Mr. Dmitry Rogozin, Deputy Prime Minister of Russia meets Prime Minister Narendra Modi
PM Modi, deputy PM of Russia discuss the steady expansion and diversification of bilateral ties
ରୁଷର ଉପପ୍ରଧାନମନ୍ତ୍ରୀ ଦିମିତ୍ରୀ ରୋଗୋଜିନ ଆଜି ଅପରାହ୍ଣରେ ନୂଆଦିଲ୍ଲୀଠାରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ଭେଟିଛନ୍ତି ।
ଚଳିତ ବର୍ଷ ତାଙ୍କର ତୃତୀୟ ଗସ୍ତ ଅବସରରେ ରୁଷ ଉପପ୍ରଧାନମନ୍ତ୍ରୀଙ୍କୁ ଭାରତରେ ସ୍ୱାଗତ ଜଣାଇଥିଲେ ପ୍ରଧାନମନ୍ତ୍ରୀ । ଉଚ୍ଚସ୍ତରୀୟ ମତ ବିନିମୟ ବୃଦ୍ଧିକୁ ନେଇ ସେ ସନ୍ତୋଷ ବ୍ୟକ୍ତ କରିବା ସହିତ ଗତ ଜୁନରେ ବାର୍ଷିକ ଦ୍ୱିପାକ୍ଷିକ ସମ୍ମିଳନୀ ପାଇଁ ତାଙ୍କର ଗସ୍ତକୁ ମନେ ପକାଇଥିଲେ ।
ପ୍ରଧାନମନ୍ତ୍ରୀ ଏବଂ ଉପପ୍ରଧାନମନ୍ତ୍ରୀ ରୋଗୋଜିନ ଉଭୟ ଦେଶ ମଧ୍ୟରେ ଦ୍ୱିପାକ୍ଷିକ ସମ୍ପର୍କରେ ଆସିଥିବା ସ୍ଥିର ବିସ୍ତାର ଏବଂ ବିବିଧତା ସମ୍ପର୍କରେ ଆଲୋଚନା କରିଥିଲେ । ବିଶେଷ କରି ଶକ୍ତି କ୍ଷେତ୍ରରେ ସହଯୋଗୀତା ଏବଂ ଉଚ୍ଚ ପ୍ରଯୁକ୍ତି ସହଯୋଗ ଉପରେ ସମାନ ସହଯୋଗ ନେଇ ଆଲୋଚନା ହୋଇଥିଲା ।
ଉପପ୍ରଧାନମନ୍ତ୍ରୀ ଦିମିତ୍ରୀ ରୋଗୋଜିନ ସାକ୍ଷାତ କାଳରେ ପ୍ରଧାନମନ୍ତ୍ରୀ ଶ୍ରୀ ମୋଦୀଙ୍କୁ ରୁଷ ରାଷ୍ଟ୍ରପତି ପୁତିନଙ୍କ ତରଫରୁ ଶୁଭକାମନା ଜଣାଇଥିଲେ, ଯାହାକୁ ପ୍ରଧାନମନ୍ତ୍ରୀ ସହୃଦୟତାର ସହ ଗ୍ରହଣ କରିଥିଲେ ।
