पंतप्रधान नरेंद्र मोदी यांनी 1 डिसेंबर 2023 रोजी यूएई मध्ये कॉप-28 परिषदेच्या पार्श्वभूमीवर संयुक्त अरब अमिरातीचे राष्ट्राध्यक्ष शेख मोहम्मद बिन झायेद अल नाहयान यांची भेट घेतली.
कॉप-28 परिषदेचे यशस्वी आयोजन केल्याबद्दल पंतप्रधानांनी शेख मोहम्मद बिन झायेद यांचे अभिनंदन केले. त्यांनी कॉप-28 मध्ये ग्रीन क्लायमेट प्रोग्राम (GCP), अर्थात हरित हवामान कार्यक्रमावरील उच्च-स्तरीय कार्यक्रमाचे सह-आयोजन केल्याबद्दल अध्यक्ष मोहम्मद बिन झायेद अल नाह्यान यांचे आभार मानले.
दोन्ही नेत्यांनी परस्पर देशांच्या व्यापक आणि गतिमान द्विपक्षीय संबंधांचा आढावा घेतला. त्यांनी इस्रायल-हमास संघर्षावरही विचार विनिमय केला.
पंतप्रधानांनी पुढील महिन्यात भारतात होणाऱ्या व्हायब्रंट गुजरात परिषदेसाठी संयुक्त अरब अमिरातीचे राष्ट्राध्यक्ष मोहम्मद बिन झायेद अल नाह्यान यांना आमंत्रित केले.
