“ଭାରତ ପ୍ରଥମ” (India First) ଉଦ୍ଦେଶ୍ୟ ଉପରେ ପ୍ରଧାନମନ୍ତ୍ରୀଙ୍କ ଗୁରୁତ୍ଵାରୋପ ବିଶ୍ଵ ବ୍ୟାପୀ ଗୁଞ୍ଜରିତ ହୋଇଛି । ଯେତେବେଳେ ବିଶ୍ଵ ବାଣିଜ୍ୟ ସଂଗଠନ ବାଣିଜ୍ୟ ସୌଗମ୍ୟ ରାଜିନାମା ଉପରେ ଆଲୋଚନା ଜାରି ରଖିଥିଲେ ସେଥିରେ ଭାରତ ତାର ବିରୋଧାଭାଷକୁ ସ୍ପଷ୍ଟ ସ୍ଵରରେ ଉପସ୍ଥାପନ କରିଥିଲା । ଭାରତ ଯୁକ୍ତି ଦର୍ଶାଇଥିଲା ଯେ ଖାଦ୍ୟ ନିରାପତ୍ତା ପ୍ରତି ଭାରତର ପ୍ରତିବଦ୍ଧତା ଏହା ଦ୍ୱାରା ବ୍ୟାହତ ହେବ । ଭାରତ ପାଇଁ ଦେଶର ଗରିବମାନଙ୍କ ଲାଗି ଖାଦ୍ୟ ନିରାପତ୍ତାକୁ ସୁନିଶ୍ଚିତ କରିବା ଏକ ଆସ୍ଥାର ପ୍ରସଙ୍ଗ, ଯେଉଁଥିପାଇଁ ପ୍ରଧାନମନ୍ତ୍ରୀ ବ୍ୟକ୍ତିଗତ ଭାବେ ବଚନବଦ୍ଧ ।
ଖାଦ୍ୟ ଶସ୍ୟର ସାର୍ବଜନୀନ ଭଣ୍ଡାରକରଣର ଦୀର୍ଘକାଳୀନ ସମାଧାନ ପନ୍ଥା ଉପରେ ଭାରତ ସଦାସର୍ବଦା ଗୁରୁତ୍ଵ ଆରୋପ କରିଆସିଛି । ଯେତେବେଳେ ଏହି ଯୁକ୍ତିକୁ ଅନେକ ରାଷ୍ଟ୍ର ସମର୍ଥନ ଜଣାଇଲେ ସେତେବେଳେ ଭାରତର ଏହି ପ୍ରସଙ୍ଗ ଉପରେ ସ୍ଥିତି ଅଧିକ ମଜଭୁତ ହୋଇଛି । ପରିଣାମତଃ, ଖାଦ୍ୟ ନିରାପତ୍ତା ପ୍ରସଙ୍ଗରେ କୌଣସି ପ୍ରକାର ସାଲିସ କରାନଯିବା ଲାଗି ଭାରତର ପ୍ରତିବଦ୍ଧତା ସୁନିଶ୍ଚିତ ହୋଇପାରିଛି । ଏହି ପ୍ରସଙ୍ଗ ଉପରେ ଭାରତ ବିଶ୍ଵ ସମୁଦାୟଙ୍କ ସହ ତାର ଆଲୋଚନା ଜାରି ରଖିଛି ।
