କାଜାଖସ୍ତାନ ଗସ୍ତ ପୂର୍ବରୁ ପ୍ରଧାନମନ୍ତ୍ରୀଙ୍କ ବିବୃତି

କାଜାଖସ୍ତାନ ଗସ୍ତରେ ବାହାରିବା ପୂର୍ବରୁ ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ନିମ୍ନଲିଖିତ ବିବୃତି ପ୍ରଦାନ କରିଛନ୍ତି ।

“ସାଙ୍ଘାଇ ସହଯୋଗ ସଂଗଠନ (SCO)ର 8 ଓ 9 ଜୁନରେ ଦୁଇଦିନ ଧରି ଅନୁଷ୍ଠିତ ହେଉଥିବା ଶିଖର ବୈଠକରେ ଯୋଗଦେବାକୁ ମୁଁ କାଜାଖସ୍ତାନର ଅସ୍ତାନା ଯାତ୍ରା କରୁଛି ।

ଏହି ବୈଠକରେ ସମସ୍ତ ପ୍ରକ୍ରିୟା ସମ୍ପନ୍ନ ହେବା ପରେ ଭାରତ ସାଙ୍ଘାଇ ସହଯୋଗ ସଂଗଠନର ପୂର୍ଣ୍ଣ ସଦସ୍ୟତା ଲାଭ କରିବ । ଏହି ସଂଗଠନ ବିଶ୍ଵର 40 ପ୍ରତିଶତ ଜନତାର ପ୍ରତିନିଧିତ୍ଵ କରୁଥିବା ବେଳେ ବିଶ୍ଵ ଜିଡିପିର 20 ପ୍ରତିଶତ କ୍ଷମତା ରଖିଛି ।

ଗତ ବର୍ଷ ତାସକେଣ୍ଟ ବୈଠକରେ ଭାରତର ପୂର୍ଣ୍ଣ ସଦସ୍ୟତା ପାଇଁ ଆମର ପ୍ରୟାସ ଆରମ୍ଭ ହୋଇଥିଲା । SCO ସହିତ ଭାରତର ସହଭାଗୀତାକୁ ମଜବୁତ କରିବା ଦିଗରେ ଆମେ ଆଗକୁ ବଢିବୁ ଯାହାକି ଆର୍ଥିକ, ଯୋଗାଯୋଗ ଏବଂ ଆତଙ୍କବାଦ ନିରୋଧି ସହଯୋଗ ଆଦି କ୍ଷେତ୍ରରେ ଆମକୁ ସହାୟତା କରିବ ।

SCO ସଦସ୍ୟମାନଙ୍କ ସହ ଆମର ଦୀର୍ଘ ଦିନର ସମ୍ବନ୍ଧ ରହିଆସିଛି । ତେବେ ଏହି ସଂଗଠନ ଜରିଆରେ ସଦସ୍ୟ ରାଷ୍ଟ୍ରମାନଙ୍କ ସହ ସଂପର୍କକୁ ଆହୁରି ଦୃଢୀଭୂତ କରିବା ପାଇଁ ଆମେ ଉତ୍ସୁକ ଯାହାକି ପାରସ୍ପରିକ ସ୍ଵାର୍ଥ, ଅଭିବୃଦ୍ଧି ଓ ଜନମଙ୍ଗଳ ଦିଗରେ ସହାୟକ ହେବ ।

ମିଳିମିଶି ଆମେ ନୂତନ ସୁଯୋଗର ସନ୍ଧାନ କରିବୁ ଯାହାକି ବିଭିନ୍ନ ଆହ୍ୱାନର ମୁକାବିଲା ତଥା ପାରସ୍ପରିକ ଆଲୋଚନାର ପ୍ରୟାସକୁ ଦ୍ଵିଗୁଣିତ କରିବ । ଏହା ଆମର ସାମୁହିକ ସମ୍ପର୍କର ବଳୟକୁ ବୃଦ୍ଧି କରିବାରେ ଯଥେଷ୍ଟ ସହାୟକ ହେବ ।

ଜୁନ 9 ତାରିଖ ସନ୍ଧ୍ୟାରେ ମୁଁ ଅସ୍ତାନା ଏକ୍ସପୋର ଉଦ୍ଘାଟନ ସମାରୋହରେ ଯୋଗଦେବି ଯାହାର ମୁଖ୍ୟ ବିଷୟବସ୍ତୁ ରହିଛି “ଭବିଷ୍ୟତର ଶକ୍ତି” ।

On evening of June 9, I will also attend the inauguration of the Astana Expo with the theme of “Future Energy”."

Will join the SCO Summit in Astana. Here are more details. https://t.co/wgoxLH8b5e

— Narendra Modi (@narendramodi) June 7, 2017