ପାଲେଷ୍ଟାଇନ୍ ରାଷ୍ଟ୍ରପତିଙ୍କ ଭାରତଗସ୍ତ ଅବସରରେ ପ୍ରଧାନମନ୍ତ୍ରୀଙ୍କ ପ୍ରେସ୍ ବିବୃତି
May 16th, 02:50 pm
ଭାରତ ଗସ୍ତ ଅବସରରେ ମୁଁ ପୁଣିଥରେ ଭାରତର ପୁରୁଣା ବନ୍ଧୁ ରାଷ୍ଟ୍ରପତି ମହମଦ୍ ଆବ୍ବାସ୍ ଙ୍କୁ ସ୍ୱାଗତ ଜଣାଇ ଖୁସି ଅନୁଭବ କରୁଛି । ସ୍ୱାଧୀନତା ସମୟରୁ ଭାରତ ଏବଂ ପାଲେଷ୍ଟାଇନ୍ ମଧ୍ୟରେ ସମ୍ପର୍କ ଦୀର୍ଘସ୍ଥାୟୀ ସମନ୍ୱୟ ଏବଂ ବନ୍ଧୁତାର ଆଧାର ଉପରେ ପ୍ରତିଷ୍ଠିତ ହୋଇ ରହିଆସିଛି । ପାଲେଷ୍ଟାଇନ୍ ର ସ୍ୱାର୍ଥ ପାଇଁ ଭାରତର ସହଯୋଗ ପ୍ରମାଣିତ ହୋଇସାରିଛି । ଆମେ ଆଶା କରୁଛୁ ଯେ ଇସ୍ରାଏଲ୍ ସହିତ ଏକ ସାର୍ବଭୌମ, ସ୍ୱାଧୀନ, ଏବଂ ଏକତ୍ର ରାଷ୍ଟ୍ର ଭାବେ ପାଲେଷ୍ଟାଇନ୍ ତିଷ୍ଠି ରହିବ । ଏ ଦିଗରେ ଆମର ପକ୍ଷ କିଭଳି ରହିବ ଆଲୋଚନା ବେଳେ ତାହା ମୁଁ ରାଷ୍ଟ୍ରପତି ଆବ୍ବାସ୍ ଙ୍କୁ ସୁନିଶ୍ଚିତ କରାଇସାରିଛି ।