ଆଇଏନଏସଭି ତାରିଣୀ ଜାହାଜରେ ସଫଳତା ପୂର୍ବକ ପୃଥିବୀ ପରିକ୍ରମା କରିସାରିଥିବା ଭାରତୀୟ ନୌସେନାର 6 ଜଣ ମହିଳା ଅଧିକାରୀ ଆଜି ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀଙ୍କୁ ସାକ୍ଷାତ କରିଛନ୍ତି ।
ନାବିକ ସାଗର ପରିକ୍ରମା ନାମକ ଏହି ଅଭିଯାନ ଥିଲା ଭାରତର ପ୍ରଥମ ବିଶ୍ୱ ସାଗର ପରିକ୍ରମା ଯେଉଁଥିରେ କେବଳ ମହିଳାମାନେ ସାମିଲ ହୋଇଥିଲେ ।
ଆଲୋଚନା କାଳରେ ନାବିକ ଦଳର ସଦସ୍ୟମାନେ ସେମାନଙ୍କ ଅଭିଯାନର ବିଭିନ୍ନ ଦିଗ, ସେମାନଙ୍କ ପ୍ରସ୍ତୁତି, ତାଲିମ ଏବଂ ଯାତ୍ରା ସମୟରେ ଅଭିଜ୍ଞତା ସମ୍ପର୍କରେ ଏକ ଉପସ୍ଥାପନା କରିଥିଲେ ।
ଅଭିଯାନର ସଫଳତା ପାଇଁ ପ୍ରଧାନମନ୍ତ୍ରୀ ନାବିକ ଦଳକୁ ଅଭିନନ୍ଦନ ଜଣାଇଥିଲେ । ଯାତ୍ରା ସମୟର ସେମାନଙ୍କ ଅଭିନବ ଅଭିଜ୍ଞତା ସମ୍ପର୍କରେ ଲେଖିବା ଏବଂ ଅନ୍ୟମାନଙ୍କୁ ଜଣାଇବା ଲାଗି ପ୍ରଧାନମନ୍ତ୍ରୀ ସେମାନଙ୍କୁ ଉତ୍ସାହିତ କରିଥିଲେ । ନୌସେନା ମୁଖ୍ୟ ଆଡମିରାଲ ସୁନୀଲ ଲାନବା ଏହି ଅବସରରେ ଉପସ୍ଥିତ ଥିଲେ ।
ଲେଫ୍ଟନାଣ୍ଟ କମାଣ୍ଡର ବର୍ତ୍ତିକା ଜୋଶୀଙ୍କ ନେତୃତ୍ୱରେ ପରିଚାଳିତ ଏହି ନୌ-ଅଭିଯାତ୍ରୀ ଦଳରେ ନାବିକ ଭାବେ ଲେଫ୍ଟନାଣ୍ଟ କମାଣ୍ଡର ପ୍ରତିଭା ଜାମୱାଲ, ପି. ସ୍ୱାତୀ, ଏବଂ ଲେଫ୍ଟନାଣ୍ଟ ଏସ ବିଜୟା ଦେବୀ, ବି ଐଶ୍ୱର୍ଯ୍ୟା ଏବଂ ପାୟଲ ଗୁପ୍ତା ପ୍ରମୁଖ ସାମିଲ ହୋଇଥିଲେ ।
