ସିଙ୍ଗାପୁର ଉପ-ପ୍ରଧାନମନ୍ତ୍ରୀ ମିଷ୍ଟର ଥର୍ମାନ ସନମୁଗରତ୍ନମ ଆଜି ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀଙ୍କୁ ସାକ୍ଷାତ କରିଛନ୍ତି ।
ଅକ୍ଟୋବର 2016ରେ ସିଙ୍ଗାପୁର ପ୍ରଧାନମନ୍ତ୍ରୀ ମିଷ୍ଟର ଲୀ ହସିଏଁ ଲୁଙ୍ଗଙ୍କ ସଫଳ ଭାରତ ଗସ୍ତକୁ ପ୍ରଧାନମନ୍ତ୍ରୀ ସ୍ମରଣ କରିଥିଲେ ଏବଂ ଶିଖର ସମ୍ମିଳନୀରେ ଉଭୟ ପକ୍ଷରୁ ନିଆଯାଇଥିବା ନିଷ୍ପତ୍ତିର କାର୍ଯ୍ୟକାରିତାକୁ ନେଇ ସନ୍ତୋଷ ପ୍ରକାଶ କରିଥିଲେ ।
ଭାରତରେ ବସ୍ତୁ ଓ ସେବା କର ପ୍ରଣାଳୀର ସଫଳ ଶୁଭାରମ୍ଭ ପାଇଁ ମିଷ୍ଟର ସନମୁଗରତ୍ନମ ପ୍ରଧାନମନ୍ତ୍ରୀଙ୍କୁ ଅଭିନନ୍ଦନ ଜଣାଇଥିଲେ । ଆର୍ଥିକ କ୍ଷେତ୍ରରେ ଦ୍ଵିପାକ୍ଷିକ ସମ୍ପର୍କର ପ୍ରଗତି ନେଇ ସେ ପ୍ରଧାନମନ୍ତ୍ରୀଙ୍କୁ ଅବଗତ କରାଇଥିଲେ ।
ପୁଞ୍ଜିନିବେଶ, ନଗର ଉନ୍ନୟନ, ବେସାମରିକ ବିମାନ ଚଳାଚଳ ଏବଂ ଦକ୍ଷତା ବିକାଶ କ୍ଷେତ୍ରରେ ଦ୍ଵିପାକ୍ଷିକ ସହଯୋଗକୁ ପ୍ରଧାନମନ୍ତ୍ରୀ ପ୍ରଶଂସା କରିଥିଲେ ।
ଦୁଇ ନେତା ବ୍ୟାଙ୍କିଙ୍ଗ, ଡିଜିଟାଲ ଅର୍ଥବ୍ୟବସ୍ଥା, ପର୍ଯ୍ୟଟନ ଏବଂ ନବସୃଜନ କ୍ଷେତ୍ରରେ ଥିବା ବ୍ୟାପକ ସୁଯୋଗକୁ ତର୍ଜମା କରିବା ସହ ଦ୍ଵିପାକ୍ଷିକ ସଂପର୍କକୁ ଆଗକୁ ବଢାଇବା ଲାଗି ଆଲୋଚନା କରିଥିଲେ ।
