ଜି 20 ସମ୍ମିଳନୀରେ ଯୋଗଦେବା ପାଇଁ ମୁଁ ଜାପାନର ଓସାକା ଗସ୍ତ କରୁଛି । ସମ୍ପ୍ରତି ଆମ ବିଶ୍ୱ ଯେଉଁ ପ୍ରମୁଖ ଆହ୍ୱାନ ତଥା ସୁଯୋଗର ସମ୍ମୁଖୀନ ହେଉଛି ସେ ସମ୍ବନ୍ଧରେ ଅନ୍ୟ ବିଶ୍ୱ ନେତୃବୃନ୍ଦଙ୍କ ସହ ଆଲୋଚନା କରିବା ପାଇଁ ମୁଁ ଆଗ୍ରହୀ । ମହିଳା ସଶକ୍ତୀକରଣ, ଡିଜିଟାଲୀକରଣ ଓ କୃତ୍ରିମ ବୁଦ୍ଧିମତା ସହିତ ସଂପୃକ୍ତ ବିଷୟ, ସ୍ଥାୟୀ ବିକାଶ ଲକ୍ଷ୍ୟ ହାସଲ କରିବା ନେଇ ପ୍ରଗତି, ସନ୍ତ୍ରାସବାଦ ପରି ବୈଶ୍ୱିକ ଆହ୍ୱାନ ଗୁଡ଼ିକୁ କିପରି ଭାବେ ମୁକାବିଲା କରାଯାଇ ପାରିବ ତାହା ହିଁ ଏହି ସମ୍ମିଳନୀର ପ୍ରମୁଖ ବିଷୟ ବସ୍ତୁ ରହିବ ।
ସଂଶୋଧିତ ବହୁଦେଶୀୟବାଦ ପ୍ରତି ଆମର ଅଙ୍ଗୀକାର ବଦ୍ଧତାକୁ ଆହୁରି ସୁଦୃଢ଼ କରିବା ତଥା ଏନେଇ ଆମର ସଂକଳ୍ପବଦ୍ଧତା ଦ୍ରୂତ ପରିବର୍ତିତ ବିଶ୍ୱରେ ନିୟମ ଆଧାରିତ ଆନ୍ତର୍ଜାତିକ ସମ୍ପର୍କକୁ ରଖିବାରେ ପ୍ରମୁଖ ଭୂମିକା ଗ୍ରହଣ କରିବ । ଏହି ସମ୍ମିଳନୀ ମଧ୍ୟ ଗତ 5 ବର୍ଷ ମଧ୍ୟରେ ଭାରତରେ ହୋଇଥିବା ଦ୍ରୂତ ବିକାଶର ଅନୁଭବକୁ ଦର୍ଶାଇବା ପାଇଁ ଏକ ଦୃଢ଼ ଭିତିଭୂମି ହେବ । ଏହା ସର୍ବଜନ ବିଦିତ ଯେ ଦେଶର ସ୍ଥାୟୀତ୍ୱ ଓ ପ୍ରଗତିକୁ ବଜାୟ ରଖିବା ପାଇଁ ଜନସାଧାରଣ ଏକ ସ୍ପଷ୍ଟ ଜନାଧାର ପ୍ରଦାନ କରିଛନ୍ତି ।
2022ରେ ଭାରତ ଜି-20 ସମ୍ମିଳନୀର ଆୟୋଜନ କରିବା ନେଇ ଓସାକା ସମ୍ମିଳନୀ ଏକ ଭିତିଭୂମି ଯୋଗାଇବ, ଯେତବେଳେ କି ଆମେ ଆମର ସ୍ୱାଧୀନତାର 75ତମ ବାର୍ଷିକୀ ପାଳନ କରିବା ପାଇଁ ଯୋଜନାବଦ୍ଧ ଉଦ୍ୟମ କରୁଥିବା ।
ଏହି ସମୟରେ ଦ୍ୱିପାକ୍ଷିକ ଏବଂ ବୈଶ୍ୱିକ ଗୁରୁତ୍ୱପୂର୍ଣ୍ଣ ବିଷୟ ସମ୍ବନ୍ଧରେ ମୁଁ ଆମ ପ୍ରମୁଖ ଅଂଶୀଦାର ଦେଶର ନେତୃବୃନ୍ଦମାନଙ୍କ ସହ ଆଲୋଚନା କରିବି ।
ଏହି ସମୟରେ ମୁଁ ମଧ୍ୟ ଋଷ, ଭାରତ ଏବଂ ଚୀନ (ଆରଆଇସି)କୁ ନେଇ ପରବର୍ତୀ ଅନୌପଚାରିକ ସମ୍ମିଳନୀର ଆୟୋଜନ କରିବି ଏବଂ ବ୍ରିକ୍ସ (ବ୍ରାଜିଲ, ଋଷ, ଭାରତ, ଚୀନ ଓ ଦକ୍ଷିଣ ଆଫ୍ରିକା) ଓ ଜାଇ (ଜାପାନ, ଆମେରିକା, ଭାରତ)ର ନେତୃବୃନ୍ଦଙ୍କ ସହ ପରବର୍ତୀ ଅନୌପଚାରିକ ବୈଠକରେ ମଧ୍ୟ ଅଂଶଗ୍ରହଣ କରିବି ।
