PM Modi suggests entire campus of Shree Somnath temple be upgraded with water, greenery and facilities
Somnath Trust should actively participate in the effort to make Veraval and Prabhas Patan cashless: PMଶ୍ରୀ ସୋମନାଥ ଟ୍ରଷ୍ଟର 116 ତମ ବୈଠକ ଆଜି ଗୁଜରାଟର ସୋମନାଥଠାରେ ଅନୁଷ୍ଠିତ ହୋଇଛି।
ଟ୍ରଷ୍ଟ ବୈଠକରେ ଯୋଗ ଦେଇଥିଲେ – ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ (ଟ୍ରଷ୍ଟି), ଶ୍ରୀ ଲାଲକୃଷ୍ଣ ଆଡଭାନୀ (ଟ୍ରଷ୍ଟି), ଶ୍ରୀ ଅମିତ ଶାହା(ଟ୍ରଷ୍ଟି), ଶ୍ରୀ କେଶୁଭାଇ ପଟେଲ(ଟ୍ରଷ୍ଟି), ଶ୍ରୀ ପିକେ ଲାହେରୀ (ଟ୍ରଷ୍ଟି), ଶ୍ରୀ ଜେ ଡି ପରମାର (ଟ୍ରଷ୍ଟି) ଏବଂ ଶ୍ରୀ ହର୍ଷ ନିଓତିଆ ।
ବୈଠକରେ ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ସମଗ୍ର ସୋମନାଥ ମନ୍ଦିର ପରିସର ଓ ଆଖପାଖ ଅଞ୍ଚଳରେ ସବୁଜ ବଳୟ ସୃଷ୍ଟି କରିବା ଉପରେ ଗୁରୁତ୍ୱ ଦେଇଥିଲେ । ଏହାଛଡା ମନ୍ଦିରରେ ସବୁ ଭକ୍ତ, ଯାତ୍ରୀ ଓ ପର୍ଯ୍ୟଟକଙ୍କ ପାଇଁ ପାନୀୟ ଜଳ ଓ ଅନ୍ୟାନ୍ୟ ମୌଳିକ ସୁବିଧା ଉପଲବ୍ଧ କରାଇବାକୁ ସେ ଟ୍ରଷ୍ଟ ବୋର୍ଡକୁ ପରାମର୍ଶ ଦେଇଥିଲେ । ଭିରାଭଲ ଏବଂ ପ୍ରଭାସପାଟଣରେ ନଗଦମୁକ୍ତ କାରବାର ଦିଗରେ ଟ୍ରଷ୍ଟ ସକ୍ରିୟ ରୂପେ କାର୍ଯ୍ୟ କରିବାକୁ ସେ ପରାମର୍ଶ ଦେଇଥିଲେ । ଭକ୍ତ ଓ ପର୍ଯ୍ୟଟକମାନଙ୍କ ମଧ୍ୟରେ ସଚେତନତା ସୃଷ୍ଟି ଲାଗି ପ୍ରମୁଖ ସହରଗୁଡିକରେ ସ୍ୱତନ୍ତ୍ର ମହୋତ୍ସବମାନ ଆୟୋଜିତ କରିବାକୁ ପ୍ରଧାନମନ୍ତ୍ରୀ ପ୍ରସ୍ତାବ ରଖିଥିଲେ ।
ଚଳିତ 2017 ବର୍ଷ ଲାଗି ଶ୍ରୀ କେଶୁଭାଇ ପଟେଲ ପୂର୍ବଭଳି ସୋମନାଥ ଟ୍ରଷ୍ଟର ଅଧ୍ୟକ୍ଷ ରୂପେ କାର୍ଯ୍ୟଭାର ଦାୟିତ୍ୱ ଜାରି ରଖିବେ ବୋଲି ଆଜିର ବୈଠକରେ ସ୍ଥିର କରାଯାଇଥିଲା ।
