କାତାରର ଅମିର ଶେଖ ତମିମ ବିନ ଅହମ୍ମଦ ବିନ ଖଲିଫା ଅଲ ଥାନି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ସହ ଟେଲିଫୋନ ଯୋଗେ ବାର୍ତ୍ତାଳାପ କରିଛନ୍ତି ।
କାତାର ସହ ସଂପର୍କ ସୁଦୃଢ଼ କରିବାକୁ ଭାରତ ଗୁରୁତ୍ୱ ଦେଉଛି ବୋଲି ପ୍ରଧାନମନ୍ତ୍ରୀ କହିବା ସହ କାତାର ଆମ ଘନିଷ୍ଠ ବନ୍ଧୁ ଓ ବିସ୍ତାରିତ ପଡ଼ୋଶୀ ବୋଲି କହିଥିଲେ । ମାନନୀୟ କାତାର ଅମିରଙ୍କୁ ତାଙ୍କ ନେତୃତ୍ୱ ପାଇଁ ତଥା ନିକଟ ଅତୀତରେ ଦ୍ରୁତ ଗତିରେ ଦ୍ୱିପାକ୍ଷିକ ସଂପର୍କ ସୁଦୃଢ଼ କରିଥିବାରୁ ସେ ଧନ୍ୟବାଦ ଜଣାଇଥିଲେ ।
ଉଭୟ ନେତା ଅଞ୍ଚଳିକ ପରିସ୍ଥିତି ସଂପର୍କରେ ମଧ୍ୟ ଆଲୋଚନା କରିଥିଲେ । ଶାନ୍ତି ଓ ସୁରକ୍ଷା ପ୍ରତି ଆତଙ୍କବାଦ ବିପଦ ସୃଷ୍ଟି କରୁଛି ଓ ଏହା ଉଭୟ ଆଞ୍ଚଳିକ ତଥା ବିଶ୍ୱ ପ୍ରତି ବିପଜ୍ଜନକ ବୋଲି ପ୍ରଧାନମନ୍ତ୍ରୀ କହିଥିଲେ । ସମସ୍ତ ପ୍ରକାର ଆତଙ୍କବାଦ ଓ ଏହା ପ୍ରତି ସମର୍ଥନ ବନ୍ଦ କରିବା ପାଇଁ ପ୍ରତ୍ୟକ୍ଷ ଓ ତତକ୍ଷଣାତ କାର୍ଯ୍ୟାନୁଷ୍ଠାନ ଜରୁରୀ ବୋଲି ସେ କହିଥିଲେ ।
ଅର୍ଗାନାଇଜେସନ ଅଫ ଇସଲାମିକ କର୍ପୋରେସନ (ଓଆଇସି)ର ଆବୁଧାବିରେ ଆୟୋଜିତ 46ତମ କାଉନସିଲ ଅଫ ଦ ଫରେନ ମିନିଷ୍ଟର୍ସରେ ଭାରତର ବୈଦେଶିକ ବ୍ୟାପାର ମନ୍ତ୍ରୀ ସମ୍ମାନିତ ଅତିଥି ଭାବେ ଯୋଗ ଦେବାର ଐତିହାସିକ ମହତ୍ୱ ରହିଛି ବୋଲି ଉଭୟ ନେତା ଏକମତ ହୋଇଥିଲେ ।
