ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ରାଷ୍ଟ୍ରୀୟ ଏକତା ଦିବସ ଉପଲକ୍ଷେ କେୱଡ଼ିଆସ୍ଥିତ ଷ୍ଟାଚ୍ୟୁ ଅଫ ୟୁନିଟିଠାରେ ଜନସାଧାରଣଙ୍କୁ ରାଷ୍ଟ୍ରୀୟ ଏକତା ଦିବସର ଶପଥ ପାଠ କରାଇଥିଲେ ।
2014ଠାରୁ ପ୍ରତିବର୍ଷ 31 ଅକ୍ଟୋବରକୁ ରାଷ୍ଟ୍ରୀୟ ଏକତା ଦିବସ ରୂପରେ ପାଳନ କରାଯାଉଛି । ସମାଜର ପ୍ରତ୍ୟେକ ବର୍ଗର ଲୋକ ସାରା ଦେଶରେ “ଏକତା ଦୌଡ଼”ରେ ଅଂଶଗ୍ରହଣ କରୁଛନ୍ତି ।
ସାରା ଦେଶରରୁ ଆସିଥିବା ପତାକାଧାରୀ ଏବଂ ଗୁଜରାଟ ଛାତ୍ର କ୍ୟାଡେଟ କୋର ପକ୍ଷରୁ ପ୍ରଧାନମନ୍ତ୍ରୀଙ୍କ ସମ୍ମୁଖରେ “ଏକ ଭାରତ ଶ୍ରେଷ୍ଠ ଭାରତ” ଉପରେ ଡ୍ରିଲ ପ୍ରସ୍ତୁତ କରାଯାଇଥିଲା । ଏଥିସହିତ ଏନଏସଜି, ସିଆଇଏସଏଫ, ଏନଡିଆରଏଫ, ସିଆରପିଏଫ, ଗୁଜରାଟ ଏବଂ ଜମ୍ମୁ-କଶ୍ମୀର ପୁଲିସର ଯବାନମାନେ ମଧ୍ୟ ପ୍ରଧାନମନ୍ତ୍ରୀ ମୋଦୀଙ୍କ ସମ୍ମୁଖରେ ନିଜ ନିଜ ପ୍ରଦର୍ଶନ କରିଥିଲେ ।
ପ୍ରଧାନମନ୍ତ୍ରୀ ମୋଦୀ ଏହା ପରେ କେୱଡ଼ିଆରେ ପ୍ରଯୁକ୍ତି ପ୍ରଦର୍ଶନୀ ସ୍ଥଳର ଉଦଘାଟନ କରିଥିଲେ । ପ୍ରଧାନମନ୍ତ୍ରୀ ପୁଲିସବାହିନୀର ଷ୍ଟଲ ପରିଦର୍ଶନ ମଧ୍ୟ କରିଥିଲେ ଯେଉଁଥିରେ ବିମାନଚଳାଚଳ ସୁରକ୍ଷା, ପୁଲିସ ବାହିନୀର ଆଧୁନିକୀକରଣ ସମେତ ଅନେକ ବିଷୟ ଉପରେ ଆଧୁନିକ ପ୍ରଯୁକ୍ତି ପ୍ରଦର୍ଶିତ ହୋଇଥିଲା ।
