ଭାରତୀୟ ପୁଲିସ ସେବା 2017 ବ୍ୟାଚର ପ୍ରାୟ 100 ଜଣ ଶିକ୍ଷାନବିସ ଅଧିକାରୀମାନେ ଆଜି (ସୋମବାର) ନୂଆଦିଲ୍ଲୀଠାରେ ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀଙ୍କ ସହ ସାକ୍ଷାତ କରିଛନ୍ତି ।
ପ୍ରଧାନମନ୍ତ୍ରୀ ଶିକ୍ଷାନବିସମାନଙ୍କ ସହ ମତ ବିନିମୟ ସମୟରେ କର୍ମ ପ୍ରତି ସମର୍ପଣ ଭାବନା, ବିଶେଷଜ୍ଞତା ସହ ପେଷାଦାର କାର୍ଯ୍ୟ ପ୍ରଦର୍ଶନ ଏବଂ ନ୍ୟସ୍ତ କରାଯାଇଥିବା ଭୂମିକା ତଥା ଉତ୍ତରଦାୟିତ୍ୱ ଉପରେ ଗୁରୁତ୍ୱ ପ୍ରଦାନ କରିବା ପାଇଁ ପରାମର୍ଶ ଦେଇଥିଲେ ।
ଶିକ୍ଷାନବିସମାନଙ୍କ ସହ ଆଲୋଚନା କାଳରେ କର୍ତ୍ତବ୍ୟ ପାଳନ କରି ସହିଦ ହୋଇଥିବା 33 ହଜାରରୁ ଅଧିକ ପୁଲିସକର୍ମୀମାନଙ୍କ ବଳିଦାନକୁ ସ୍ମରଣ କରିଥିଲେ ।
ସାକ୍ଷାତ କାଳରେ ସୁଶାସନ, ଅନୁଶାସନ, ଆଚାର ବ୍ୟବହାର, ମହିଳା ସଶକ୍ତିକରଣ ଏବଂ ଅପରାଧ/ଫରେନସିକ ବିଜ୍ଞାନ ଭଳି ବିଷୟଗୁଡିକ ଉପରେ ଆଲୋଚନା କରିଥିଲେ ।
