तळापर्यंतच्या शेतकऱ्यांना सक्षम करण्यासाठी निरंतर कटीबद्धता आणि निर्धार जारी राखत पंतप्रधान नरेंद्र मोदी,प्रधान मंत्री किसान सन्मान निधी (पीएम –किसान) योजनेचा दहावा हप्ता 1 जानेवारी 2022 ला दुपारी 12:30 ला दूरदृश्य प्रणालीद्वारे जारी करणार आहेत. यावेळी 10 कोटीहून जास्त लाभार्थी शेतकरी कुटुंबाना 20,000 कोटी रुपयांहून अधिक रक्कम हस्तांतरित होणार आहे.
पीएम-किसान योजने अंतर्गत पात्र लाभार्थी शेतकरी कुटुंबाला, चार महिन्यांच्या अंतराने 2000 रुपयांचे तीन हप्ते असे वार्षिक 6000/- रुपये देण्यात येतात.लाभार्थींच्या थेट बँक खात्यात ही रक्कम जमा होते. या योजनेत 1.6 लाख कोटीपेक्षा जास्त सन्मान रक्कम शेतकरी कुटुंबाना आतापर्यंत हस्तांतरित करण्यात आली आहे.
या कार्यक्रमात सुमारे 351 शेतकरी उत्पादन संस्थाना (एफपीओ)14 कोटी रुपयांहून अधिक रक्कमही पंतप्रधान जारी करणार असून 1.24 लाखाहून जास्त शेतकऱ्यांना याचा लाभ होणार आहे. यावेळी पंतप्रधान, शेतकरी उत्पादन संस्थांशी संवाद साधणार असून राष्ट्राला संबोधित करणार आहेत.
केंद्रीय कृषी मंत्री या कार्यक्रमाला उपस्थित राहतील.
