ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଆଜି ଜାମ୍ମୁ-କାଶ୍ମୀରରୁ ଆସିଥିବା 100 ରୁ ଅଧିକ ପିଲା ଓ ଯୁବ ଗୋଷ୍ଠୀଙ୍କୁ ସାକ୍ଷାତ କରିଛନ୍ତି । “ୱତନ କୋ ଜାନୋ” ଅଭିଯାନର ଅଂଶସ୍ଵରୂପ ଏହି ଯୁବ ଛାତ୍ର ଗୋଷ୍ଠୀ ବର୍ତ୍ତମାନ ଭାରତର ବିଭିନ୍ନ କ୍ଷେତ୍ର ପରିଭ୍ରମଣ କରୁଛନ୍ତି ।
ଏହି ସାକ୍ଷାତ ବେଳେ ଜାମ୍ମୁ-କାଶ୍ମୀରର ଯୁବକ ଓ ପିଲାମାନେ ପ୍ରଧାନମନ୍ତ୍ରୀଙ୍କୁ ରାଜ୍ୟର ବିକାଶ ସମ୍ପର୍କରେ ଅନେକ ପ୍ରଶ୍ନ ପଚାରିଥିଲେ । ବିଶେଷକରି ସେଠାକାର ଭିତ୍ତିଭୂମି ବିକାଶ, ରାଜ୍ୟରେ ଶିକ୍ଷା, ନିଯୁକ୍ତି ସୁଯୋଗ ଏବଂ କ୍ରିଡା ଭିତ୍ତିଭୂମିର ବିକାଶ ନେଇ ମତ ବିନିମୟ କରିଥିଲେ । ଏପରିକି ପିଲାମାନେ ପ୍ରଧାନମନ୍ତ୍ରୀ ଦିନସାରା କିଭଳି କାର୍ଯ୍ୟ କରୁଛନ୍ତି ତାହା ଉତ୍ସୁକତାର ସହ ଜାଣିବାକୁ ଚାହିଁଥିଲେ ।
ପିଲାମାନଙ୍କ ସହ ମତ ବିନିମୟ କାଳରେ ପ୍ରଧାନମନ୍ତ୍ରୀ ଜାମ୍ମୁ-କାଶ୍ମୀରର ଭିତ୍ତିଭୂମି ଉନ୍ନୟନ ଓ ସଂଯୋଗୀକରଣ ଲାଗି କେନ୍ଦ୍ର ସରକାର ନେଉଥିବା ପଦକ୍ଷେପଗୁଡିକ ସମ୍ପର୍କରେ ସୂଚନା ଦେଇଥିଲେ । ଯୁବଗୋଷ୍ଠୀଙ୍କ ମଧ୍ୟରେ କ୍ରିଡା ଭାବନା ଏବଂ କ୍ରିଡା କ୍ଷେତ୍ରର ବିକାଶ ଉପରେ ସେ ଗୁରୁତ୍ଵ ଦେଇଥିଲେ । ପ୍ରଧାନମନ୍ତ୍ରୀ କହିଥିଲେ କଠିନ ପରିଶ୍ରମ କେବେହେଲେ ଏକ ସକାରାତ୍ମକ ମଣିଷକୁ କ୍ଳାନ୍ତି ଦିଏନାହିଁ । ବରଂ ନିର୍ଦ୍ଧାରିତ ସମୟରେ କର୍ତ୍ତବ୍ୟ ସମ୍ପାଦନ ମନରେ ଶାନ୍ତି ଆଣିଦେଇଥାଏ, ଯାହାକି ମାନସିକ ଅବସନ୍ନତା ଠାରୁ ବହୁ ଉର୍ଦ୍ଧ୍ଵରେ ବୋଲି ପ୍ରଧାନମନ୍ତ୍ରୀ କହିଥିଲେ ।
ଏହି ମତ ବିନିମୟ କାଳରେ ପ୍ରଧାନମନ୍ତ୍ରୀଙ୍କ କାର୍ଯ୍ୟ।ଳୟର ରାଷ୍ଟ୍ରମନ୍ତ୍ରୀ ଡଃ ଜିତେନ୍ଦ୍ର ସିଂହ ମଧ୍ୟ ଉପସ୍ଥିତ ଥିଲେ ।
The Minister of State in the PMO, Dr. Jitendra Singh, was present on the occasion.
