ଆଜି ଲୋକ କଲ୍ୟାଣ ମାର୍ଗଠାରେ ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟର ଅଧିକାରୀ ଓ କର୍ମଚାରୀଙ୍କ ଦ୍ୱାରା ଦୀୱାଲି ମିଳନ କାର୍ଯ୍ୟକ୍ରମ ଆୟୋଜିତ ହୋଇଯାଇଛି । ଏହି ଅବସରରେ ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ସମସ୍ତଙ୍କୁ ଦୀପାବଳିର ହାର୍ଦ୍ଦିକ ଶୁଭକାମନା ଜଣାଇଥିଲେ ।
ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟର ସମସ୍ତ କର୍ମଚାରୀମାନଙ୍କ ଭଲ କାର୍ଯ୍ୟକୁ ପ୍ରଶଂସା କରି ପ୍ରଧାନମନ୍ତ୍ରୀ କହିଥିଲେ ଯେ ସରକାରଙ୍କ ଦ୍ୱାରା ସମ୍ପାଦିତ ପରିବର୍ତ୍ତନକାରୀ କାର୍ଯ୍ୟ କେବଳ କର୍ମଚାରୀଙ୍କ କଠିନ ପରିଶ୍ରମ ଓ ନିରନ୍ତର ପ୍ରୟାସ ଯୋଗୁ ସମ୍ଭବ ହୋଇପାରିଛି । ଗତବର୍ଷ କ’ଣ ଘଟିଥିଲା ତା’ର ଅନୁଧ୍ୟାନ କରିବା ସହିତ ଆସନ୍ତା ବର୍ଷ ଅଧିକ ଉଚ୍ଚତର ସଫଳତା ହାସଲ କରିବା ଲାଗି ସେ କର୍ମଚାରୀମାନଙ୍କୁ ଆହ୍ୱାନ କରିଥିଲେ ।
ପ୍ରଧାନମନ୍ତ୍ରୀ କହିଥିଲେ ଯେ ସମସ୍ତ ସରକାରୀ ବିଭାଗ ମଧ୍ୟରେ ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ ଆଦର୍ଶ ହୋଇପାରିଛି । ସେ ଆହୁରି କହିଥିଲେ ଯେ ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ କେବଳ କାମ କରେ ନାହିଁ ବରଂ ନେତୃତ୍ୱ ନେଇ ଅନ୍ୟମାନଙ୍କୁ କାମ କରିବା ଲାଗି ଅନୁପ୍ରାଣିତ କରିଥାଏ । ନିଜର କାର୍ଯ୍ୟଶୈଳୀ ଏବଂ ପ୍ରତିବଦ୍ଧତା ଦ୍ୱାରା ସମଗ୍ର ସରକାର ପାଇଁ ପ୍ରେରଣା ସାଜିବା ଲାଗି ପ୍ରଧାନମନ୍ତ୍ରୀ କର୍ମଚାରୀମାନଙ୍କୁ ଆହ୍ୱାନ କରିଥିଲେ । 2022ରେ ଦେଶ ସ୍ୱାଧୀନତାର 75 ବର୍ଷ ପୂର୍ତ୍ତି ଅବସରରେ ଦେଶ ସମ୍ମୁଖରେ ଥିବା ଲକ୍ଷ୍ୟ ହାସଲ କରିବା ଉପରେ ସେ ଆଲୋକପାତ କରିଥିଲେ ।
ପ୍ରଧାନମନ୍ତ୍ରୀ କହିଥିଲେ ଯେ କୋଟି କୋଟି ନାଗରିକଙ୍କ ସ୍ୱପ୍ନ ଓ ଆଶାଆକାଂକ୍ଷା ପୂରଣ କରିବା ଦିଗରେ ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ କାମ କରିବା ଉଚିତ ।
