସହଯୋଗ କରିବାର ସୁଯୋଗ ରହିଛି ସେ ସମ୍ପର୍କରେ ମଧ୍ୟ ବିଚାର ଆଲୋଚନା ହେବ ।
ଦୁଇ ଦେଶ ମଧ୍ୟରେ ସାମ୍ପ୍ରତିକ ସୁରକ୍ଷା ଏବଂ ଆତଙ୍କବାଦ ନିରୋଧି ସହଯୋଗ, ବାଣିଜ୍ୟ ଓ ପୁଞ୍ଜି ନିବେଶ, ଦକ୍ଷତା ବିକାଶ, ଭିତ୍ତିଭୂମି ଏବଂ ଶକ୍ତି ତଥା ସାଂସ୍କୃତିକ ସମ୍ବନ୍ଧକୁ ମଜବୁତ କରିବା ନେଇ ବ୍ୟାପକ ଆଲୋଚନା ହେବ ।
ଗସ୍ତ କାଳରେ ମିଆଁମାରର ସୁପ୍ରସିଦ୍ଧ ଐତିହ୍ୟ ନଗରୀ ବାଗାନ ପରିଦର୍ଶନ କରିବାର ସୁଯୋଗ ମିଳିବ । ସେଠାରେ ବିଖ୍ୟାତ ଆନନ୍ଦ ମନ୍ଦିରର ପୁନରୁଦ୍ଧାର ଓ ସଂରକ୍ଷଣ କ୍ଷେତ୍ରରେ ଭାରତୀୟ ପ୍ରତ୍ନତତ୍ତ୍ଵ ସଂସ୍ଥା ଉଲ୍ଲେଖନୀୟ କାର୍ଯ୍ୟ କରିଛି । କେବଳ ସେତିକି ନୁହେଁ ବାଗାନ ଅଞ୍ଚଳରେ ଭୂକମ୍ପ ବିଧ୍ୱସ୍ତ ପ୍ରସିଦ୍ଧ ପାଗୋଡା ଏବଂ ବିରଳ ପ୍ରାଚୀର ଚିତ୍ରଗୁଡିକର ପୁନରୁଦ୍ଧାର ଓ ସଂରକ୍ଷଣ ଲାଗି ଭାରତୀୟ ପ୍ରତ୍ନତତ୍ତ୍ଵ ସଂସ୍ଥା ଆହୁରି ଅନେକ କାର୍ଯ୍ୟ ହାତକୁ ନେବ ।
ପରିଶେଷରେ ୟାଙ୍ଗୁନ ପରିଦର୍ଶନ ସହ ମୋର ମିଆଁମାର ଦ୍ୱିପାକ୍ଷିକ ଯାତ୍ରାର ସମାପ୍ତି ହେବ । ଏହି ଅଞ୍ଚଳରେ ରହିଥିବା ଅନେକଗୁଡିଏ ଐତିହାସିକ କିର୍ତ୍ତୀରାଜି ଓ ପର୍ଯ୍ୟଟନସ୍ଥଳୀ ବୁଲିବାର ସୌଭାଗ୍ୟ ମିଳିବ ଯାହାକି କାଳ କାଳ ଧରି ଭାରତ-ମିଆଁମାର ମିଳିତ ଐତିହ୍ୟର ଜ୍ୱଳନ୍ତ ପ୍ରତୀକ ରହିଆସିଛି ।
ମିଆଁମାର ଗସ୍ତ କାଳରେ ସେଠାକାର ପ୍ରବାସୀ ଭାରତୀୟ ସମ୍ପ୍ରଦାୟ ସହ ମିଶିବା ଏବଂ ମତ ବିନିମୟ କରିବା ଲାଗି ମୁଁ ଉତ୍ସୁକ ଅଛି । ପ୍ରବାସୀ ଭାରତୀୟମାନେ ଏକ ଶତାବ୍ଦୀରୁ ଅଧିକ କାଳ ଧରି ସେଠାରେ ବସବାସ କରି ଆସୁଛନ୍ତି ।
ଏହି ଗସ୍ତ ଭାରତ-ମିଆଁମାର ସମ୍ପର୍କକୁ ମଜବୁତ କରିବା କ୍ଷେତ୍ରରେ ଆଉ ଏକ ଉଜ୍ୱଳ ଅଧ୍ୟାୟ ଯୋଡିବ ବୋଲି ମୁଁ ଗଭୀର ଆସ୍ଥାବାନ । ଏହା ସହିତ ଦୁଇ ଦେଶ ମଧ୍ୟରେ, ଦୁଇ ସରକାର ମଧ୍ୟରେ, ଆମର ବ୍ୟବସାୟୀକ ଗୋଷ୍ଠୀମାନଙ୍କ ମଧ୍ୟରେ ଏବଂ ଜନ-ଗଣଙ୍କ ମଧ୍ୟରେ ପାରସ୍ପରିକ ସମ୍ପର୍କ ବୃଦ୍ଧିରେ ଏକ ନୂଆ ରୋଡ ମେପ ବାଛିବାରେ ବିଶେଷ ସହାୟକ ହେବ”, ବୋଲି ପ୍ରଧାନମନ୍ତ୍ରୀ ତାଙ୍କ ଫେସବୁକ୍ ପୋଷ୍ଟରେ ସୂଚନା ଦେଇଛନ୍ତି ।
