British Prime Minister, Theresa May speaks to PM Modi on telephone
Both leaders agreed upon scope for strengthening bilateral cooperation between the two nations
ବ୍ରିଟେନର ପ୍ରଧାନମନ୍ତ୍ରୀ ତେରେସା ମେ ଆଜି ଟେଲିଫୋନ ଯୋଗେ ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀଙ୍କ ସହ କଥାବାର୍ତ୍ତା ହୋଇଛନ୍ତି ।
ଦୁଇ ପ୍ରଧାନମନ୍ତ୍ରୀ ସାମ୍ପ୍ରତିକ ଦୀପାବଳି ପର୍ବ ଅବସରରେ ପରସ୍ପରକୁ ଅଭିନନ୍ଦନ ଜଣାଇଥିଲେ ।
ଅନେକ କ୍ଷେତ୍ରରେ ଦୁଇ ଦେଶ ମଧ୍ୟରେ ପାରସ୍ପରିକ ସହଯୋଗକୁ ଆହୁରି ମଜବୁତ କରିବା ଲାଗି ବ୍ୟାପକ ସୁଯୋଗ ରହିଛି ବୋଲି ଦୁଇ ନେତା ଏକମତ ହୋଇଥିଲେ । ବିଶେଷକରି ବିଜ୍ଞାନ ଓ ପ୍ରଯୁକ୍ତିବିଦ୍ୟା, ଅର୍ଥ, ବାଣିଜ୍ୟ, ପୁଞ୍ଜି ନିବେଶ, ପ୍ରତିରକ୍ଷା ଏବଂ ନିରାପତ୍ତା କ୍ଷେତ୍ରରେ ଦ୍ଵିପାକ୍ଷିକ ସହଯୋଗକୁ ଆହୁରି ବିସ୍ତାରିତ କରିବା ପାଇଁ ଅନେକ ସୁଯୋଗ ରହିଛି ।
ପ୍ରଧାନମନ୍ତ୍ରୀ କହିଥିଲେ ଯେ, ଆସନ୍ତା ସପ୍ତାହରେ ପ୍ରଧାନମନ୍ତ୍ରୀ ତେରେସା ମେ’ଙ୍କ ଭାରତ ଗସ୍ତକୁ ସେ ଉତ୍କଣ୍ଠାର ସହ ଅପେକ୍ଷା କରିଛନ୍ତି । ୟୁରୋପ ବାହାରେ ମେ’ଙ୍କର ଏହା ପ୍ରଥମ ବଡ ଧରଣର ବିଦେଶ ଗସ୍ତ । ତାଙ୍କୁ ସ୍ଵାଗତ କରିବା ଲାଗି ଅପେକ୍ଷାରତ ବୋଲି ପ୍ରଧାନମନ୍ତ୍ରୀ କହିଛନ୍ତି ।
