ଜାପାନୀ ସାଂସଦମାନଙ୍କ ଏକ ପ୍ରତିନିଧି ଦଳ ଆଜି ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀଙ୍କୁ ସାକ୍ଷାତ କରିଛନ୍ତି । ମିଷ୍ଟର ତୋଷିହିରୋ ନିକାଇଙ୍କ ନେତୃତ୍ଵରେ ଆସିଥିବା ଏହି ପ୍ରତିନିଧି ଦଳରେ ମିଷ୍ଟର ମୋଟୁ ହାୟାସୀ ଏବଂ ମିଷ୍ଟର ତାଛୁଓ ହିରାନୋ ପ୍ରମୁଖ ରହିଛନ୍ତି ।
ପ୍ରତିନିଧି ଦଳ ସହ ଆଲୋଚନା କାଳରେ ପ୍ରଧାନମନ୍ତ୍ରୀ ଗତ ସେପ୍ଟେମ୍ବରରେ ଜାପାନ-ଭାରତ ସାଂସଦ ମୈତ୍ରୀ ଲିଗ ସହ ହୋଇଥିବା ତାଙ୍କର ମତ ବିନିମୟକୁ ସ୍ମରଣ କରିଥିଲେ । ଦୁଇ ଦେଶର ବ୍ୟବସ୍ଥାପକ ସଭା ମଧ୍ୟରେ ଅଧିକରୁ ଅଧିକ ମତ ବିନିମୟକୁ ପ୍ରଧାନମନ୍ତ୍ରୀ ସ୍ଵାଗତ କରିଥିଲେ । ଏପରିକି ପ୍ରାଦେଶିକସ୍ତରୀୟ ବ୍ୟବସ୍ଥାପକ ସଭା ମଧ୍ୟରେ ମତ ବିନିମୟକୁ ମଜବୁତ କରିବା ଉପରେ ସେ ଗୁରୁତ୍ଵ ଦେଇଥିଲେ । ସୁନାମୀ ବିପଦ ସମ୍ପର୍କରେ ଜନସାଧାରଣଙ୍କ ମଧ୍ୟରେ ସଚେତନାତା ସୃଷ୍ଟି ଦିଗରେ ମିଷ୍ଟର ତୋଷିହିରୋ ନିକାଇଙ୍କ ଅଭିଯାନକୁ ପ୍ରଧାନମନ୍ତ୍ରୀ ସ୍ଵାଗତ କରିଥିଲେ । ବିପର୍ଯ୍ୟୟ ପ୍ରଶମନ ଓ ପରିଚାଳନା କ୍ଷେତ୍ରରେ ଭାରତ-ଜାପାନ ମଧ୍ୟରେ ଦ୍ଵିପାଖିକ ସହଯୋଗକୁ ଆହୁରି ମଜବୁତ କରିବାର ଆବଶ୍ୟକତା ଉପରେ ସେ ଗୁରୁତ୍ଵ ଦେଇଥିଲେ ।
ଆସନ୍ତା ସପ୍ତାହରେ ଜାପାନ ଗସ୍ତରେ ଯିବା ଲାଗି ପ୍ରଧାନମନ୍ତ୍ରୀ ଉତ୍କଣ୍ଠାର ସହ ଅପେକ୍ଷା କରିଛନ୍ତି ବୋଲି ପ୍ରତିନିଧିମାନଙ୍କୁ କହିଥିଲେ ।
