QuoteTechnology can be beneficial in reducing poverty to a great extent: PM Modi
QuoteHigh Speed Rail project project would bring in latest technology and ensure fast-paced progress: PM Modi
QuoteWhether it is railways, highways, waterways or airways, we are focusing on all areas. Integrated transport system is the dream of new India: PM
QuoteOur efforts are to provide benefits of new technology to the common man: PM Modi
QuoteEconomic development has a direct relation with productivity. Our aim is: More productivity with high-speed connectivity: PM Modi

ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଏବଂ ଜାପାନ ପ୍ରଧାନମନ୍ତ୍ରୀ ଶିଞ୍ଜୋ ଆବେ ଆଜି   ମିଳିତ ଭାବେ ଭାରତର ପ୍ରଥମ ଦ୍ରୁତଗାମୀ ରେଳ ପ୍ରକଳ୍ପର ଶୁଭାରମ୍ଭ କରିଛନ୍ତି  । ଏହି ରେଳ ପ୍ରକଳ୍ପ ମୁମ୍ବାଇ ଏବଂ ଅହମ୍ମଦାବାଦ ମଧ୍ୟରେ ନିର୍ମାଣ ହେବ  ।

|

 

|

 

|

ଏହି ଅବସରରେ ଅହମ୍ମଦାବାଦଠାରେ ଆୟୋଜିତ ଏକ ବିରାଟ ସାଧାରଣ ସଭାରେ ଉଦ୍ବୋଧନ ଦେଇ ପ୍ରଧାନମନ୍ତ୍ରୀ “ନବ ଭାରତ”ର ଉଚ୍ଚ ଆକାଂକ୍ଷା ଏବଂ ଇଚ୍ଛାଶକ୍ତି ବିଷୟରେ ଉଲ୍ଲେଖ କରିଥିଲେ  । ସେ ଏହି ଅବସରରେ ଭାରତବାସୀଙ୍କୁ ଅଭିନନ୍ଦନ ଜଣାଇଥିଲେ ଏବଂ କହିଥିଲେ ଯେ ଏହି ବୁଲେଟ୍ ଟ୍ରେନ୍ ପ୍ରକଳ୍ପ ଆମ ବିକାଶକୁ ଗତି ଯୋଗାଇଦେବ ଏବଂ ତୁରନ୍ତ ଫଳାଫଳ  ପ୍ରଦାନ କରିବ । ସେ କହିଥିଲେ ଯେ ଦ୍ରୁତଗାମୀ ଯୋଗାଯୋଗ ବ୍ୟବସ୍ଥା ଜରିଆରେ ସରକାର ଉତ୍ପାଦକତା ବୃଦ୍ଧି କରିବା ପ୍ରତି ଗୁରୁତ୍ୱ ଦେଉଛନ୍ତି  । ଜାପାନ ଏହି ପ୍ରକଳ୍ପ ଲାଗି ଭାରତକୁ ବୈଷୟିକ ଏବଂ ଆର୍ଥିକ ସହାୟତା ଯୋଗାଇ ଦେଇଥିବାରୁ ପ୍ରଧାନମନ୍ତ୍ରୀ ତାଙ୍କ ପ୍ରତିପକ୍ଷ ଶିଞ୍ଜୋ ଆବେଙ୍କୁ ଧନ୍ୟବାଦ ଜଣାଇଥିଲେ । ଏତେ କମ୍ ସମୟ ମଧ୍ୟରେ ଏହି ପ୍ରକଳ୍ପ ଶୁଭାରମ୍ଭ କରାଯାଇଥିବାରୁ ସେ ଜାପାନ ପ୍ରଧାନମନ୍ତ୍ରୀ ଆବେଙ୍କୁ ପ୍ରଶଂସା କରିଥିଲେ  ।

|

ପ୍ରଧାନମନ୍ତ୍ରୀ କହିଥିଲେ ଯେ ଏହି ଦ୍ରୁତଗାମୀ ରେଳବାଇ କେବଳ ଦୁଇଟି ସହରକୁ ଅଧିକ ନିକଟତର କରିବ ନାହିଁ, ବରଂ ଶତାଧିକ କିଲୋମିଟର ଦୂରରେ ରହୁଥିବା ଲୋକମାନଙ୍କୁ ପରସ୍ପରର ନିକଟତର କରିବ । ସେ କହିଥିଲେ ଯେ ଏକ ନୂଆ ଅର୍ଥନୈତିକ ବ୍ୟବସ୍ଥା ମୁମ୍ବାଇ-ଅହମ୍ମଦାବାଦ କରିଡର ସହିତ ବିକଶିତ ହେଉଛି ଏବଂ ସମଗ୍ର ଅଂଚଳ ଗୋଟିଏ ଅର୍ଥନୈତିକ ଜୋନ୍ ମଧ୍ୟକୁ ଚାଲି ଆସିବ ।

|

ପ୍ରଧାନମନ୍ତ୍ରୀ କହିଥିଲେ ଯେ ସାଧାରଣ ଲୋକଙ୍କୁ ଲାଭ ପହଂଚାଇ ପାରିଲେ ପ୍ରଯୁକ୍ତି  ବିକାଶ ଉପଯୋଗୀ ହୋଇଥାଏ । ସେ କହିଥିଲେ ଯେ ଏହି ପ୍ରକଳ୍ପ ପାଇଁ ପରିକଳ୍ପିତ ପ୍ରଯୁକ୍ତି ହସ୍ତାନ୍ତର ଭାରତୀୟ ରେଳବାଇକୁ ଲାଭାନ୍ୱିତ କରିବା ସହିତ “ମେକ୍ ଇନ୍ ଇଣ୍ଡିଆ” କାର୍ଯ୍ୟକ୍ରମକୁ ତ୍ୱରାନ୍ୱିତ କରିବ । ସେ କହିଥିଲେ ଯେ ଏହି ପ୍ରକଳ୍ପ ପରିବେଶ ଅନୁକୂଳ ଏବଂ ମାନବ ଅନୁକୂଳ ହେବ  । ସେ କହିଥିଲେ ଯେ “ଦ୍ରୁତଗାମୀ କରିଡର” ଭବିଷ୍ୟତରେ ଦ୍ରୁତ ଅଭିବୃଦ୍ଧିର କାରଣ ହେବ ।

|

ପ୍ରଧାନମନ୍ତ୍ରୀ କହିଥିଲେ ଯେ ଭବିଷ୍ୟତର ଆବଶ୍ୟକତାକୁ ଦେଖି ସରକାର ଭିତିଭୂମି ବିକାଶ ସୁନିଶ୍ଚିତ କରିବା ଦିଗରେ କାର୍ଯ୍ୟ କରୁଛନ୍ତି  । ଯଥାସମ୍ଭବ କମ୍ ସମୟ ମଧ୍ୟରେ ଏହି ପ୍ରକଳ୍ପ ସାରିବା ଲାଗି ସମସ୍ତେ ମିଳିତ ଭାବେ କାର୍ଯ୍ୟ କରିବେ ବୋଲି ସେ ବିଶ୍ୱାସ ପ୍ରକଟ କରିଥିଲେ ।

|

ଏଥିପୂର୍ବରୁ ଜାପାନ ପ୍ରଧାନମନ୍ତ୍ରୀ ଶିଞ୍ଜୋ ଆବେ କହିଥିଲେ ଯେ ଭାରତ-ଜାପାନ ସହାଭାଗୀତା ସ୍ୱତନ୍ତ୍ର, ରଣନୈତିକ ଏବଂ ବିଶ୍ୱସ୍ତରୀୟ । ସେ କହିଥିଲେ ଯେ ଆଗାମୀ ବର୍ଷଗୁଡ଼ିକରେ, ସେ ବୁଲେଟ୍ ଟ୍ରେନ୍ ମାଧ୍ୟମରେ ଭାରତର ସୌନ୍ଦର୍ଯ୍ୟ ଓ ପ୍ରଗତି ଦେଖିବାକୁ ଚାହୁଁଛନ୍ତି  ।

 

 

 

 

 

 

 

 

 

 

 

 

 

 

 

 

 

 

ସମ୍ପୂର୍ଣ୍ଣ ଅଭିଭାଷଣ ପଢିବା ପାଇଁ ଏଠାରେ କ୍ଲିକ କରନ୍ତୁ

Explore More
ପ୍ରତ୍ୟେକ ଭାରତୀୟଙ୍କ ରକ୍ତ ତାତିଛି  : 'ମନ କୀ ବାତ' ରେ ପ୍ରଧାନମନ୍ତ୍ରୀ ମୋଦୀ

ଲୋକପ୍ରିୟ ଅଭିଭାଷଣ

ପ୍ରତ୍ୟେକ ଭାରତୀୟଙ୍କ ରକ୍ତ ତାତିଛି : 'ମନ କୀ ବାତ' ରେ ପ୍ରଧାନମନ୍ତ୍ରୀ ମୋଦୀ
Maratha bastion in Tamil heartland: Gingee fort’s rise to Unesco glory

Media Coverage

Maratha bastion in Tamil heartland: Gingee fort’s rise to Unesco glory
NM on the go

Nm on the go

Always be the first to hear from the PM. Get the App Now!
...
ସୋସିଆଲ ମିଡିଆ କର୍ଣ୍ଣର ଜୁଲାଇ 21, 2025
July 21, 2025

Green, Connected and Proud PM Modi’s Multifaceted Revolution for a New India