PM Modi meets members of the Club des Chefs des Chefs
ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀଙ୍କ ସହିତ ଆଜି ବିଶ୍ଵସ୍ତରୀୟ କ୍ଲବ ପ୍ରେସିଡେନ୍ସିଆଲର ପାଚକମାନେ ସାକ୍ଷାତ କରିଥିଲେ ।
ଏହି କ୍ଲବରେ ଦୁଇ ଡଜନରୁ ଅଧିକ ଦେଶର ରାଷ୍ଟ୍ରମୁଖ୍ୟମାନଙ୍କର ବ୍ୟକ୍ତିଗତ ସୁପକାର ବା ପାଚକମାନେ ସାମିଲ ଅଛନ୍ତି । ଏହାକୁ ଅନୌପଚାରିକ ଭାବେ ଦୁନିଆର ସବୁଠାରୁ ଅନନ୍ୟ ସୁମିଷ୍ଟ ପାଚକ ସମାଜ ଭାବେ ବର୍ଣ୍ଣନା କରାଯାଏ ।
ପ୍ୟାରିସଠାରେ ଅବସ୍ଥିତ ଏହି ସଂଗଠନ ପ୍ରଥମ ଥର ପାଇଁ ଭାରତରେ ଏବେ ତାର ସାଧାରଣ ଅଧିବେଶନ ଆୟୋଜନ କରିଛି । ପାଚକମାନେ ଦିଲ୍ଲୀ ବ୍ୟତୀତ ଆଗ୍ରା ଏବଂ ଜୟପୁର ଗସ୍ତ କରିବାର କାର୍ଯ୍ୟକ୍ରମ ରହିଛି ।
କ୍ଲବର ସଦସ୍ୟଙ୍କ ମଧ୍ୟରେ ଭାରତର ରାଷ୍ଟ୍ରପତିଙ୍କ ପାଚକ/ସୁପକାର ମିଷ୍ଟର ମଣ୍ଟୁ ସାଇନି, ମାର୍କିନ ରାଷ୍ଟ୍ରପତିଙ୍କ ପାଚିକ ସୁଶ୍ରୀ କ୍ରାଇଷ୍ଟେଟା କମରଫୋର୍ଡ ଏବଂ ବ୍ରିଟେନର ମହାମହିମ ରାଣୀଙ୍କର ପାଚକ ମିଷ୍ଟର ମାର୍କ ଫ୍ଲାନାଗାନ ରହିଛନ୍ତି ।
ପାଚକମାନେ ପ୍ରଧାନମମନ୍ତ୍ରୀଙ୍କ ସହ ଏକ ମିଳିତ ଫଟୋ ଉଠାଇବା ସହିତ ତାଙ୍କୁ ଏକ ସ୍ମାରକୀ ଉପହାର ପ୍ରଦାନ କରିଥିଲେ ।
