27 ଜାନୁଆରୀ, 2019ରେ ତାମିଲନାଡ଼ୁର ମଦୁରାଇ ଗସ୍ତ କରିବେ ପ୍ରଧାନମନ୍ତ୍ରୀ
January 25th, 07:20 pm
ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଜାନୁଆରୀ 27, 2019ରେ ତାମିଲନାଡ଼ୁର ମଦୁରାଇ ଗସ୍ତ କରିବେ । ମଦୁରାଇ ଏବଂ ଏହାର ଆଖପାଖ ଅଂଚଳରେ ସ୍ୱାସ୍ଥ୍ୟସେବା ସୁବିଧା ଏବଂ ସେବାର ଉନ୍ନତିରେ ଏହି ଗସ୍ତ ଗୁରୁତ୍ୱପୂର୍ଣ୍ଣ ବୋଲି ମନେ କରାଯାଉଛି । କାରଣ ପ୍ରଧାନମନ୍ତ୍ରୀ ଏହି ଅବସରରେ ମଦୁରାଇରେ ନୂତନ ଏମ୍ସ ନିର୍ମାଣ ଲାଗି ଆଧାରଶିଳା ରଖିବେ ଏବଂ ତିନୋଟି ସରକାରୀ ମେଡ଼ିକାଲ କଲେଜର ଉନ୍ନତିକରଣ ପ୍ରକଳ୍ପର ଅଂଶବିଶେଷ ସ୍ୱରୂପ ମଦୁରାଇସ୍ଥିତ ରାଜାଜୀ ମେଡ଼ିକାଲ କଲେଜ, ତାଞ୍ଜାଭୂର ମେଡ଼ିକାଲ କଲେଜ ଏବଂ ତିରୁନେଲଭେଲି ମେଡ଼ିକାଲ କଲେଜର ସୁପର ସ୍ପେଶାଲିଟି ବ୍ଲକକୁ ମଧ୍ୟ ଏହି ଦିନ ଉଦଘାଟନ କରିବେ । ଏହି ଅବସରରେ ପ୍ରଧାନମନ୍ତ୍ରୀ ସାଧାରଣ ସଭାକୁ ସମ୍ବୋଧିତ କରିବେ ।